ዎደ ዉርሰ
1“ሄ ዎደ ነ አሳ ናግያ ግታ ሀላቃይ፥ ምካኤል ደንዳና። ካዎተ መትዳ ዎድያፐ ዶምድ፥ ሀን ኤሮና መቶ ዎደይ ያና። ግዶሽን፥ ኤንታ ሱንይ ፆሳ ማፃፋን ፃፈትዳ ነ አሳ ኡባይ ሄ ዎደ አታና።2ሀይቅዳ አሳፐ ዳሮት ደንዳና። ኤንታፈ ባጋት መርና ደኦስ፥ ባጋት ቃስ ዬላስነ መርና ካዉሻስ ደንዳና።3ጭንጫት ሳሎ ፖኦዳ ቃስ ዳሮታ ፅሎተ ኦገ ካለይሳት መርናዉ ፆልንቶዳ ፖአና።4ሽን ነኖ ዳነላ፥ ነ ዉርሰ ዎደይ ጋካናዉ፥ ሀ ማፃፋ ጎርዳዳ፥ ማታመ ዎ። ዳሮት ኤራተ ደማናዉ ያነ ሃነ ዎፀረታና” ያግስ።5ታኒ፥ ዳነል፥ ናምኡ አሳታ፥ እሶይ ሻፋፐ ሀፍን፥ እሶይ ሻፋፐ ሄፍንን ኤቅዳይሳታ በአስ።6ኤንታፈ እሶይ ሊኖ ማእድ፥ ሻፋፐ ቦላ ባጋራ ኤቅዳ ኪታንቹዋ፥ “ሀ ማላታት ፖለታናዉ አይ መላ ዎደ ጋምአኔ?” ያግድ ኦይችስ።7ሊኖ ማእድ፥ ሻፋፐ ቆሞ ባጋራ ኤቅዳ ኪታንቾይ፥ ባ ኡሻቻ ኩሽያነ ባ ሀድርሳ ኩሽያ ሳሎ ደንድ፥ መርናዉ ደኤይሳ ሱንን ሀይሳዳ ያግድ ጫቅስ፦ “ሀይስ፥ ዎደይ፥ ዎደትነ ዎደ ባጋይ ጋካናዉ ጋምአና፤ ጌሻ አሳታ ዎልቃይ ዉርያ ዎደ ሀ ኡባይ ፖለታና” ያግስ።8ሀ ኡባ ታኒ ስአስ፥ ሽን ታዉ ገልቤና። ያትን፥ ታኒ፥ “ታ ጎዳዉ፥ ሀ ኡባስ ዉርሰይ አይ ግዳንዴ?” ጋዳ ኦይቻስ።9እ ዛሪድ፥ “ዳነላ፥ ሀ ቃላይ ዉርሰ ዎደይ ጋካናዉ ጎርደትዳነ አታመትዳ ግሾ ኔኒ ባ፤10ዳሮት ፓጨትድ ከያና፥ ጌያናነ ቦረይ ባይናይሳታ ግዳና፤ ሽን ኢታት፥ ኢታባ ኦና። ኢታታፐ እስ አስካ አኬከና፤ ሽን ጭንጫት አኬካና።11“ጋላስ ጋላስ ያርሸትያ ያርሾይ ድገትዳፐነ ዮ ቱናተይ ሄ በሳን ኤቅዳፐ ስምን፥ 1,290 ጋላስ።12ገንጭድ 1,335 ጋላስ ጋካናዉ ናግያ አስ አንጀትዳይሳ።13“ኔኒ ዉርሰ ጋካናዉ ባ። ነ ሸምፓና፤ ዉርሰን ነና ጋክያ ላታ ኤካናዉ ደንዳና” ያግስ።