Dawita Wursetha Haasaya
1Haysi Dawiti wursetha haasaya.Isseye na7aa Dawita wuresethay haysa;I Yayqooba Xoossan tiyetidaysa;Xoossay iya dhoqu dhoqu oothidaysa;Isra7eelen lo77o mazmure yexeysa.2“Godaa Ayyaanay ta baggara odees;iya qaalay ta inxarsan de7ees.3Isra7eele Xoossay taw odis;Isra7eele Zaallay haysada yaagis.‘Xillotethan haariya kawoy,Xoossa yashshan aysiya kawoy,4I shaari bayna guura doliyaxalqe poo7o mela.I iri bukidi aadhin,biittafe maata dolisiya booqalsa mela.’5Tuma ta keetha asay Xoossa sinthan suure;I taara merinaw caaqis;ha caaqoy giigidi, minnidinne naagetidi de7ees.Xoossay taw xoono immana;ta amotidaba ubbaa I tuma polana.6Shin iita asati ubbaykushen shiishanaw hanonna agunthada wora holetana.7Agunthu bochiya oonikawale woyko xam7a ba kushen oykanaw koshshees;hessi ba de7iya bessan eexana” yaagis.Dawitara De7iya Mino Asata
8Mino Dawita asata sunthay haysafe kaallidi de7eyisata. Koyroy, Takmoona yeleta gidida Yoseeb-Bestibeete geetetees; I heedzata halaqa; issi toho olan ba tooran hospun xeetu asi wodhis.9Heedzatape issoy, iya kaalliya nam7anthoy, Ahoha sheeshi gidida Dodo na7aa Alaazara. Issi gallas inne Dawiti olas shiiqida Filisxeemeta mandidosona; Isra7eele asay guye simmis.10Shin I ba bessan minni eqidi, iya kushey argaacidi mashshaara oyketana gakanaw Filisxeemeta shocis. He gallas Goday gita xoono immis. Olay eqin, olanchoti Alaazarako simmidi yidosona; shin enti hayqida Filisxeemetape ola ma7o qaaridosonape attishin, haraba oothibookona.11Iyape kaalley qassi Arooda yeleta gidida Aga na7aa Saama. Issi gallas Filisxeemeti misirey kumida shooqan, Leehi geetetiya bessan shiiqin, Isra7eeleti enta sinthafe baqatidosona.12Shin Saami shooqa giddon murti eqidi oletis. Filisxeemeta wodhis; he gallas Goday wolqaama xoono immis.13Katha caka wode hastamu mino asatape heedzati Adulaama gongoluwa Dawitako bidosona. He wode Filisxeeme olanchoti Raafayme zangaaran dunkaanidosona.14He wode Dawiti miixan de7ees; Filisxeeme olanchota cugay qassi Beetelemen olla kambe de7ees.15Dawiti haathe uyanaw amotidi, “Beeteleme katamaa pengiya matan de7iya olape haathe tana oone ushshanay” yaagis.16Ha heedzu mino asati Filisxeeme olanchota gutaa kanthidi, Beeteleme katama pengen de7iya ollafe haathe duuqidi Dawitas ehidosona. Shin I uyonna ixidi, Godaa sinthan tigidi,17“Abeeti Godaw, haysa uyanaysi taape haako! Ha haatha banta shempuwa bayzidi ehida asata suuthu gidennee?” yaagidi uyonna ixis. Ha heedzu mino asati haysa oothidosona.18Xaruya na7aa Iyo7aaba ishay Abisi hastamata halaqa; I heedzu xeetu asata ba tooran olidi wodhis; ika heedzatada eretis.19I hastamatape aadhidi bonchetida asi; I heedzata mela eretida asi gidonna ixikoka hastamatas halaqa.20Qabxi7eela yeleta gidida Yoodahe na7ay Banayasi mino ooso oothida gita asi. I nam7u eretida Moo7abe asata wodhis. Issi wode shachi wodhiya gallas ollan wodhidi gaammo wodhis.21Qassi issi gita Gibxe addiya wodhis; Gibxe addey toora oykis; shin I xam7a oykidi iyako bidi, iya kushepe toora dafi ekidi, iya toorara iya wodhis.22Yoodahe na7ay Banayasi haysa oothis; iya sunthay heedzataysada eretis.23I hastamata giddon daro bonchetida asi, shin I heedzata taybuwan deenna. Dawiti iya bana naagiya wotaadaretas tora mocona oothis.24He hastamata giddon de7eysati, Iyo7aaba ishaa Asaheela, Beeteleme yeleta gidida Dooda na7aa Eliyaana,25Arooda yeleta gidida Saamanne Eliqa,26Falxa yara gidida Selesa, Taqoha addiya Esika na7aa Irasa,27Anatoote yeleta gidida Abi7ezera, Kuussa yeleta gidida Mabunaya,28Ahoha yara gidida Xalmoona,29Naxoofa yeleta gidida Mahirayanne Ba7ana na7aa Heleba. Biniyaame biittan, Gib7a yeleta gidida Ribaaya na7aa Itaya,30Phir7atoona yeleta gidida Banaya, Ga7aasa zangaara matape yida Hidaya,31Araba yeleta gidida Abalboona, Barhuuma addiya Azmoota,32Sha7alboona yeleta gidida Eliyaaba, Asana nayta, Yoonataana,33Arooda yeleta gidida Saamanne Shaara na7aa Ahi7aama,34Ma7ika yeleta gidida Ahasbaya na7aa Elfalaxa, Gilo yeleta gidida Akxoofela na7aa Eli7aama,35Qarmeloosa yeleta gidida Hexira, Araba yeleta gidida Pa7aara,36Suubba yeleta gidida Naatana na7aa Yigi7aala, Gaade yeleta gidida Baana,37Amoone yeleta gidida Seleqa, Xaruya na7aa Iyo7aaba ola miishiya tookiya Ba7eroota yeleta gidida Nahiraya,38Yatira yara gidiya Irayanne Gareeba,39Hite addiya Ooriyoona. Enti kumethi hastamanne laapuna.