Moo7abe
1Goday, “Moo7abe asay zaari zaari oothida nagaraa gisho, taani enta seeronna aggike. Enti Edoome kawa meqethay bido gidana gakanaw xuuggidosona.2Hessa gisho, taani Moo7abe biittan tama yeddana; he tamay Qiriyoota katamaa miixata maana. Olanchota waasuwan, moyze punuwaninne ola girsan Moo7abe asay wurana.3Taani Moo7abe haareysanne iya moorinnata ubbaa dhaysana” yaagees.Yihuda
4Goday, “Yihuda asay zaari zaari oothida nagaraa gisho, taani enta seeronna aggike. Enti Godaa higgiya ixidosona; iya kiitaa naagibookona. Enta aawati kaallida wordo xoossati entana balethidosona.5Hessa gisho, taani Yihuda bolla tama yeddana; he tamay Yerusalaame miixata maana” yaagees.Isra7eele
6Goday, “Isra7eele asay zaari zaari oothida nagaraa gisho, taani enta seeronna aggike. Enti xilluwa miishes, manquwa caammas bayzoosona.7Manqota biitta baanan yeggidi, enta huuphiya yedhoosona; un7etidaysata pirda diggoosona. Aawaranne na7aara issi maccasi laggethidi ta geeshsha sunthaa tunisoosona.8Enti asape acos oykida ma7uwa yarshiya bessatan ubbaa matan hiixidi, zin7oosona; qassi asape acos ekida woyne ushsha banta xoossata keethan uyoosona.9“Gidoshin, hinte gisho gada zigada aduqida, wolada minnida Amoore asata hinte sinthafe dhaysiday tana. Taani entaw bolla ayfiya, garsa xaphuwa ubbaa dhaysas.10Taani hintena Gibxe biittafe kessada, bazzon oytamu laythi kaalethas; Amooreta biitta hintew laata oothada immas.11Hinte adde nayta giddofe nabeta, hinte na7atethata giddofe Naaziraweta denthas. Isra7eele asaw, hessi tuma gidennee? Taani Goday hessa odas.12Shin hinte Naaziraweta caaqo menthisidi, woyne ushsha ushshideta; nabeta tinbite odonna mela diggideta.13“Hessa gisho, kathi darsidi caanida gaarey me77eysada taani hintena menthana.14Gooba woxeysi kessi ekenna; minuwas wolqi ixana; olanchoy ba shempuwa ashshena.15Dongen dukeysi eqanaw danda7enna; gooba woxiya olanchoy kessi ekenna; paraaway ba shempuwa ashshena.16He gallas hari attoshin olanchota giddon daro xaala geeteteysati xire kallo baqatana” yaagees Goday.