ፓስካ ባኣለ
1አቢባ አጌናን ጎዳ፥ ነ ፆሳ ፓስካ ባኣለ ቦንቻ፤ ጎዳይ፥ ነ ፆሳይ ነና አቢባ አጌናን ቃማ ግብፀፈ ከስስ።2ኔኒ ዶርሳፈነ መሄ ዉድያፐ ጎዳይ ባ ሱንይ ፄገታና መላ ዶርዳ በሳን፥ ጎዳስ፥ ነ ፆሳስ፥ ፓስካ ያርሻ።3ሄ ያርሹዋ ነ ምያ ዎደ እርሾይ ገልዳ ኡይራ ሞፓ። ኔኒ ግብፀ የዳዳ ኤሶን ከይያ ዎደ ኦዳይሳዳ እርሾይ ገልቦና መቶ ኡይ ላፑን ጋላስ ኩመ ማ። ነ ደኦ ላይ ኡባን ነ ግብፀፈ ከይዳ ጋላሳ ሀሳያና።4ነ ቢታ ኡባን ላፑን ጋላሳስ አይባ እርሾይ በንቶፎ። ቃስ ነ ኮይሮ ጋላስ ኦማርስ ያርሽዳ አሹዋፐ ዎንታስ አይብካ አቶፎ።5ነ ፓስካ ያርሹዋ ጎዳይ ነ ፆሳይ ነዉ እምያ ካታማ አዉንካ ጮ ሹኮፋ።6ጎዳይ ነ ፆሳይ ባ ሱንይ ፄገታና መላ ዶርያ በሳን ነ ፓስካ ያርሹዋ ሹካ። ቃስ አው ዉልያ ዎደ ግብፀፈ ነ ከይዳ ግሾ ሄ ሳትያን ሹካ።7ጎዳይ፥ ነ ፆሳይ ዶርያ በሳን፥ ያን ካዳ ማ፤ ያታዳ ሳእ ዎንትያ ዎደ ነ ሶ ሶ ባ።8ኡሱፑን ጋላስ ኩመ እርሾይ ገልቦና ኡይ ማ፤ ላፑን ጋላስ ጎዳ፥ ነ ፆሳ ጎይናናዉ ሺቃ፤ ሄ ጋላስ አይ ኦሶካ ኦፋ።ሳምንታ ባኣለ
9ነ ካ ጫካ ኦይክዳ ኮይሮ ዎድያፐ ዶማዳ፥ ላፑን ሳምንታ ኩመ ታይባ።10ያታዳ፥ ጎዳይ፥ ነ ፆሳይ ነና አንጅዳይሳ መላ ነ፥ ነ ዶሳን እምያ እሙዋ ኤሀዳ፥ ጎዳ፥ ነ ፆሳ ሳምንታ ባኣለ ቦንቻ።11ሄሳን ኔኒ፥ ነ አደ ናይት፥ ነ ማጫ ናይት፥ ነ አደ አይለትነ ነ ማጫ አይለት፥ ነ ካታማን ደእያ ሌወት፥ በተ አሳይ፥ ይኦ ናይትነ ነ ግዶን ደእያ አምኤት ኡባይ፥ ጎዳይ፥ ነ ፆሳይ ባ ሱንይ ፄገታና መላ ዶርያ በሳን ኡፋይትተ።12ኔኒ ግብፀ ቢታን አይለ ግድዳይሳ ሀሳያዳ ሀ ዎጋ ናጋ።ሻቃራ ባኣለ
13ነ ዉዱማፈ ነ ካ፥ ዎይነ የያ በሳፈ ነ ዎይንያ ሺሽዳፐ ጉየ፥ ላፑን ጋላስ ሻቃራ ባኣለ ቦንቻ።14ኔኒ፥ ነ አደ ናይትነ ማጫ ናይት፥ ነ አደ አይለትነ ማጫ አይለት፥ ነ ካታማን ደእያ ሌወት፥ በተ አሳይ፥ ይኦ ናይትነ አምኤት ኡባይ ሄ ባልያን ኡፋይትተ።15ጎዳይ ዶርያ በሳን ላፑን ጋላስ ጎዳ፥ ነ ፆሳ፥ ባኣለ ቦንቻ። ነ ኡፋይታና መላ ነ አይፍስዳባንነ ነ ኩሸ ኦሶ ኡባን ጎዳይ፥ ነ ፆሳይ ነና አንጃና።16ህንተ ቢታን ደእያ አደ ኡባይ ላይን ሄ ቶሆ፥ ኡይ ባኣለ ዎደ፥ ሳምንታ ባኣለ ዎደነ ሻቃራ ባኣለ ዎደ ጎዳ፥ ህንተ ፆሳ ስንን፥ እ ዶርያ በሳን በንቶ። ኤንቲ ጎዳ ስን ይሸ፥ መላ ኩሸ ዮፖ።17ጎዳይ፥ ነ ፆሳይ ነና አንጅዳይሳ መላ እሶይ እሶይ ባዉ ዳንዳኤይሳ መላ እሞ።ፅሎ ፕርዳ
18ጎዳይ፥ ህንተ ፆሳይ እምያ ካታማታን እስ እስ ኮቻስ ዳይናነ ሀላቃ ህንተዉ ሹምተ፤ ኤንቲ አሳስ ፅሎ ፕርዳ ፕርዶ።19ፅሎ ፕርዳ ዎቢሶፓ፤ ሶምኦ በአዳ ማዶፋ፤ ዎፈ ኤኮፋ። ዎፈይ ጭንጫታ አይፍያ ቆቅሴስ፥ ፅሎታ ቃላ ጌላዬስ።20ነ ደኦን ዳና ማላነ ጎዳይ ነ ፆሳይ ነዉ እምያ ቢታ ነ ላታና መላ ፅሎ ፕርዳ።21ኔኒ ጎዳ፥ ፆሳ ያርሾ በሳ ማታን አሼራ ኤቃ ምስልያ ኤሶፋ።22ህንተ ጎዳይ፥ ፆሳይ እፅያ ጎይኖ ሹቻ ቱሱ ነዉ ኤሶፋ።