Phawuloosi Yuushoy Abban Teqetida Biitta Maltan
1Nuuni gaxa saro keyida wode gakida bessay yuushoy abban teqetida biitta, Malta gideysa erida.2Malta asay nuus daro keeha keehidosona. Iri bukiya gishonne meegiya gisho tama eethidi nuna ubbaa mokidosona.3Phawuloosi daro afira shiishidi taman wothishin, shooshi seela gisho keyidi iya kushiya bolla xaaxetidi iya dukis.4Malta asay shooshi Phawuloosa kushen xaaxetidaysa be7ida wode issoy issuwako, “Tuma ha uray shempo wodhida asi; hari attoshin abbaafe I attinka xoossa pirdafeattidi paxa daanaw danda7ibeenna” yaagidosona.5Shin Phawuloosi ba kushiyape shooshaa wuxarkidi, taman yeggis; iya aykoka qohibeenna.6Enti, “Iya asatethay kixees, woyko akeekona kundidi hayqees” gidi iya naagoosona. Shin daro wode naagidi iya asatethan aybika dummatidabay dhayin, “Hessi xoosse” yaagidi banta qofaa laammidosona.7He heeran yuushoy abban teqetida biitta halaqaa, Pupliyoosa geeteteysas gadey de7ees; heedzu gallas gakanaw I nuna siiqon mokis.8Pupliyoosa aaway qoxo, mishanne ulo uttison hargetidi zin7idi de7ees. Phawuloosi iya soo gelidi iyaw Xoossaa woossis; ba kushiya iya bolla wothidi pathis.9Hessafe guye, yuushoy abban teqetida biitta, Maltan de7iya hargiya hara asatika yidi paxidosona.10Enti nuna daro boncho bonchidosona; nuuni markaben baanaw dendida wode oges koshshiyaba nuus immidosona.Phawuloosi Roome Gakis
11Heedzu ageenape guye, Maltan balgo aathidi Markaben gelidi Iskindire baanaw dendida. He markabiya bolla Diyosqoroosa geetetiya mente eeqata misiley de7ees.12Sirakuuse katamaa gelidi yan heedzu gallas uttida.13Yaape dendidi Regiyume katamaa gakida. Issi gallasape guye, dugeha bagga carkoy carkin, wontetha gallas Putiyoola katamaa gakida.14Yan nuuni issi issi ammaniya asata demmin, bantara saaminta gam7ana mela nuna woossidosona. Hessafe guye, Roome bida.15Roomen de7iya ammaniya asati nubaa si7idi, Afiyoosa Giyan, Heedzu Imatha Keethi gakanaw nuna mokanaw yidosona. Phawuloosi enta be7ida wode Xoossaa galatidi minetis.16Nuuni Roome gelida wode Phawuloosi bana naagiya wotaadariyara barka de7o geetetis.17Heedzu gallasape guye, Phawuloosi Ayhudeta halaqata baako xeegisis. Enti shiiqida wode entako, “Ta ishato, taani nu asaa woyko nu aawata wogaa bolla aybi qohoka oothabike, shin tana Yerusalaamen qachidi Roome asaas aathidi immidosona.18Enti ta mootuwa be7idi hayqos gathiyaba ta bolla aybibaaka demmiboonna gisho tana billanaw qopidosona.19Shin Ayhudeti hessa ixida wode, ‘Tabaa Qeesarey pirdo’ yaagasipe attishin, taani ta deriya mootiyabay de7in gidenna.20Taani hintena xeegisiday hintena be7anawunne hintew haysa odanaasa. Taani ha santhalaatan qashetiday Isra7eele asay naagiya ufaysaa gishosa” yaagis.21Ayhude halaqati Phawuloosako, “Nuus Yihudape nebaa xaafetida dabdaabey gakibeenna. Yaape yida asatape issoyka nebaa iita odiday baawa.22Shin ha ne kaalliya ammanuwa dumma dumma bessan asay ixeysa nuuni eriya gisho ne qofaa si7anaw koyoos” yaagidosona.23Enti banta yaana gallas Phawuloosas qaxaridi, he gallas daridi I de7iyasuwa yidosona. I wontafe omarsi gakanaw Xoossaa kawotethaaba entaw markatis. Qassi enti Yesuusaba ammanana mela Muse higgiyafenne nabeta maxaafape qoncisidi enta tamaarsis.24Issoti issoti Phawuloosi gidaysa ammanidosona, shin harati ammanibookona.25Enti banta giddon oda ma7onna ixida wode Phawuloosi issiba gidaape guye bidosona. I haysada yaagis: “Geeshsha Ayyaanay nu aawatas nabiya Isayaasa doonan odidaysi tuma.26“ ‘Neeni he asaako bada,hinte sissi si7eeta, shin hintew gelenna;hinte be7o be7eeta, shin demmeketa.27Ayis giiko, ha deriya wozanay muumis;enta haythay tullis;enta ayfeyka goozetis.Hessi bayneko, enti banta ayfiyan be7idi,banta haythan si7idi, banta wozanan akeekidi,taako simmanashin;taka enta pathanashin’ yaaga” yaagis.28“Hiza, haysi Xoossaa atotetha kiitay Ayhude gidonaysatas gideysa ereeta. Entika si7ana” yaagis.29Phawuloosi hessa gidaape guye, Ayhudeti banta giddon daro palamishe keyidi bidosona.30Phawuloosi kera keethan nam7u laythi kumethi de7is; yan de7ishe baako yaa ubbaa mokees.31Yashshi baynanne oonika diggonashin Xoossa kawotethaaba sabbakis; Godaa Yesuus Kiristoosaba qoncisidi tamaarsees.