2 Samwele23mkw_wbt

Bampova ya mansukina ya Davidi

1Bampova ya mansukina ya Davidi ni yayi:
Mambu ya Davidi, mwana ya Yisayi.Mambu ya muntu ya nene,muntu yina Nzambi ya Yakobi byekaka,muyimbidi ya mbote ya Isayeli.2Mpeve ya Yave ke zonzaka na kati ya munu.Mambu ya Yave kele na yinwa ya munu.3Nzambi ya Isayeli me tuba,ditadi ya nene ya Isayeli me tuba na munu:«Ntinu yina ke twadisaka bantu na ludedomo,yina ke zitisaka Nzambi na kutwadisa bawu,4yandi kele mutindu nsemo ya sukana ntangu yina ntangu ke basikaka ata matuti.Nsemo ya yawu mpe bamvula yina ke nokaka,yawu ke salaka ti matiti kumena na ntoto.»
5Tala mutindu Nzambi ke salaka na dikanda ya munu:Yandi salaka ngwisani ya bantangu nyonso na munu.Ngwisani yango ke na bantumunu yina ke kebaka yawu.Konso ntangu, yandi ke salaka ti mu nungampe yandi ke lungisaka bansatu ya munu.6Kasi bayina ke na buzoba,bawu kele bawu nyonso mutindubintala ya yinti ya bansende yina ba me zenga.Ba ke simbaka ve yawu maboko mpamba.7Muntu yina ke zola kusimba yawu,yandi fwana kusadilakima ya kisengo to yinti ya dyonga,samu na kulosa yawu na tiya, kaka kuna.

Binwani ya Davidi ya ngolo

8Bankumbu yango ya binwani ya ngolo ya Davidi ni yayi: Yosebe-Basebete, mu-Takemone, yina vwandaka mfumu ya nkonga ya bantu tatu. Ni yandi kufwaka bankama nana (800) ya babakala na dyonga ya yandi kaka na mvita mosi.9Na manima ya yandi, ya vwandaka na Eleyazale, mwana ya Dodo, mutekolo ya Awoyi. Yandi vwandaka mosi na binwani tatu ya ngolo yina vwandaka kintwadi na Davidi, samu na kunwanisa ba-Filiseti yina vukanaka samu na mvita, ntangu bantu ya Isayeli bandaka na kuvutuka manima.10Kasi ni yandi tatamanaka na kunwanisa ba-Filiseti. Yandi nwanisaka bawu tii na ntangu yina diboko ya yandi lembaka, mpe diboko ya yandi vwandaka kaka ya kukangama na mbele ya mvita. Na kilumbu yina, Yave nungisaka bantu ya Isayeli. Bantu ya Isayeli kwizaka na manima ya Eleyazale, na kubaka bima ya bamvumbi.11Na manima, ya vwandaka na Sama, mwana ya Ange, mu-Alale. Ba-Filiseti vukanaka kuna na Leyi, kisika vwandaka bilanga mosi ya madeso. Bantu ya Isayeli kimaka ba-Filiseti.12Kasi Sama kwendaka telama na kati-kati ya bilanga. Yandi kuulaka yawu na maboko ya ba-Filiseti, yandi kufwaka bawu nyonso. Yave pesaka bantu ya Isayeli kununga mosi ya nene.13Na mbala ya nkaka, na ntangu yina ba ke yonzikaka bambuma, binwani tatu na kati ya nkonga ya makumi tatu ya bamfumu ya binwani kwendaka na sika ya Davidi, kuna na ntadi ya Adulame. Nkonga mosi ya binwani ya ba-Filiseti kwendaka sala kivwandu ya bawu na mudimba ya ba-Lefayi.14Davidi vwandaka ya kubumbama na kati ya ntadi. Nkonga mosi ya binwani ya ba-Filiseti vwandaka na Betelemi.15Davidi kumaka na mpwila ya maza, yandi tubaka: «Nani ke kwenda bakila munu maza na dibulu yina kele na mwelo ya Betelemi?»16Na yina, binwani tatu ya ngolo kwendaka kota na kivwandu ya ba-Filiseti. Bawu tekaka maza na dibulu yina kele na mwelo ya Betelemi. Bawu nataka yawu mpe bawu kwizaka lakisa yawu na Davidi. Kasi Davidi zolaka ve na kunwa yawu. Yandi dukulaka maza yango na yisi, samu na kupesa yawu na Yave mutindu munkayulu.17Mpe yandi tubaka: «Ve, ve Yave, ata fyoti ve! Mu ke kunwa ve maza yayi! Maza yayi kele menga ya bantu yina ndimaka na kwenda yekula luzingu ya bawu, kuna na Betelemi.» Na yina, Davidi mangaka na kunwa maza yango. Ni mambu yina salaka binwani tatu ya ngolo.18Abisayi, mpangi ya Yowabe, vwandaka mwana ya Seluya. Abisayi vwandaka mfumu ya nkonga ya binwani tatu. Ni yandi kufwaka binwani bankama tatu (300) na dikonga ya yandi, mpe nkumbu ya yandi kumaka nsangu na «nkonga ya bawu tatu».19Na bawu nyonso tatu, ni yandi lutilaka nsangu. Ni yawu yina, yandi kumaka mfumu ya bawu. Kasi yandi vwandaka ve mutindu mosi na binwani ya «nkonga ya bantu tatu.»20Benaya, mwana ya Yewoyada, vwandaka muntu ya ngolo mpe muntu ya bwala Kabeseele. Yandi salaka mambu ya ngitukulu. Ni yandi kufwaka binwani zole ya ngolo na Mowabe, ni yandi kulumukaka na yisi ya dibulu samu na kufwa nkosi. Ya vwandaka na kilumbu mosi yina neze vwandaka kubwa na ntoto.21Ni yandi mpe kufwaka mu-Ngipiti mosi ya nsisi. Mu-Ngipiti yango vwandaka na dyonga ya yandi na diboko. Benayawu vwandaka na yinti na diboko. Yandi nwanisaka mu-Ngipiti na yinti yango, mpe yandi botolaka mu-Ngipiti dyonga ya yandi. Yandi kufwaka mu-Ngipiti na dyonga ya yandi.22Ni mambu yina salaka Benaya, mwana ya Yewoyada. Ni yawu salaka ti nkumbu ya yandi kukuma nsangu na kati ya nkonga ya zole ya binwani tatu ya ngolo.23Yandi lutilaka nsangu na bamfumu makumi tatu ya bankonga ya makumi tatu ya binwani. Kasi yandi vwandaka ve mutindu mosi na binwani tatu ya nkonga ya ntete. Davidi tulaka yandi mfumu ya bankebi ya yandi.24Na «nkonga ya makumi tatu» ya vwandaka mpe na: Asayele mpangi ya Yowabe, Elanane mwana ya Dodo, mu-Betelemi,25Sama mu-Alode, Elika ya Alode,26Elese mu-Palete, Ila mwana ya Ikese, mu-Tekowa,27Abyezele mu-Anatote, Mebunayi mu-Wusa,28Salemone mu-Awoyi, Maalayi mu-Netofate,29Yelebe, mwana ya Baana, mu-Netofate, Itayi, mwana ya Libayi, mu-Ngibeya ya dikanda ya Bezame,30Benaya mu-Pileyatone, Yidayi muntu ya mizumba ya Ngaase,31Abi-Alebone muntu ya mudimba ya nzadi ya Yolodani, Azemawete, mu-Balewume,32Elyaba mu-Saalebone, Yewonatane mosi na bana ya Yasene,33Sama mu-Yalale, Ayame, mwana ya Salale mu-Alali,34Elifelete mwana ya Ayasebayi, mutekolo ya muntu ya Maakate, Elyame, mwana ya Ayitofele, mu-Ngilone,35Yeselayi, mu-Kaamele, Paalayi mu-Alabe,36Yingeyale; mwana ya Natane ya kizunga Soba, Bani mu-Ngade,37Seleke, mu-Amone, Nayelayi, mu-Beelote yina vwandaka nata binwanunu ya Yowabe, mwana ya Seluya,38Ila, mu-Yitele, Ngalebe, mu-Yitele,39Uli, mu-Iti. Bawu nyonso vwandaka na lutangu ya makumi tatu na nsambwadi.
expand_more
Search