1ጾዘ ቆፋ፥ የሱስ ክርስቶሳራ የዘ ኡፋይስ እንግደ ባጋራ የሱሳ ክርስቶሳ ሐዋረ ማቅደ ጳዉሎሳፓ ኪትንትደ፥2ታ ካዽዘ ናአይ ጢሞትዮሳስ። ጾዘ አዳይፓን ኑ ላ ክርስቶሳ የሱሳፓ አ ኬሃት፥ ማሮትን ሳሮት ኔስ ማቀ።
ጢሞትዮሳስ እንግንትደ ዞረ
3ታኒ፥ ታ ዎስተ ቃማን አዋራ ነና ቆፓነ። ታኒ ዎስዘ ዎደ ታ አዱን ጾዛን ታኒ ሎኦ ዎዝናራ ማድዘ ጾዛ ነ ግሾ ጋላታነ።4ታኒ ነ አፉቶ ቆፓነ፤ ነና ብእ ኡፋይቶደስ ጋማ አሙዳ።5ማህ ኔስ የዘ ቱሪ አማኖ ኤራነ። ይኒ ፋና አማንታ ዛጋ ነ ኣፍቲ ሎይድራን ነ እንት ኤዉንቀራ የዘ አማንት ፋና።6ይኒ ግሾ፥ ታኒ ታ ኩሽቶ ኔላ አፋ ጋድደ ዎደ ጾዚ ኔስ እንግደ እሞ ኔኒ ማህ ኤደ ዎይ ደንደ ፋና ቆፍዛነ።7አኮስ ጋይኮ፥ ጾዚ ኑስ ዎልቃ፥ ሲቆን ኑ ኦምቶ አህዘ አያና እንጋነ ፋትን ዣሽትዘ አያና እንግካያ።8ይኬ፥ ኑ ላስ ማርክደስ ዬልፐ፤ ማህ ኤ ግሾ አጭንትደ ታ ግዳን ዣሽትፐ። የዝን ጾዚ ኔስ እንግዘ ዎልቂተ ዎንገለ ግሾ ታራ ማ ኤኮ።9ጾዘ ፋ ቆፍቶን ፋ አ ኬሃትራ ኑና አሺ፥ ፋ ጌሽ ዎርዣ ማሆደስ ኑና ዶርዳ ፋትን ኑኒ ኦችደ ኦቻ ግሾ ባያ። ይና አ ከሃትታ ክርስቶሳ የሱሳ ባጋራ አላመ መንቶዳንፓ ቲኖ ኑስ እንግንትዳ።10Ꮉተ Ꮉይ አ ኬሃትዘ ኑና አሽዘ ክርስቶሳ የሱሳ የእተ ቆንጭዳ። ኤ Ꮉይቆ ዎልቃ ብሲ፥ ዎንገለ ባጋራ ቦሰ ደኦ ኑስ ቆንጭዝዳ።11ታኒ ዎንገለ ሳባክዘ፥ ሐዋረን አስታማረ ማቆደ ጋር ጾዚ ታና ዶርዳ።12ታኒ ይኒ ግሾ Ꮉና ማቶ ኤካነ፤ የዝን ታ አማንዘ ኦና የዛኮ ኤርዘ ግሾ ዬልኦስ። ታስ እንግንትደ Ꮉዳርቶ ይና ክርስቶሳ የኤ ቃማ የሎደስ ኤ ናጎደስ ዳንዳእዛኖ ኤራነ።13ታኒ ነና ታማርስደ ቱሪ ቃላ አዝዘ ማህ አይኪ ክርስቶሳ የሱሳ ባጋራ የዘ አማንተን ሲቅተ የዞ።14ኑ ግዳ የዘ ጌሽ አያና ዎልቃራ ኔስ እንግንትደ ሎኦ Ꮉዳርቶ ናጎ።15እስያ አዉራጃ የዘ ኡቡን ታፓ Ꮉክዳኖ ኤራነ፤ ኡን ግዳ ፍገሉሳን ሄርሞገኔሳ የነ።16አነስፎራ ታና ጋማ ዎደ ምንደ ግሾ ላ ኤ ካራ አሱንስ ይቅስንቶ። ታ አጭንትንን ኤ ዬልካያ።17ይንላ አፋ ኤ ሮመ ካታማ ይእደ ጋር ታና ምን ኮይ ደንግዳ።18ዉርሱ ቃምተ ላ ይቅስንቶደ ፋና ታኒ ላ ዎሳነ። ኤፈሶነ ካታማ ኤ ታና አኮ ጋር ማደዛኮ ነ ሎይ ኤራነ።