Read Amɔɔsɩ 1

Amɔɔsɩ1dop_sim

¹Tɑcɑɑ Ɩsɔ kulɑ tɔm tɔɔ nɑ ɩ́ heeli Yutɑ ɩcɑtɛ Tɛkʋwɑ tiikulu Amɔɔsɩ. Tɔm ntɩ tǝ kɛ́ Ɩsɛɣɛlɩ kɑwulɑɣɑ tɔm kɛ́. Ɩsɔ yɔɣɔtɑ-tǝɣɩ nɑ pɩɩsɩ nɑɑlɛ siki nɑ pǝ́cɔ́ tɛtʋ seliɣi. Yutɑ wulɑʋ Osiyɑsɩ nɑ Ɩsɛɣɛlɩ nyǝŋ Solopʋwɑm, wei ɩ kɛ́ Sowɑsɩ pǝyɑlʋ tɔ pɑ pɔɔlɛ tɑɑ kɛ Ɩsɔ yɔɣɔtɑ tɔm ntɩ sɩ:²Tɑcɑɑ mʋ pɑ́ɑ́nɑ́,nɑ ɩ nɔɣɔ nɩɩ Siyɔŋ pʋɣʋ tɑɑ kɛ́ Yosɑlɛm,ɩsɩɩ tɔɣɔlɑɣɑ wulɑ.Tɔlɑ tǝtɔɣɔlɛnɑɑ nyɩɩtʋ wʋlɑɑ,nɑ Kɑmɛɛlɩ pʋɣʋ nyɩɩtʋ lontili.

Tɑcɑɑ kɑlǝnɑʋ kɛ Ɩsɛɣɛlɩ nɑ ɩ cɔlɔ piitimnɑɑ

(Silii nyǝ́mɑ nyǝntʋ)

³Ḿpʋ́ɣʋ́ Tɑcɑɑ yɔɣɔtɑɑ sɩ:Pǝ tɑɣɑ ɩsɑɣɑtʋ kʋlʋmtʋ kɛ mɑ kɑlǝɣǝnɑSilii ɩcɑtɛ sɔsɔɔlɛ nyǝ́mɑ mɛ.Ɩlɛnɑ pǝ tɩɩ kǝlǝnɑ ɩsǝnɑ ɩ́ kʋwɑKɑlɑɑtɩ nyǝ́mɑ kɛ mʋsʋŋ nɑ nɑɑŋ ɑkuŋ tɔ.Pǝ tɔɔ kɛ́ mɑ kɑɑ lɑɣɑsɩ nti mɑ tɛmɑ sɩɩʋ kɛ mǝ tɔɔ tɔ.⁴Mɑɑ nyɑɣɑsɩ kɔkɔ kɛ mǝ ɑwulɑɑ,Hɑsɑyɛlɩ nɑ Pɛnɩ-Hɑtɑtɩ pɑ tɛɛsɩ.⁵Mɑɑ pɛlɩ Silii ɩcɑtɛ Tɑmɑsɩ kɑmpʋnɑɑ kʋkɑlǝsǝŋ.Ɩlɛnɑ kolontu sʋʋ nɑ ɩ́ kʋ mǝ wulɑʋ nɑ ɩ yǝlɑɑ.Mpi tɔ, ɩsɑɣɑtʋ heele tɑɑ kɛ́ ɩ́ yɔɔlǝɣɩ.Ye pǝ kɑɑsɑ mǝ tɛtʋ tǝnɑ ɩlɛ pɑɑ kuu-mɛ nɑ pɑ́ tɛɛnɑ Kiii.

(Filiisi nyǝ́mɑ nyǝntʋ)

⁶Ḿpʋ́ɣʋ́ Tɑcɑɑ tɑsɑɑ sɩ:Pǝ tɑɣɑ ɩsɑɣɑtʋ kʋlʋmtʋ kɛmɑ kɑlǝɣǝnɑ Kɑsɑ Filiisi nyǝ́mɑ mɛ.Ɩlɛnɑ pǝ tɩɩ kǝlǝnɑ ɩsǝnɑ ɩ́ kuu ɑcɑlɛɛ tǝcu yǝlɑɑ,nɑ ɩ́ pɛɛtǝnɑ-yɛɣɛ Ɩtɔm nyǝ́mɑ tɔ.Pǝ tɔɔ kɛ́ mɑ kɑɑ lɑɣɑsɩ nti mɑ tɛmɑ sɩɩʋ kɛ mǝ tɔɔ tɔ.⁷Mɑɑ nyɑɣɑsɩ kɔkɔ kɛ Kɑsɑ ɩcɑtɛ,nɑ tǝ kutuluŋ kʋpɑŋ.⁸Mɑɑ kpiisi Asǝtɔtɩ nyǝ́mɑ nɑ Asǝkɑlɔŋ nyǝ́mɑ wulɑʋ.Ɩlɛnɑ mɑ́ niki Ɩkoloŋ nyǝ́mɑ tɔɔ.Pǝ kɑɑ kɑɑsɩ Filiisi nyǝ́mɑ tɑɑ kɛ́ nɔɣɔlʋ.Tɑcɑɑ Ɩsɔ mɑ́, mɑ yɔɣɔtǝnɑ mpʋ.

(Fenisii nyǝ́mɑ nyǝntʋ)

⁹Ḿpʋ́ɣʋ́ Tɑcɑɑ tɑsɑɑ tɔtɔ sɩ:Pǝ tɑɣɑ ɩsɑɣɑtʋ kʋlʋmtʋ kɛmɑ kɑlǝɣǝnɑ Tiii Fenisii nyǝ́mɑ mɛ.Ɩlɛnɑ pǝ tɩɩ kǝlǝnɑ ɩsǝnɑ ɩ́ tɑ tɔkɩnɔɣɔ ŋkɑ mǝ nɑ Ɩsɛɣɛlɩ nyǝ́mɑ ɩ́ kɑ́ pɛɛlɑɑ tɔ.Hɑlǝnɑ ɩ́ kuu ɑcɑlɛɛ tǝcu yǝlɑɑ nɑɩ́ pɛɛtǝnɑ Ɩtɔm nyǝ́mɑ tɔ.Pǝ tɔɔ kɛ́ mɑ kɑɑ lɑɣɑsɩ nti mɑ sɩɩwɑ mǝ tɔɔ tɔ.¹⁰Mɑɑ nyɑɣɑsɩ mǝ ɩcɑtɛ Tiiinɑ tǝ kɑwulɑɣɑ tɛɛsɩ kʋpɑŋsɩ kɛ kɔkɔ.

(Ɩtɔm nyǝ́mɑ nyǝntʋ)

¹¹Ḿpʋ́ɣʋ́ Tɑcɑɑ tɑsɑɑ sɩ:Pǝ tɑɣɑ ɩsɑɣɑtʋ kʋlʋmtʋ kɛmɑ kɑlǝɣǝnɑ Ɩtɔm nyǝ́mɑ.Ɩlɛnɑ pǝ tɩɩ kǝlǝnɑ ɩsǝnɑ ɩ́ tɔɣɔnɑmǝ tɛɛtʋnɑɑ Ɩsɛɣɛlɩ nyǝ́mɑ nɑ lɑɣɑtɛ tɔ.Hɑlɩ ɩ́ kisi pɑ pǝtɔɔtǝlɛnyǝnʋɣʋ sɩ ɩ́ kʋ́ mǝ pɑ́ɑ́nɑ́.Ɩlɛnɑ ɩ́ tɔkɩ-wɛ nɑ mǝ tɑɑ kɛ́ tɑm.Pǝ tɔɔ kɛ́ mɑ kɑɑ lɑɣɑsɩ nti mɑ sɩɩwɑ mǝ tɔɔ tɔ.¹²Mɑɑ nyɑɣɑsɩ mǝ ɩcɑtɛ Temɑŋ nɑ pɑ kɑwulɑɣɑtɛɛsɩ kʋpɑŋsɩ nsi sɩ wɛ Posǝlɑ ɩcɑtɛ tɑɑ tɔɣɔ kɔkɔ.Mpi tɔ, tǝnɑɣɑ mǝ ɑwulɑɑ sɔsɑɑ kɑ wɛɛ.

(Amoni nyǝ́mɑ nyǝntʋ)

¹³Ḿpʋ́ɣʋ́ Tɑcɑɑ tɑsɑɑ sɩ:Pǝ tɑɣɑ ɩsɑɣɑtʋ kʋlʋmtʋ kɛmɑ kɑlǝɣǝnɑ Amoni nyǝ́mɑ.Ɩlɛnɑ pǝ tɩɩ kǝlǝnɑ ɩsɩɩ ɩ́ yɑsʋɣʋKɑlɑɑtɩ ɑhontonɑɑ lotu tɔ.Ɩ́ lɑpɑ ḿpʋ́ɣʋ́ sɩ ɩ́ wɑlǝsǝɣɩ mǝ tɛtʋ.Pǝ tɔɔ kɛ́ mɑ kɑɑ lɑɣɑsɩ nti mɑ sɩɩwɑ mǝ tɔɔ tɔ.¹⁴Mɑɑ nyɑɣɑsɩ kɔkɔ kɛ mǝ ɩcɑtɛ sɔsɔɔlɛ Lɑpɑ,nɑ pǝ nyɑɣɑ mǝ kɑwulɑɣɑ tɛɛsɩ kʋpɑŋsɩ.Yoou wulɑ nɑ kʋ kɑkiisɑsɩ nɑ kʋkɑcuculɑɣɑ tɑɑ kɛ mɑɑ lɑ mpʋ.¹⁵Pɑɑ kpɑ mǝ wulɑʋ kɛ yomlenɑ pǝ́ kpɛnnɑ ɩ wɑɑlɩ nyǝ́mɑ.Tɑcɑɑ Ɩsɔ yɔɣɔtǝnɑ mpʋ.