Read 2ሳሜላ ማጻፋ 23

2ሳሜላ ማጻፋ23gmv_etw

ዳዊቲ ዉርሴን ዮቲዳ ቃላ

¹ዳዊቲ ዉርሴን ሃሳይዳ ቃላይ ሃይሳፌ ካሊዛይሳ፤«ያቆቤ ጾሳን ቲዬቲዳይሲ፥ኡባፌ ቃ ጾሳይቁ ቁ ሂስቲዳ ኣሲ፥ኢስራኤሌን ዶሴቲዳ ዬንቻይ፥ኢሴዬ ና ዳዊቴ ቲንቢቴቃላይ ሃይሳ፤

²«ጎዳ ኣያናይታ ባጋራ ሃሳይዴስ፤ኢዛ ቃላይ ታ ዶናን ዴስ።³ኢስራኤሌ ጾሲ ሃሳይዴስ፤ኢስራኤሌ ዛላይ ታስ፥‹ኣሳ ጺሎቴን ሃሪዛይ፥ጾሳ ያሻቴን ኣይሲዛይ፥⁴ኢዚ ሻራይ ባይንዳሶን፥ማላዶ ጻልቄይ ኬዚዛዎዴ ዲዛ ፖኦ ማላ፤ኢዚ ቢታ ቦላ ማታፑርጪሲዛ ጻልቄ ማላ፥ኢራይ ቡኪ ኣሺንኬኢዛ ኣዋ ማላ› ጊዴስ።

⁵«ታ ኬ ጾሳ ማታንሊኬ ጊዴኔ?ኡባ ሚሽ ጊግሲዲኔ ናጊዲ፥ታናራ ሜርና ጫቆ ቃላጌሊዳይ ኢዛ ጊዴኔ?ታ ኣቶቴ ፖሎ ጋናይታ ኣሞ ኡባ ታስ ኢማናይኢዛ ጊዴኔ?⁶ጊዶ ኣቲን ኢታ ኣሳቲ ኡባይ፥ኩሼን ሺሻና ዳንዳዬቶንታኣጉን ማላዎራ ዎና።⁷ኣጉን ቦቺዛ ኡባስ፥ቢራታ ዎይኮቶራ ቶማ ኮሼስ፤ኢስቲ ባ ዲዛሶን ሙሌራታማን ጹጌታና።»

ኤሬቲዳ ቃራ ኣሳታ

⁸ዳዊቴስ ኤሬቲዳ ቃራ ኣሳታ ሱን ሃይሳፌ ካሊዛይሳ፤ ኮይሮይሲ ታሂኪሞኔ ዴሬ ኣስ ዮሼቢ-ባሼቤቴ ጊዲሺን ኢዚ ሄ ሃላቃታስ ሃላቃ፤ ኢዚካ ኢሲ ኦላን ባ ቶራ ጾንጊዲ 800 ኣስ ዎዳ ቃራ።⁹ናምኣንዚ ኣሂሆሄ ዴሬ ኣስ ዶዴ ና ኤልኤዜሬ፤ ኦሌታናስ ኢሲ ቦላ ሺቂዳ ፊሊስጼሜ ኣሳይ ኤቄቲዛ ዎዴ ኢስራኤሌ ኣሳይ ባቃቲዴስ፤ ዳዊቴራ ዲዛ ሄ ቃራታ ጋርሳፌ ኢሶይ ኢዛ።¹⁰ኢዚ ጊዲኮ ባ ኤቂዳሶ ዬዲቤና፤ ኢዛ ኩሼይ ኣርጋጫናሼኔ ማሻራ ኢሲፌ ኦይኬታናሼ ጋካናስ ፊሊስጼሜታ ኦሊዴስ፤ ሄ ጋላስ ጎዳይ ኢዛስ ጊታ ጾኖ ኢሚዴስ። ባቃቲ ቢዳ ኦላንቻቲ ሃይቂዳ ኣሳፔ ኦላ ሚሺኔ ማይኦ ጻላ ቃራታናስ ኤሌኤዜሬኮ ጉዬ ሲሚዳ።¹¹ሄንዚ ሃራሬ ዴሬ ኣስ ኣጌ ና ሻማ፤ ፊሊስጼሜቲ ሌሃን ኩሜ ሚሲራይ ዜሬቲዳ ጋዴን ኢስቲ ኢሲ ቦላ ሺቂ ዲሺን ኢስራኤሌ ኦላንቻቲ ፊሊስጼሜታ ሲንፌ ባቃቲዳ።¹²ሻማይ ጊዲኮ ባ ኤቂዳሶ ዬዲቤና፤ ሄ ኦላ ኤቄቲዲ ፊሊስጼሜታ ዎዴስ፤ ሄ ጋላስ ጎዳይ ጊታ ጾኖ ኢሚዴስ።¹³ካ ሺሾ ዎዴ ፊሊስጼሜ ኦላንቻቲ ኤራፋይሜ ዙሌን ዱንካኒ ኡቲዳሼ ሄ ታሙ ሃላቃታፔ ሄቲ ዳዊቲ ዲዛሶ ኣዱላሜ ጎንጎሎ ዪዳ።¹⁴ሄ ዎዴ ዳዊቲ ሚጻ ጊዶን ዴስ፤ ፊሊስጼሜ ኦላንቻቲ ቤቴሊሄሜን ዴቴስ።¹⁵ዳዊቲ ላሞቲዲ፥ «ቤቴሊሄሜ ፔንጌ ኣቻን ዲዛ ኦላ ሃፌ ታስ ኦኔ ኤሃናይ!» ጊዴስ።¹⁶ሄሳ ጊሻስ ኤሬቲዳ ኦላ ቃራ ሄቲ ፊሊስጼሜ ኦላንቻታ ጊዶራ ካን ቢዲ ቤቴሊሄሜ ፔንጌ ኣቻን ዲዛ ሃ ኦላፌ ዱቂ ዳዊቴስ ኤሂዳ፤ ኢዚ ጊዲኮ ጎዳ ሲንን ያርሾ ሂስቲ ጉሲዴስ ኣቲን ኡዪቤና።¹⁷«ኣቤት ጎዳዉ! ሃይሳ ማላ ኦሶ ታ ዎስታ ኦ? ሃይሲ ታፔ ሃኮ! ሃይሲ ባንታ ሼምፖ ቦላ ፒርዲዳ ኣሳታ ሱ ዴኔ?» ጊዲ ዳዊቲ ኡያና ኮዪቤና፤ ሄኮ ኤሬቲዳ ሄ ኦላ ቃራቲ ኦዳ ጎባቴ ኦሶይ ሄሳ።¹⁸ጹሪያ ና ኢዮኣቤ ኢሻ ኣቢሳዬይ ሄ ኤሬቲዳ ኦላ ቃራታስ ሃላቃ፤ ሄ ጼቱ ኣሳ ቦላ ባ ቶራ ጾንጊዲ ዎዳኔ ሃ ሄ ቃራታ ማላ ኤሬቲዳ ጎባ ኣሳ።¹⁹ኣቢሳዬይ ሄታፔ ቦላራ ኬሂ ኤሬቲዳ ኣስ ጊዴኔ? ኢዚ ኢስታፌ ጊዶንታ ኣጊኮካ ኢዚ ኢስታስ ሃላቃ።²⁰ሃራ ኤሬቲዳ ቃራይ ቃብጺኤሌ ዴሬ ኣስ ዮዳሄ ና ባናያይ ጊታ ኤሬቲዳ ኦሶ ኦዴስ። ኢዚካ ናምኡ ኤሬቲዳ ሞኣቤ ኣሳታ ዎዴስ፤ ቃሴካ ሻቺ ቡኪዳ ጋላስ ኦላ ጊዶ ጌሊዲ ጋሞ ዎዴስ።²¹ሄሳካ ኢሲ ጊታ ጊብጼ ኣስ ዎዴስ፤ ሄ ጊብጼ ኣዴዚ ባ ኩሼን ቶራ ኦይኪዴስ፤ ጊዶ ኣቲን ባናያይ ኢዛራ ኦሌታናስ ጉፌ ኦይኪዲ ኢዛኮ ቢዴስ፤ ጊብጼ ኣዴዛ ኩሼፔ ኢዛ ቶራ ዎ ኤኪዲ ኢዛ ቶራን ኢዛ ዎዴስ።²²ዮዳሄ ና ባናያ ጎባቴ ሄሳ፤ ኢዚካ ኤሬቲዳ ሄ ቃራ ኣሳታ ማላ ኤሬቲዳ ጎባ ኣሳ።²³ኢዚ ሄ ሄ ታሙ ኣሳታፔ ኣ ቦንቼቲዳዴ፤ ጊዶ ኣቲን ኤሬቲዳ ሄ ቃራ ኣሳታ ማላ ሳቤቴና። ዳዊቲ ባናያ ባ ቦንቾ ዛቤታ ቦላ ሹሚዴስ።²⁴ሄ ሄ ታማታፔ ባጋይታ ሱን ሃይሳፌ ካሊዛይሳ።ኢዮኣቤ ኢሻ ኣሳሄሌ፥ቤቴሊሄሜ ዴሬ ኣስ ዶዴና ኤልያኔ፥²⁵ሃራሬ ዴሬ ኣስ ሻማሃ፥ሃራሬ ዴሬ ኣስ ኤሊቃ፥²⁶ፓሊጼ ዴሬ ኣስ ሄሌጼ፥ቴቁሄ ዴሬ ኣስ ኢቄሻና ኢራ፥²⁷ኣናቶቴ ዴሬ ኣስ ኣቢኤዜሬ፥ሁሼ ዴሬ ኣስ ሜቡናዬ፥²⁸ኣሂሆሄ ዴሬ ኣስ ጻልሞኔ፥ናጾፌ ዴሬ ኣስ ማሂራዬ፥²⁹ናጾፌ ዴሬ ኣስ ባኣናና ሄሌቤ፥ቢኒያሜ ባጋፌ ጊቢኣ ዴሬ ኣስ ኤሪባዬ ና ኢታዬ፥³⁰ፒራቶኔ ዴሬ ኣስ ባናያ፥ጋኣሼ ዙሌ ኣስ ሂዳዬ፥³¹ኣራቤ ዴሬ ኣስ ኣቢ-ኤልቦኔ፥ባርሁሜ ዴሬ ኣስ ኣዚሞቴ፥³²ሻልቦኔ ዴሬ ኣስ ኤሊያሂቤ፥ያሼኔ ናይታ፥ዮናታኔ፥³³ሃራሬ ዴሬ ኣስ ሻማሃ ና፥ሃራሬ ዴሬ ኣስሻራሬ ና ኣሂኣሜ፥³⁴ማኢካቴ ዴሬ ኣስኣሃሲባ ና ኤልፋሌጼ፥ጊሎ ዴሬ ኣስኣክጾፌሌ ና ኤልኣሜ፥³⁵ቃርሜሎሴ ዴሬ ኣስ ሄጺሮ፥ኣራቤ ዴሬ ኣስ ፓራዬ፥³⁶ጾባ ዴሬ ኣስናታኔ ና ዪጊኣሌ፥ጋዴ ዴሬ ኣስ ባኔ፥³⁷ኣሞኔ ዴሬ ኣስ ዛላቃ፥ጹሪያ ና ኢዮኣቤስጎንዳሌ ኦይኪዛ ቢኤሮቴዴሬ ኣስ ናሂራዬ፥³⁸ያቲሬ ዴሬ ኣስ ኢራ፥ያቲሬ ዴሬ ኣስ ጋሬቤ፥³⁹ሄሳካ ሂቴዴሬ ኣስ ኦሪዮ፥ኢስቲ ኢሲ ቦላ ሄታማኔ ላፑና።

2ሳሜላ ማጻፋ 23 / gmv_etw

ዳዊቲ ዉርሴን ዮቲዳ ቃላ

ኤሬቲዳ ቃራ ኣሳታ

2ሳሜላ ማጻፋ23gmv_etw