Amosi4vid_pbt

1Mhulichize ulonzi awu,hemwe wadala muwele namneneha kota misenga ja Bashanimuwele ako kuli chidunda cha Samaliya,hemwe mlinguwagaza ng'hochele,mlinguwabunza wazunwa,na kuwalonjela walume wa hemwe,“Mtigalile divai tunwe!”2Heni Mkulu Nguluwi mbele yelile nandilaha,“Lole, mhela wanguya,uwele moholigwa na ndoano,chila yumwe wa hemwe kota somba kuli ndoano.3Mobulunwa mbaka kuli lukanzi lubomoligwe,motozigwa kunze kulutila Halimoni.Heni Mkulu Nguluwi ndangulonga.

Isilaeli haijesile kudita goya

4“Hemwe Waisilaeli,mlute ako Beteli mkabelenhuche,mlute Giligali leka mlutilile kudita gehile.Mlavye nhambiko za hemwe chila mitondo,na zaka za hemwe chila zuwa lya kadatu.5Mlavye mibumunda jiwichigwe usaso kota nhambiko ya kulonga malumbo,mitogole kuwala nhambiko za hemwe za kunuwila,mdite ahyo kwa chiwalo cha nhambiko azo, hemwe Waisilaeli,kwa vila acho ndo chomlingugana kudita.Heni Mkulu Nguluwi nandonga.
6“Siwapele chilyo,nanyambuza lufemba kuli chila muji,ila mng'hali mwangulema kunyhiluchila.7Kahi nandiilemeza nhonya myezi jidatu kung'hali mhela wa mbena.Nandiidita nhonya itowe kuli muji umwe,ila nandiilemeza kutowa kuli miji jiyage.Mgunda umwe naupata nhonya,wunji haupatile, nawo naukala.8Wanhu nawalubaluba kulawa muji umwe mbaka uyage kupala mazi,ila hawapatile ga kuhega kunwa,ila mng'hali mwangulema kunyhiluchila.Heni Mkulu Nguluwi nandonga.
9“Nandiwagaza kwa kuvitowa vigunda vya hemwe na migunda ja hemwe ja mizabibu kwa lungwi,nzije nazilya mitini na mizeituni ja hemwe,ila mng'hali mwangulema kunyhiluchila.10Nandiwagalila hemwe magazokota gala gondigahiliche kula Misili.Nandiwakopola wasongolo wa hemwe kuli ngondo,nandiwahola falasi wa hemwe wa ngondo.Mitufi najimema kuli kambi za hemwe,na kunhung'ha kwa ajo nakwali hali mhenyelo za hemwe.Ila mng'hali mwangulema kunyhiluchila.11Nandiwagwisa wamwe wa hemwe kwa kuwadumya kota vyondizidumile Sodoma na Gomola.Wala wasulupuche hali hemwe,nawali kota ngoda iloholigwe kuli chiluli.Ila mng'hali mwangulema kunyhiluchila.12Lelo, ago ndo gondiwaditila Waisilaeli.Kwa vila ndodita mbuli ayo,ahyo miwiche goya kubochela utaguso wa Nguluwi wa hemwe!”
13Nguluwi ndo yaviditile vidunda,na kulumba mbeho,ndo yamzelese munhu majesa ga heye,ndo yalingugalusa nemisi kuwa nechilo,na kubiga vinhembenhembe vya isi.Mkulu Nguluwi Yawele na Mong'ho ndo itagwa lya heye!
expand_more
Search