2 ⵉⵜⵉⵙⵙⴰⵍⵓⵏⵉⴽⵉⵢⵢⴻⵏ3rif_tti

ⴰⵡⴰⵍⴻⵏ ⵏ ⴱⵓⵍⵓⵙ ⵖⴰⵔ ⴰⵏⴻⴳⴳⴰⵔⵓ ⴷ ⵓⵙⴻⴵⴻⵎ

1ⴰ ⴽⴻⵏⵏⵉⵡ, ⴰⵡⵎⴰⵜⴻⵏ ⵏⵏⴻⵖ, ⵣⵉ ⵙⵙⴰ ⴷ ⵜⵙⴰⵡⴻⵏⵜ ⴽⵙⵉⵎ ⴰⵏⴻⵖ ⵍⵎⴻⵄⵔⵓⴼ ⵃⵉⵎⴰ ⴰⵡⴰⵍ ⵏ ⵙⵉⴷⵉⵜⵏⴻⵖ ⴰⴷ ⴷⴷ-ⵉⴼⴼⴻⵖ ⴷⴻⵖⵢⴰ ⵓ ⴰⴷ ⵉⵜⵜⵡⴰⵙⵙⵄⵓⴵ, ⴰⵎ ⵎⴰⵎⵎⴻⵛ ⵜⵓⵖⴰ ⵉⵎⵙⴰⵔ ⵊⴰⵔ ⴰⵡⴻⵎ ⵄⴰⵡⴻⴷ,2ⵃⵉⵎⴰ ⴰⴷ ⵏⴻⵜⵜⵡⴰⴼⴻⴽⴽ ⵣⴻⴳ ⵉⵡⴷⴰⵏ ⵡⴰⵔ ⵉⵃⵍⵉⵏ, ⵉⵄⴻⴼⴼⴰⵏⴻⵏ, ⵎⵉⵏⵣⵉ ⵍ’ⵉⵎⴰⵏ ⵡⴰⵔ ⵉⴵⵉ ⵖⴰⵔ ⵎⴰⵔⵔⴰ.3ⵎⴰⵛⴰ ⵙⵉⴷⵉ ⴷ ⴰⵎⵜⵉⵇⵇⵉ. ⵏⴻⵜⵜⴰ ⴰⴷ ⵅⴰⵡⴻⵎ ⵉⵃⴹⴰ ⵓⵛⴰ ⴰⴷ ⴽⴻⵏⵏⵉⵡ ⵉⴼⴻⴽⴽ ⵣⴻⴳ ⵓⵎⵄⴻⴼⴼⴰⵏ.4ⵎⴰⵛⴰ ⵏⴻⵛⵛⵉⵏ ⵏⴻⵜⵜⵉⵇⵇ ⴷⴰⵢⵡⴻⵎ ⴷⵉ ⵙⵉⴷⵉⵜⵏⴻⵖ, ⴱⴻⵍⵍⵉ ⵎⵉⵏ ⵅⴻⴼ ⵏⵡⴻⵚⵚⴰ ⴽⴻⵏⵏⵉⵡ, ⴰⵇⴰ ⵜᵉⵜⵜⴻⴳⴳⴻⵎ ⵜ ⵓⵛⴰ ⴰⴷ ⵜⴻⵇⵇⵉⵎⴻⵎ ⵜᵉⵜⵜⴻⴳⴳⴻⵎ ⵜ.5ⴰⴷ ⵉⵏⴷⴻⵀ ⵙⵉⴷⵉⵜⵏⴻⵖ ⵓⵍⴰⵡⴻⵏ ⵏⵡⴻⵎ ⵖⴰⵔ ⵜⴰⵢⵔⵉ ⵏ ⴰⵔⴻⴱⴱⵉ ⵓ ⵖⴰⵔ ⵓⴱⴰⵔⵔⴻⵃ ⵙ ⵍⴻⵅⴱⴰⵔ ⴰⵚⴻⴱⵃⴰⵏ ⵏ ⵍⵎⴰⵙⵉⵃ.
6ⵏⵡⴻⵚⵚⴰ ⴽⴻⵏⵏⵉⵡ, ⴰ ⴰⵢⵜⵎⴰ, ⴷⴻⴳ ⵢⵉⵙⴻⵎ ⵏ ⵙⵉⴷⵉⵜⵏⴻⵖ ⵢⴰⵙⵓⵄ ⵍⵎⴰⵙⵉⵃ, ⴰⴷ ⵜⵃⴻⵢⵢⴷⴻⵎ ⵉ ⴽⵓⵍ ⵓⵎⴰ ⵉ ⵉⴳⴳⵓⵔⴻⵏ ⴷⵉ ⵎⵉⵏ ⵡⴰⵔ ⵉⵃⵍⵉⵏ, ⵡⴰⵔ ⵉⴵⵉ ⵄⵍⴰⵃⵙⴰⴱ ⵜⵉⵡⴻⵚⵚⴰ ⵉ ⵣⵣⴰⵢⵏⴻⵖ ⵉⴽⵙⵉ.7ⴰⵇⴰ ⴽⴻⵏⵏⵉⵡ ⵜⴻⵙⵙⵏⴻⵎ ⵎⴰⵎⵎⴻⵛ ⵉⵛⵓⵡⵡⴰⵔ ⴰⴷ ⴰⵏⴻⵖ ⵜⴻⴹⴼⴰⵔⴻⵎ, ⵎⵉⵏⵣⵉ ⵏⴻⵛⵛⵉⵏ ⵡⴰⵔ ⵏⵓⵢⵓⵔ ⵊⴰⵔ ⴰⵡⴻⵎ ⴷⵉ ⵎⵉⵏ ⵡⴰⵔ ⵉⵃⵍⵉⵏ.8ⵡⴰⵔ ⵏⴻⵛⵛⵉ ⴰⵖⵔⵓⵎ ⴰⴽ-ⴷ ⵃⴻⴷ ⴱⴰⵟⴻⵍ, ⵎⴰⵛⴰ ⵙ ⵍⵅⴻⴷⵎⴻⵜ ⴷ ⵜⴰⵎⴰⵔⴰ ⵜⵓⵖⴰ ⴰⵏⴻⵖ ⵏⵅⴻⴷⴷⴻⵎ ⴵⵉⵍⴻⵜ ⴷ ⵡⴰⵙⵙ, ⵃⵉⵎⴰ ⵡⴰⵔ ⴷⴷ-ⵏⴻⵜⵜⵉⵙ ⵏⴻⴷⵇⴻⵍ ⵅ ⵛⴰ ⵏ ⵉⵊⵊⴻⵏ ⵣⵣⴰⵢⵡⴻⵎ.9ⵡⴰⵔ ⵉⴵⵉ ⵎⵉⵏⵣⵉ ⵡⴰⵔ ⵖⴰⵔⵏⴻⵖ ⵜⵜⴻⵙⵔⵉⵃ ⵉ ⵎⴰⵏ ⴰⵢⴰ, ⵎⴰⵛⴰ ⵃⵉⵎⴰ ⴰⴷ ⵏⴻⴳⴳ ⵉⵅⴻⴼ ⵏⵏⴻⵖ ⴷ ⵍⵎⵉⵜⴰⵍ ⵉ ⵖⴰ ⵜⴻⴹⴼⴰⵔⴻⵎ.10ⵎⵉⵏⵣⵉ ⵍⴰⵎⵉ ⵜⵓⵖⴰ ⴰⵏⴻⵖ ⵏⴻⴵⴰ ⴰⴽⵉⴷⵡⴻⵎ, ⴰⵇⴰ ⵏⵡⴻⵚⵚⴰ ⴰⵎⵎⵓ: ⵎⴰⵍⴰ ⵃⴻⴷ ⵡⴰⵔ ⵉⵅⵙ ⴰⴷ ⵉⵅⴷⴻⵎ, ⵡⴰⵔ ⵉⵜⵜⴻⵜⵜ ⵄⴰⵡⴻⴷ.11ⵎⵉⵏⵣⵉ ⵏⴻⵙⵍⴰ ⴰⵇⴰ ⴷⵉⵏ ⵛⴰ ⵊⴰⵔ ⴰⵡⴻⵎ ⵉⵏⵏⵉ ⵉⴳⴳⵓⵔⴻⵏ ⴷⵉ ⵎⵉⵏ ⵉⵄⴻⴼⴼⵏⴻⵏ, ⵡⴰⵔ ⵅⴻⴷⴷⵎⴻⵏ ⵇⴰⵄ, ⵎⴰⵛⴰ ⵜⵜⴻⴳⴳⴻⵏ ⵎⵖⵉⵔ ⵎⵉⵏ ⵡⴰⵔ ⵉⵙⴻⴽⴽⵡⵉⵏ.12ⴰⵇⴰ ⵏⵓⵎⵓⵔ ⵓ ⵏⵣⵉⵢⵢⴰⵔ ⵉ-ⵜⴻⵏ ⴷⵉ ⵙⵉⴷⵉⵜⵏⴻⵖ ⵢⴰⵙⵓⵄ ⵍⵎⴰⵙⵉⵃ ⵃⵉⵎⴰ ⴰⴷ ⵅⴻⴷⵎⴻⵏ ⴷⵉ ⵍⵀⵓⴷⵏⴻⵜ, ⴰⴷ ⵛⵛⴻⵏ ⴰⵖⵔⵓⵎ ⵏⵙⴻⵏ.13ⵎⴰⵛⴰ ⴽⴻⵏⵏⵉⵡ, ⴰ ⴰⵢⵜⵎⴰ, ⵡⴰⵔ ⵜⵜⵓⵃⵉⵍⴻⵎ ⵛⴰ ⵎⴰⵃⴻⵏⴷ ⴰⴷ ⵜⴻⴳⴳⴻⵎ ⵎⵉⵏ ⵉⵛⵏⴰⵏ.14ⵎⴰⵛⴰ ⵎⴰⵍⴰ ⵛⴰ ⵏ ⵉⵊⵊⴻⵏ ⵡⴰⵔ ⵉⵟⴰⵄ ⵉ ⵡⴰⵡⴰⵍⴻⵏ ⵉ ⵢⵓⵔⴰⵏ ⴷⵉ ⵜⴻⴱⵔⴰⵜ-ⴰ, ⴱⴹⴰⵎ ⵅⴰⵙ, ⵡⴰⵔ ⵜⵜⵅⴻⴵⴰⴹⴻⵎ ⵛⴰ ⴰⴽⵉⴷⴻⵙ, ⵃⵉⵎⴰ ⴰⴷ ⵉⴷⵡⴻⵍ ⵉⵜⵜⵙⴻⴹⵃⴰ,15ⵎⴰⵛⴰ ⵡⴰⵔ ⵜ ⵜᵉⵜⵜⵃⴻⵙⵙⴱⴻⵎ ⴷ ⵍⴻⵄⴷⵓ ⵎⴰⵛⴰ ⵏⴻⴷⵀⴻⵎ ⵜ ⵖⴰⵔ ⵡⴻⴱⵔⵉⴷ ⴰⵎ ⵢⵉⵊⵊ ⵏ ⵜⴰⵡⵎⴰⵜ.
16ⵎⴰⵛⴰ ⵙⵉⴷⵉ ⵏ ⵍⴻⵀⵏⴰ ⴰⴷ ⴰⵡⴻⵎ ⵉⵡⵛ ⵍⴻⵀⵏⴰ ⵉ ⵍⴻⴱⴷⴰ ⵅ ⵎⴰⵔⵔⴰ ⵉⵖⴻⵣⴷⵉⵙⴻⵏ. ⵙⵉⴷⵉⵜⵏⴻⵖ ⴰⴷ ⵢⵉⵍⵉ ⴰⴽⵉⴷⵡⴻⵎ ⵎⴰⵔⵔⴰ.17ⵉⵊⵊ ⵏ ⵓⵙⴻⴵⴻⵎ ⵙ ⵓⴼⵓⵙ ⵉⵏⵓ. ⵏⴻⵛⵛ, ⴱⵓⵍⵓⵙ, ⵓⵔⵉⵖ ⴰⵢⴰ. ⵜⴰ ⴷ ⵍⴻⵄⵍⴰⵎⴻⵜ ⴷⵉ ⵎⴰⵔⵔⴰ ⵜⵉⴱⵔⴰⵜⵉⵏ ⵉⵏⵓ. ⴰⵎⵎⵓ ⵉ ⴷ ⵓⵔⵉⵖ.18ⴰⵔⴹⴰ ⵏ ⵙⵉⴷⵉⵜⵏⴻⵖ ⵢⴰⵙⵓⵄ ⵍⵎⴰⵙⵉⵃ ⴰⴷ ⴰⴽⵉⴷⵡⴻⵎ ⵢⵉⵍⵉ ⵎⴰⵔⵔⴰ, ⴰ ⴰⵡⵎⴰⵜⴻⵏ ⵉⵏⵓ. ⴰⵎⵉⵏ.
expand_more
Search