شّيرَيٍ شَ تَرُشُي4sus_apb
ثِيّرِ نُن يَيَ مَكِيتِقٍ
1يَيَ نُن ثِيّرِ تٌ نُ وْيّنمَ مِشِيٍ بّ، سّرّشّدُبّيٍ، هْرْ مْبَنشِ سْورِ يَرٍرَتِ، نُن سَدُ سٍنِيٍ نَشَ قَ.2عٍ بْحّ نَشَ تٍ بَرِ مَ ثِيّرِ نُن يَيَ نُ حَمَ شَرَنقٍ، عَ قَلَقٍ مِشِ قَشَشِيٍ قَمَ نّ رَكٍلِدٍ عَلْ عِسَ رَكٍلِشِ كِ نَشّ.3عٍ نَشَ عٍ سُشُ، عٍ عٍ سَ فٍيلِ هَن نَ كُيٍ عِبَ، بَرِ مَ كْي نُ بَرَ سٌ.4كْنْ مِشِ وُيَشِ نَشٍيٍ نَ وْيّنيِ مّ، عٍ نَشَ عَ سُشُ. دَنشَنِيَتْييٍ شُن نَشَ مَسَ، هَن شّمّيٍ كْنتِ نَشَ وُلُ سُولِ حْندْن لِ.5نَ كُيٍ عِبَ، يُوِقِ يَرٍرَتِيٍ، قٌرِيٍ، نُن سّرِيّ كَرَ مْشْيٍ نَشَ عٍ مَلَن دَرِ سَلَمُ،6عَ نُن عَنَنِ سّرّشّدُبّ كُنتِفِ، نُن كَيَقَ، يَيَ، عَلٍسَندِرٍ، عَ نُن نَشٍيٍ بِرِن نَ سّرّشّدُبّ كُنتِفِ بْنسْي.7عٍ نَشَ ثِيّرِ نُن يَيَ تِ عٍ تَفِ، عٍ نَشَ عٍ مَشْرِن، «وٌ نْشِ يِ رَيَلَندٍ دِ؟ وٌ عَ رَيَلَنشِ سَابُي مُندُن نَ؟»8ثِيّرِ نَشَ عَ مَسٍن عٍ بّ مُشُ عَ رَيَلَنشِ عَلَ شَشِلِ سّنِيّنشِ نَن سَابُي رَ،9«عِسِرَيِلَ قٌرِيٍ نُن كُنتِفِيٍ، وٌ بَرَ مُشُ مَشْرِن يِ نَمَتّ شَ قٍ قَنيِ سْتْي مَ، عَ يَلَنشِ كِ نَشّ.10وٌ تَن نُن عِسِرَيِلَكَيٍ بِرِن شَ عَ كٌلٌن يِ شّمّ يَلَنشِ عِسَ نَسَرّتِكَ، عَلَ شَ مِشِ سُفَندِشِ، شِلِ سَابُي نَن نَ. وٌ عِسَ نَشَن بَنبَن وُرِ مَفَلَنبُشِ مَ، عَلَ نَشَن نَكٍلِ قَشّ مَ، عَ تَن نَن شِلِ يِ نَمَتّ رَيَلَنشِ.11عِسَ مَنِيَشِ ‹فّمّ نَن نَ نَشَن تِدٍ فبٌ دَنفِ فّمّ بِرِن نَ، كْنْ وٌ تَن بَنشِتِيٍ بَرَ مّي نَ فّمّ رَ.›12كِسِ مُ سْتْمَ ندٍندٍ رَ قٌ عَ تَن، بَرِ مَ شِلِ فبّتّ يٌ مُ نَ دُنِحَ، وٌن كِسِمَ نَشَن سَابُي رَ.»13عٍ نَشَ كَابَ ثِيّرِ نُن يَيَ شَ لِمَنِيَ مَ، بَرِ مَ شَرَنتَرٍيٍ نَن نُ عٍ رَ. عٍ نَشَ عَ كٌلٌن عٍ نُ بَرَ بِرَ عِسَ قْشْ رَ عَ نُ نَ دُنِحَ مَ تّمُي نَشّ.14كْنْ شّمّ تٌ نُ تِشِ عٍ سّيتِ مَ، عَ يَلَنشِ، عٍ مُ نْ سٍسٍ قَلَدٍ.15عٍ نَشَ ثِيّرِ، يَيَ، نُن نَ شّمّ يَامَرِ عٍ شَ مِنِ يُوِقِ كِيتِسَيٍ يَ مَ. عٍ نُ قَ وْيّن عٍ بٌرٍ تَفِ.16عٍ نَشَ عٍ بٌرٍ مَشْرِن، «وٌن شَ مُنسٍ رَبَ يِ مِشِيٍ رَ؟ دَرِ سَلَمُكَيٍ بِرِن بَرَ عَ كٌلٌن عٍ كَابَنَكٌ شُنفبٍ نَن نَبَشِ. وٌن قَن مُ نْمَ نَ مَتَندِدٍ.17كْنْ عَلَكٌ يِ قٍ نَشَ يٍنسٍن يّ مِشِيٍ رَ، وٌن شَ عٍ رَتْن عَ شْرْشْي رَ، عٍ نَشَ وْيّن عِسَ شِلِ رَ سْنْن.»18عٍ نَشَ ثِيّرِ، يَيَ، نُن نَ شّمّ شِلِ. عٍ نَشَ وْيّن عٍ بّ عَ شْرْشْي رَ، عَ عٍ نَشَ مَسٍنيِ يٌ تِ، عٍ نَشَ مِشِ يٌ شَرَن عِسَ شِلِ رَ سْنْن.19ثِيّرِ نُن يَيَ نَشَ عٍ يَابِ، «وٌ عَ مَتٌ، عَ لَنمَ مُشُ شَ بِرَ وٌ تَن نَن قْشْ رَ بَ، كَ عَلَ؟20مُشُ مُ نْمَ دُندُدٍ قٍ مَ مُشُ بَرَ نَشَن تٌ، مُشُ بَرَ نَشَن مّ.»21عٍ مَن نَشَ شَاحّ عٍ مَ، كْنْ حَمَ بِرِن تٌ نُ عَلَ مَتْشْمَ قٍ مَ نَشَن بَرَ رَبَ، عٍ مُ نْ لَندٍ عَ مَ عَ لَنمَ عٍ شَ عٍ حَشَنكَتَ كِ نَشّ. عٍ نَشَ عٍ رَبّحِن.22يِ شّمّ نَشَن نَيَلَنشِ، عَ شَ سِمَيَ نُ بَرَ دَنفِ حّ تٌنفٌ نَانِ رَ.تٌفٌندِيَتْييٍ عَلَ مَشَندِقٍ
23عٍ تٌ عٍ بّحِن، ثِيّرِ نُن يَيَ نَشَ سِفَ عٍ بٌورٍيٍ يِرٍ. عٍ نَشَ قٍ بِرِن يَبَ عٍ بّ سّرّشّدُبّ كُنتِفِيٍ نُن قٌرِيٍ نَشَن قَلَ عٍ بّ.24عٍ تٌ نَ مّ، عٍ بِرِن نَشَ عٍ شُي عِتٍ عَلَ مَ حَنِفٍ كٍرٍن قَرِ. عٍ نَشَ عَ مَشَندِ، «مَرِفِ، عِ تَن نَشَن كٌورٍ دَا، عَ نُن بْشِ، عَ نُن بَا، عَ نُن سٍ نَشَن بِرِن نَ دُنِحَ،25عِ تَن نَن عَ قَلَ عَلَ شَشِلِ سّنِيّنشِ سَابُي رَ، عِ شَ كٌنيِ دَوُدَ دّ رَ، مُشُ بَبَ،‹مُنقٍ رَ سِيٍ بْحّ تٍشِ قُقَقُ؟مُنقٍ رَ حَمَيٍ مَتَندِ تِقٍ؟26دُنِحَ مَنفّيٍ بَرَ كٍلِ،شُنمَتِيٍ بَرَ تِ مَرِفِنُن عَ شَ مِشِ سُفَندِشِ كَنكٍ.›»27«نْندِ نَ عَ رَ، هٍرٌدٍ، ثٌنسِ ثِلَتِ، شْحّيٍ، عَ نُن عِسِرَيِلَ بْنسْييٍ بَرَ تِ عِ شَ كٌنيِ سّنِيّنشِ عِسَ كَنكٍ، عِ نَشَن سُفَندِشِ،28عَلَكٌ عٍ شَ قٍ بِرِن نَبَ عِ سِنفٍ نُ بَرَ نَتّ تٌنفٌ عَ نُ لَن نَشَن شَ رَبَ.29يَكْسِ، مَرِفِ، عِ شَ عَ مَتٌ عٍ شَاحّشِ كِ نَشّ. سّنبّ قِ عِ شَ كٌنيِيٍ مَ، عَلَكٌ عٍ شَ نْ عِ شَ وْيّنيِ مَسٍندٍ لِمَنِيَ رَ.30عِ بّلّشّ عِتَلَ، عَلَكٌ مِشِ شَ رَيَلَن، كَابَنَكٌييٍ نُن تْنشُمَيٍ شَ رَبَ عِ شَ كٌنيِ سّنِيّنشِ عِسَ شِلِ رَ.»31عٍ تٌ فّ عَلَ مَشَندِدٍ، عٍ نُ مَلَنشِ دّننَشّ، نَ نَشَ سّرّن. عَلَ شَشِلِ سّنِيّنشِ نَشَ فٌرٌ عٍ بِرِن مَ. عٍ نَشَ سٌ عَلَ شَ وْيّنيِ مَسٍنقٍ لِمَنِيَ رَ.