1A tu Timotej, mo čhavo, av zuralo ano milost savo isi amen ano Hrist o Isus!2A kova so šundan mandar angle svedokura, vaćar baše pouzdana manuša, save šaj te sikaven averen.3Av mancar katane ani patnja sar šukar vojniko e Hristeso e Isuseso.4O vojniko ni mešil pe ane buća kale svetose golese kaj dičhol te ugodil pe šorutnese.5Gija isto, kova so takmičil pe, ni lol venco te ni takmičisajlo palo pravilo.6Manuš savo ćerol phari bući ani njiva, trubul angleder te dobil kotor taro bijandipe.7De gođi tare kava so vaćarav tuće! Ka dol tut o Gospod haljaripe baše kava sa.8Ićar ani gođi e Isuse e Hriste savo si vazdimo tare mule, savo si potomko e Davideso. Gova si o Lačho Lafi savo me vaćarav.9Bašo gova Lačho Lafi me trpiv bilačhipe thaj sem ane sinđira sar nesavo zločinco. Al e Devleso lafi naj phanglo.10Golese sa kava trpiv baše Devlese birime, te bi i len avola spasenje ano Hrist o Isus thaj večno slava.11Kava si o čačukano lafi: Te muljam lesa,lesa ka ava džuvde.12Te istrajisadam,ka caruji lesa.Te odreknisaljam lestar,i vov ka odreknil pe amendar.13Te naj sam lese verna,vov ka ačhol verno,golese kaj našti odreknil pe korkoro pestar!
Lačho bućarno
14De gođi e Devlese manušen pe gova thaj zurale upozori len anglo Dol ma te ćeren čingara baše lafura! Gova ni inđarol khatinde, samo inđarol ani zabluda kolen save šunen.15Trudi tut anglo Dol te sikave tut dostojno, sar bućarno savo naj sostar te ladžal thaj savo šukar vaćarol o čačukano Lafi.16Crde tut tare čuče svetovna lafura, golese kaj kola save vaćaren gija sa po but peren ano bidevlikanipe.17Thaj lengo lafi ka širil pe sar gangrena. Maškar lende si o Imenej thaj o Filit.18Gola manuša crdije pe taro drom e čačimaso thaj vaćaren kaj o uštipe tare mule već sasa thaj gija peraven o pačajipe averengo.19Al o temelji so čhuta o Dol ačhol zurale thaj pe leste si o pečato: “O Gospod pindžarol kolen save si lese,” thaj “Savore save akharen e Gospodeso alav nek crden pe taro bilačhipe.”20Ano barvalo čher naj samo zlatna thaj srebrna čare, nego kaštunale thaj phuvale. Jekh baše šukar upotrebe thaj avera baše nečasna buća.21Gija, kova savo thodol taro bilačhipe, ka avol čaro baši šukar upotreba, svetimo, e Gospodese korisno, spremno za ki dži jekh šukar bući.22Naš tare ternengo bilačho manglipe! Rode pravednost, pačajipe, manglipe, mir savorencar save čistone ilesa akharen e Gospode.23Crde tut tare dile thaj čuče rasprave, golese so džane kaj von samo anen čingara.24A sluga e Gospodeso ma te ćerol čingara, nego trubul savorencar te avol ljubazno, te šaj te sikavol thaj o bilačhipe te nakhavol.25Trubul ano šukaripe te sikavol pe protivnikuren, ani nada kaj o Dol ka dol len pokajipe thaj gija von ka dodžanen o čačipe.26Gija ka aven ani gođi thaj gija ka našen andari benđesi zamka, ani savi dolda len te ćeren leso manglipe.