1ታ ህንተዉነ ሎዶቀ ካታማን ደእያ አሳስ፥ ሄሳዳካ ታና አይፈን በእቦና አሳ ኡባስ አይ መላ ባፀትያኮ ህንተ ኤራና መላ ኮያይስ።2ታ ባፀትያ ጋሶይካ ኤንቲ ባንታ ዎዛናን ምንድ፥ ሲቆን ቃሸትድ፥ ፖሎ ግድዳ ኩመ አኬካ ዱረተ ደምድ ፆሳ ፁራ ክርስቶሳ ኤራና መላሳ።3እያን ፆሳይ ምንጅዳ ኤራይነ ጭንጫተ ኡባይ ደኤስ።4ታ ሄሳ ኦንካ ህንተና ጭሞ ቃላን ባለና መላ ኮያዳ ጋይስ።5ታ ህንተፈ ሃካዳ ደእኮካ አያናን ህንተራ ደአይስ። ህንተ ዱሳ ማራነ ክርስቶሳ ህንተ ምንድ አማነይሳ በአዳ ኡፋይታይስ።
ክርስቶሳን ኩመ ደኦ
6ህንተ ጎዳ ክርስቶስ የሱሳ ኤክዳይሳዳ እያን ደእተ።7እያን ፃጶ የድተ፤ እያን ኬፀትተ። ህንተ ታማርዳይሳዳ አማኖን ምንተ፤ ፆሳስ ኩምድ ፓላህዳ ጋላታ እምተ።8ክርስቶሳፐ ግዶናሽን፥ አሳ ዎጋንነ ሀ አላምያ ጮ ዎጋን ካትዳ ትምርተንነ አሳፐ ይዳ ኤራተን ኦንካ ህንተና ጭም ባለድ ድኦና መላ ናገትተ።9ፆሳ ፆሳተይ ክርስቶሳ አሳተን ኩመ ደኤስ።10ህንተካ ማታስነ ዎልቃ ኡባስ ሁጰ ግድያ ክርስቶሳን ኩምደታ።11ህንተ ክርስቶሳ አማንድ ቃፃረትደታ። ሄስካ አሳ ኩሸን ግዶናሽን፥ ህንተና ኢታ ሀኖተፈ ድግያ ክርስቶሳን ኦሰትዳ ቃፃረተ።12ህንተ ፃማቀትዳ ዎደ ክርስቶሳራ እስፈ ሞገትድ፥ ክርስቶሳ ሀይቆፐ ደንዳ ፆሳ ዎልቃ አማንድ፥ ክርስቶሳራ እስፈ ደንድደታ።13ህንተ፥ ህንተ ናጋራ ግሾነ ህንተ ጬጋ አሳተ ቃፃረቶና ግሾ ሀይቅድ ደእሽን፥ ፆሳይ ህንተ ናጋራ አቶ ግስ። ክርስቶሳራ ህንተዉ ደኦ እሚስ።14እ ኑና ሞትያነ ኑራ ኤቀትያ፥ ኑ ቦላ ፃፈትዳ አጩዋ ዳክድ ማስቃልያ ቦላ ሽድ ኦገፐ ድግስ።15ክርስቶስ ዎልቃታነ ማታታ ማስቃልያን ፆንድ፥ ኤንታ ኦላ ዳንጩዋ ብልስድ፥ ድኤትዳ አሳዳ ኤንታ ቆንጨን ዩሽ በስስ።16ሄሳ ግሾ፥ ምያባን ዎይኮ ኡያባን፥ ባኣለ ጋላስ ዎይኮ አጌን ፄርያ ቃማ ቦንቾን ኦንካ ህንተ ቦላ ፕርዶፎ።17ሀይሳቲ ስንፈ ያናዉ ደእያባታስ ኤሾ፥ ሽን ቱማይ ክርስቶሳ።18ቆፐ ቆሞ አሽከተንነ ኪታንቾ ጎይኖን ጬቀትያ ኦንካ ህንተና ህንተ ዎይቱዋፐ አሾፎ። ሄሳ መላ አስ ባ በእዳ ቆንጨን ናሸትሸ ባ አሾ ቆፋን ጮ ኦቶርቴስ።19ሄሳ መላ አሳስ ሁጰ ግድዳ ክርስቶሳራ ጋሄተ ባዋ። እ አሳተ ኡባ ሻያንነ ከሶን ከሶን ጋ ኦይድ ሙዝድ ድቼስ። ፆሳይ ሄሳ መላ ኦገን አሳተ ኡባስ ድች እሜስ።ኦራ ደኦ
20ህንተ ክርስቶሳራ ሀይቅድ ሀ አላምያ ሃርያ አያናታ ዎልቃፈ ላአ ከይደታ። ያትን፥ አይስ ሻከቶና አሳዳ ግድድ ሀ ዎጋታስ ሀረተቲ?21ሄ ዎጋት፥ “ኦይኮፋ፤ ላጮፋ፤ ቦቾፋ” ጌተተይሳታ።22ሀ ኡባይ አሳ ዎጋነ ትምርተ ግድያ ግሾ ኦሶ ቦላ ፔእዳፐ ጉየ ያና።23ሀ ኪታት ቦንቾነ ጭንጫተ ዳንድ በንታናዉ ዳንዳኦሶና። ሀ ዎጋት ፆሰ ዳሮ ዶስስያባ፥ አሽከነ ህንተ አሳተ ሃርስያባ ዳኖሶና፥ ሽን ኑ ኢታ አሞተ ቦላ ኤንታዉ ዎልቅ ባዋ።