Read ئامۆس 1

ئامۆس1ckb_bib

¹ئەمە پەیامی ئامۆسە کە یەکێک بوو لە شوانەکانی شارۆچکەی تەقۆعە، دوو ساڵ پێش بوومەلەرزەکە لە سەردەمی عوزیای پاشای یەهودا و لە سەردەمی یارۆڤعامی کوڕی یەهۆئاشی پاشای ئیسرائیل، ئەم بینینەی دەربارەی ئیسرائیل بۆ ئاشکرا کرا.

²گوتی:«یەزدان لە سییۆنەوە دەنەڕێنێت،لە ئۆرشەلیمەوە دەنگی دێت،لەوەڕگای شوانەکان شیوەن دەگێڕن ولووتکەی کارمەل وشک دەبێت.»

حوکم بەسەردادانی وڵاتانی دەوروبەر

³یەزدان ئەمە دەفەرموێت:«دیمەشق یاخی بوو، لە یاخیبوونەکەی بەردەوامە،سزاکەیان بەسەردا تێناپەڕێنم،لەبەر ئەوەی بە جەنجەڕی ئاسن گلعادیان شێلا،⁴ئاگر دەنێرمە سەر ماڵی حەزائێل،قەڵاکانی بەن‌هەدەد دەخوات.⁵شەوبەندی دەروازەکانی دیمەشق دەشکێنم،فەرمانڕەواکە لە دۆڵی ئاڤەن ڕیشەکێش دەکەم،هەروەها گۆچان بەدەست لە بێت‌عەدەن.گەلی ئارام بۆ قییر ڕاپێچ دەکرێن.»ئەوە فەرمایشتی یەزدانە.⁶یەزدان ئەمە دەفەرموێت:«غەزە یاخی بوو، لە یاخیبوونەکەی بەردەوامە،سزاکەیان بەسەردا تێناپەڕێنم،لەبەر ئەوەی چەند کۆمەڵگایەکی بە تەواوەتی بە دیل گرت وبە ئەدۆمی فرۆشت،⁷ئاگر دەنێرمە سەر شووراکانی غەزە،قەڵاکانی دەخوات.⁸فەرمانڕەواکە لە ئەشدۆد ڕیشەکێش دەکەم وگۆچان بەدەست لە ئەسقەلان.دەستم دەگەڕێنمەوە سەر عەقرۆن،پاشماوەی فەلەستییەکان لەناودەچن.»ئەوە فەرمایشتی یەزدانی باڵادەستە.⁹یەزدان ئەمە دەفەرموێت:«سور یاخی بوو، لە یاخیبوونەکەی بەردەوامە،سزاکەیان بەسەردا تێناپەڕێنم،لەبەر ئەوەی تەواوی چەند کۆمەڵگایەکی بە دیلگیراوی فرۆشتە ئەدۆم وپەیمانی برایەتییان نەهێنایەوە یادیان،¹⁰ئاگر دەنێرمە سەر شووراکانی سور،قەڵاکانی دەخوات.»¹¹یەزدان ئەمە دەفەرموێت:«لەبەر ئەوەی ئەدۆم یاخی بوو، لە یاخیبوونەکەی بەردەوامە،سزاکەیان بەسەردا تێناپەڕێنم،لەبەر ئەوەی بە شمشێرەوە دوای براکەی کەوت،بەبێ دەربڕینی بەزەیی.هەروەها لەبەر ئەوەی تووڕەییەکەی بەردەوام لە جۆش بوو،قینیشی بۆ هەتاهەتایە هەڵدەگرت،¹²هەر لەبەر ئەوە ئاگر دەنێرمە سەر تێمان،قەڵاکانی بۆزرا دەخوات.»¹³یەزدان ئەمە دەفەرموێت:«عەمۆن یاخی بوو، لە یاخیبوونەکەی بەردەوامە،سزاکەیان بەسەردا تێناپەڕێنم،لەبەر ئەوەی سکپڕەکانی گلعادیان هەڵدڕی،بۆ ئەوەی سنوورەکانیان بەرفراوان بکەن،¹⁴ئاگر لە شووراکانی ڕەبە بەردەدەمقەڵاکانی دەخوات،بە هاتوهاوارەوە لە ڕۆژی جەنگدا،بە زریانەوە لە ڕۆژی باوباراندا.¹⁵پاشاکەیان ڕاپێچ دەکرێت،ئەو و هەموو کاربەدەستەکانی بە یەک جار.»ئەوە فەرمایشتی یەزدانە.

ئامۆس 1 / ckb_bib

حوکم بەسەردادانی وڵاتانی دەوروبەر

ئامۆس1ckb_bib