ሳሮነ ዎሳ
1ታኒ ጭማይ፥ ቱማ ዶስያ ጋዮሳስ ኪትዳ ኪታ።2ታ ሲቁዋዉ፥ ኔኒ ነ ሸምፑዋን ሎኦ ደኤይሳ ታ ኤረይሳዳ ነዉ ፓያተ ዳና መላነ ነ ኦያባይ ሱራና መላ ነዉ ፆሳ ዎሳይስ።3ጉ አማንያ አሳት ይድ፥ ኡባ ዎደ ኔኒ ቱማን ደኤይሳነ ነ ቱማተባ ማርካትዳ ዎደ ታኒ ዳሮ ኡፋይታስ።4ታ ናይት ቱማተን ደኤይሳ ስኤይሳፈ አድ፥ ታና ኡፋይስያባይ ባዋ።ጋዮስ ሳበትስ
5ታ ሲቁዋዉ፥ ኤንቲ ነዉ እማ ግድኮካ፥ ኔኒ አማንያ አሳታስ አማንያ ኦሶ ኦሳ።6ኤንቲ ነ ሲቁዋባ ዎሳ ኬን ማርካቶሶና። ሀእካ ኤንቲ ብያ ኦግያን ፆሳይ ዶሰይሳዳ ኦዳ ኤንታ ማድኮ ሎኦ ኦሳ።7ኤንቲ ክርስቶሳ ሱን ግሾ ከይሸ፥ አማኖና አሳታፐ አይኮካ ኤክቦኮና።8ኑኒ ቱማ ኦሱዋ ኤንታራ እስፈ ኦናዉ ሀይሳ መላ አሳታ ማዳናዉ በሴስ።ድዮትራፍስ ቦረትስ
9ታኒ ዎሳ ኬታስ ዳብዳበ ፃፋስ፥ ሽን ኤንታ ሀላቃ ግዳናዉ ኮይያ ድዮትራፍስ ኑኒ ገይሳ ኤከና።10ሄሳ ግሾ፥ ታኒ ያ ብያ ዎደ እ ኑ ቦላ ኦደትያ ኢታ ኦዳነ እ ኦዳ ኦሱዋ ኦዳና። እ ሄስ ጉፅስ ግድ፥ ኑ እሻት ያ ዎደ ሞከና። ሀር አቶሽን፥ ኤንታ ሞካናዉ ኮየይሳታካ ድግድ ዎሳ ኬፈ ከሴስ።ድመፅሮስ ናሸትስ
11ታ ሲቁዋዉ፥ ሎኦባ ዳናፐ አትሽን፥ ኢታባ ዳኖፓ። ሎኦባ ኦያ ኦንካ ፆሳ አስ፥ ሽን ኢታባ ኦያ ኦንካ ፆሳ በእቤና።12ድመፅሮስ ሎኦ አስ ግደይሳ አሳ ኡባይ ማርካቴስ። ቱማይ ባ ሁጰን እያባ ማርካቴስ፤ ኑካ እያባ ማርካቶስ፤ ኑ ማርካተይ ቱማ ግደይሳ ህንተ ኤሬታ።ሳሮ
13ታኒ ነዉ ፃፋናዉ ኮይዳ ዳሮባይ ደኤስ፥ ሽን ቃላመንነ ዎርቃተን ፃፋናዉ ኮይከ።14ሽን ታኒ ማታራ ኔራ ጋሄታናዉ ቆፓይስ፤ ሄ ዎደ ኑኒ ኦደታና።15ሳሮይ ነዉ ግዶ። ነ ዳቦት ነና ሳሮ ያጎሶና። ኑ ዳቦታ ኡባ ኤንታ ሱን ሱን ፄጋዳ ታና “ሳሮ ግስ” ያጋ።