Read Amós 1

Amós1cuk_nvs

Bab-Jehová nue-urwed

¹We, Amós-e-gayaburbado. Amósʼde Tecoa-neggweburginedid, sibad-wawaad-akwed-duled. Amós, Israel-yargi birgabose negabandur-noed-iduar, negburgan daksad. Deunni, Uzías, Judá-e-reyga-maid, degi, Joás-machi-Jeroboam, Israel-e-reyga maidginmogad.²Amós sogded:“Sión-yala-akale, Bab-Jehová uludagoed,Jerusalén-akale, mar-goledyob e-gayaburba gordagoed.Sibad-wawaad-nikamalad-e-nainugi gagan-ara-ara-nanaid bela bergudoed.Carmelo-yar-birigi-gagan-nanaid dingudoed.”

Bab-Jehová Damasco-yar-naid sabsur-odurdakoed

³Bab-Jehová weyob soged:“Damasco-dorgan-e-isgued nue-wilub-obicha naid.Sabsur-e-odurdaklegoedi, an ega osulogosulid.Ar ade, Damasco-dorgan undar-beedse Galaad-dulemar-wiosad.Esgoro-nugar-nikadgi-ibmar-durwilegeyobi Galaad-imaksamalad.⁴Ani an Rey-Hazael-e-neg, soogi ogumakoed,Ben-Adad-e-neg-gandikmalad bela gummakoed.⁵Damasco-neggwebur-yawagak-esgoromar an bibisgoed,Avén-nebagi dule-bukwad an obelogoed.Bet-Edénʼgi dummaganga-mamaid an osulogoed.Siria-dulemar yogasaar-gales Kirʼye-yar-nugadse barmiledmaloed.Ani an Bab-Jehová-guedi we-ibmar soged.”

Bab-Jehová Gaza-yar-naid sabsur-odurdakoed

⁶Bab-Jehová weyob soged:“Gaza-dorgan-e-isgued nue-wilub-obicha naid.Sabsur-e-odurdaklegoedi, an ega osulogosulid.Ar ade, Gaza-dorgan, bela neggweburmargi-dulemar-bukwad galesa sesmalad,geb Edom-dorganga maiga manigi uksamalad.⁷Ani an Gaza-neggwebur-e-galu-matusulid, soogi ogumakoed.E-neg-gandikmalad-bukwad bela gummakoed.⁸Asdod-dorgan-bukwamalad an osulogoed.Ascalón-neggweburgi dummagan-mamaid an obelogoed.Ecrón-neggweburgi gannar an-ganguedba an gwichigudoed,Filistea-dule-napi-ambikumaloed bela an obelomogoed.Ani an Bab-Jehová Bela-Gangued-Nikadi we-ibmar soged.”

Bab-Jehová Tiro-yar-naid sabsur-odurdakoed

⁹Bab-Jehová weyob soged:“Tiro-dorgan-e-isgued nue-wilub-obicha naid.Sabsur-e-odurdaklegoedi, an ega osulogosulid.Ar ade, Tiro-dorgan, bela dulemar-gasa-sesmaladi, Edom-dorganga maiga manigi uksamalad.Na gwenatigwar-gued-igar-ebo-mesismalad iesmalad.¹⁰Ani an Tiro-galu-matusurmalad, soogi ogumakoed.E-neg-gandikmalad-bukwad bela gummakoed.”

Bab-Jehová Edom-yar-naid sabsur-odurdakoed

¹¹Bab-Jehová weyob soged:“Edom-dorgan-e-isgued nue-wilub-obicha-naid.Sabsur-e-odurdaklegoedi, an ega osulogosulid.Ar ade, Edom-dorgan, e-gwenadgan-wile-daksasulid.Es-suidyalaba balegicha gusmalad.Ar na saed-itoged ulubgi bargadsurmalad,e-urwed gwen iessurmalad.¹²Ani an Temán-neggwebur, soogi ogumakoed,Bosra-neggwebur-e-neg-gandikmalad bela gummakoed.”

Bab-Jehová Amón-yar-naid sabsur-odurdakoed

¹³Bab-Jehová weyob soged:“Amón-dorgan-e-isgued nue-wilub-obicha naid.Sabsur-e-odurdaklegoedi, an ega osulogosulid.Ar Amón-dorgan, na e-yarmar-abingunanaid onasogega,Galaad-omegan-gurgin-nikamalad-ibe saban-maris nanaed.¹⁴Ani an Rabá-neggwebur-e-galu-matusurmalad soogi ogumakoed,e-neg-gandikmalad bela gummakoed.Bila-onolenaidgi oimaknanaidaeyob, sabsur-oimaknanai gumaloed.Burwa-dummad-uurmakmaiyob, neg-oimaknai guoed.¹⁵Amón-dorgan-e-rey gales seledoed,bela e-dummagan eba gales seledmogoed.Ani an Bab-Jehová-guedi we-ibmar soged.”