1Taanii woosa keeth cima, tuma dosiza Gaayoosas kiitteez kiita.2Ta siiqayo, neenii ne shemppayir lo77o yezana ta ereezay garkk nees gallay lo77o yezoday garkkennee ne oothizabazay suuroday garkk nees Xoossa woosiza.3Pettii pettii ammaniza asitay yi7ii, ubba wode neenii tumar yezannee ne tumatithayibagga markkatteez wode taanii gaame ufaytteeza.4Ta na7itay tumatithar yeza si7izaypp aath, tana ufayssiz abaz baaya.
Gaayoosa galatintto
5Ta siiqayo, unttii nees imathe maaqqikokka, neenii ammaniza asayis ammanthiza ooso oothiza.6Unttii ne siiqaybagga woosa keetha markkeeza. Yhattekka unttii yhanigodar oge Xoossii dosizay garkk udii unttan maaddiko ne lo77o oothiza.7Unttii Kiristtoosas oothodayis kezii, ammanoowa asitaypp akkokka ekkekkaya.8Nuunii tuma oosa unttara pettipp oothodayis yhay garkk asita maaddodayis beeziza.Diyotirafiisannee Dimexiroosa
9Taanii woosa keethitayis dabddaabbe xaafeeza, zin unttal halaqa maaqqodayis koyeez Diyotirafiisa nuunii giza ekkekkaya.10Yeyi gishos, taanii ged yhanigodar E nuul afa odinttiza iita odannee E ootheez oosa ododa. E yeyi guuxiz gi, nu ishitay yhammada mokkooya. Hara attozin, unttan mokkodayis koyizitakka kayi woosa keethaypp kesseeza.11Ta siiqqay, lo77o baz aazobapp attin iita baz aazippe. Lo77o baz oothiza oonkka Xooss as, zin iita baz oothiza oonkka Xooss erooya.12Dimexiroosa lo77o as maaqqeezana as ubbay markkattiza. Tumay fa ommas ebaz markkattiza; nuukka ebaz markkattoda; nu markkatithay tuma maaqqeezana yi eriza.Wurssith sarotho
13Taanii nees xaafodayis koyeez gaame baz yeza, zin worqqater xaafodayis koyekkaya.14Zini taanii ukker woli helii be7adayis qoppiza; ye wode nuunii odinttoday.15Saray nees maaqqo. Ne dabbitay nena saro yeegiza. Nu dabbita ubba u suntha suntha xeegii «Saro geeza» yeegoba.