ዳዊቲ እስራኤለ ቦላ ካዎትስ
1እስራኤለ ዛረ ኡባይ ዳዊታኮ ከብሮና ይድ፥ “ኑኒ ነ አሾነ ነ ሱ።2ካሰ ሳኦል ኑስ ካዎ ግድድ ደእያ ዎደካ እስራኤለ አሳ ኦላስ ካለዳይ ነና። ጎዳይ ነና፥ ‘ኔኒ ታ አሳ እስራኤለ ሄማና፤ ኤንታ ቦላ ካዎታና’ ያግድ ቃላ ገልስ” ያግዶሶና።3እስራኤለ ጭማት ኡባይ ካዋ ዳዊታኮ ከብሮና ይዶሶና፤ እ ኤንታራ ከብሮናን ጎዳ ስንን ጫቅስ፤ እስራኤለ ቦላ ካዎታና መላ ዳዊታ ትይዶሶና።4ዳዊቲ ካዎትያ ዎደ እያዉ ሀስታሙ ላይ፤ እ ኦይታሙ ላይ ካዎትስ።5ከብሮናን ይሁዳ ቦላ ላፑን ላይነ ኡሱፑን አጌና ካዎትስ፤ የሩሳላመን እስራኤለ ቦላነ ይሁዳ ቦላ ሀስታማነ ሄ ላይ ካዎትስ።6የሩሳላመን ደእያ ያቡሰ አሳ ኦላናዉ ዳዊቲነ እያ አሳይ ብዶሶና። ያቡሰ አሳይ፥ “ዳዊቲ ሀ ካታማ ገላናዉ ዳንዳኤና” ግድ ቆፕዳ ግሾ ሀር አቶሽን፥ “ቆቀትነ ዎበት ነና ተቃናዉ ዳንዳኦሶና፤ ነ ሀ ካታማ ገላካ” ያግዶሶና።7ግዶሽን፥ ዳዊቲ ፅዮነን ደእያ ኤንታ ሚፃ ኦይክን፥ እያ ዳዊታ ካታማ ግዳሱ።8ሄ ጋላስ ዳዊቲ፥ “ያቡሰ አሳ ኦልድ ኦይክያ ኦንካ ዳዊታ ሞርከ ግድዳ ዎበትነ ቆቀት ደእያ በሳ ጋካናዉ ሻፋራ ፑደ ከያናዉ ኮሼስ” ያግስ። ሄሳ ግሾ፥ “ቆቀትነ ዎበት ጋ ገሎኮና” ጌተትስ።9ዳዊቲ ሄ ሚፃ ኦይክድ፥ ያን ደእስ፤ ሄ ሚፃ ዳዊታ ካታማ ያግድ ሱንስ። ዳዊቲ ሚሎፐ ዶምድ ሄ ካታማ ዩሽድ ግምብስ።10ኡባፈ ዎልቃማ ጎዳይ ፆሳይ እያራ ደእያ ግሾ ዳዊቲ ምን ምን ብስ።11ፅሮሳ ካዎይ ክራም ዳዊታስ ካዎ ጋ ኬፃና መላ ዝጋ ም፥ አናፀታነ ሹቹ ማሰይሳታ የድን፥ ኤንቲ እያዉ ኬ ኬፅዶሶና።12ጎዳይ እስራኤለ ቦላ እያ ካዎ ኦድ ምንዳይሳነ ባ አሳ እስራኤለ ግሾ እያ ካዎተ ቁ ኦድ ቦንችዳይሳ ዳዊቲ ኤርስ።13ዳዊቲ ከብሮናፐ የሩሳላመ ይዳፐ ጉየ፥ ሀራ ላገታነ ማቸታ ጉጅድ ኤክን፥ ሀራ ማጫ ናይትነ አደ ናይት እያዉ የለትዶሶና።14የሩሳላመን እያዉ የለትዳ አደ ናይታ ሱንይ ሳሙአ፥ ሾባባ፥ ናታና፥ ሶሎሞነ፥15ይብሃራ፥ ኤልሹአ፥ ነፈጋ፥ ያፍአ፥16ኤልሻማአ፥ ኤልያዳነ ኤልፋላፃ።ዳዊቲ ፍልስፄመታ ፆንስ
17ዳዊቲ እስራኤለ ቦላ ካዎ ግድድ ትየትዳይሳ ፍልስፄመት ስእዳ ዎደ ኤንቲ ኡባይ ዳዊታ ኮያናዉ ከይዶሶና፤ ሽን ዳዊቲ ሄሳ ስእድ ሚፃን ብድ ገልስ።18ፍልስፄመት ብድ፥ ራፋይመ ዛንጋራን ላለትድ ኡትዶሶና።19ሄሳ ግሾ፥ ዳዊቲ፥ “ታኒ ባዳ ፍልስፄመታ ኦሎ? ኔኒ ኤንታ ታዉ አዳ እማኔ?” ያግድ ጎዳ ኦይችስ። ጎዳይ፥ “ኤ ኦላ፤ ቱማ ታ ኤንታ ነዉ አዳ እማና” ያግስ።20ዳዊቲ ባአል-ፓራስመ ጌተትያ በሳ ብድ፥ ያን ኤንታ ፆንስ። እ፥ “ድኦ ሃ መንድ ከየይሳዳ ጎዳይ ታ ሞርከታ ታ ስንን መንረስ” ያግስ። ሄሳ ግሾ፥ ሄ በሳ ሱንይ ባአል-ፓራስመጌተትስ።21ፍልስፄመት ባንታ ኤቃታ ሄ በሳን የግድ ብን፥ ዳዊቲነ እያ አሳይ ሄ ኤቃታ ኤክድ ብዶሶና።22ፍልስፄመት ጉየ ብድ፥ ናምአን ራፋይመ ዛንጋራን ላለትድ ኡትዶሶና።23ዳዊቲ ጎዳ ናምአን ኦይችን፥ ጎዳይ፥ “ኤንታ ጉየ ባጋራ ተቃዳ ዎላ ስንን ኤንታ ኦላ፥ ሽን ኤንታዉ ሶምኦን ከዮፓ።24ዎላ ም ፄራን ሳልፐ ቃላ ኔኒ ስእያ ዎደ ፍልስፄመ ኦላንቾታ ሾጫናዉ ጎዳይ ኔፐ ስን አዳይሳ ኤራዳ ኤለሳ” ያግስ።25ዳዊቲ ጎዳይ ኪትዳይሳዳ ኦስ፤ ጌባፐ ገዘራ ጋካናዉ ፍልስፄመ ኦላንቾታ ዎስ።