2 Sammeela23dwr_ltw

Daawite wurssetsan Haasayeedda K'aalatuwaa

1Hawanttu Daawite wurssetsan haasayeedda k'aalatuwaa.Isseya na'ay Daawite haasayee;S'oossay d'ok'k'u d'ok'k'u ootseeddawe,Yaak'ooba S'oossay okkiide kaateyeeddawe,Israa'eelan lo"o mazimuriyaa kesseeddawe hawaadan yaagee:
2«Med'inaa Godaa Ayyaanay ta baggana haasayee;Aa k'aalay ta ins's'arssan de'ee.3Israa'eeliyaa S'oossay haasayeedda;Israa'eeliyaa Zaallay taana hawaadan yaageedda;‹S'illotetsan gadiyaa mooddiyaa kaatii,S'oossaw yayyiidde kaatetiyaa kaatii,4shaarii baynna guuran doliyaa s'alk'k'iyaa poo'uwaa mala.He uray iray bukki simmina,biittappe maataa dolisiyaa book'alssaa mala› yaageedda.
5«Tumu ta golliyaa Asay S'oossaa sintsan suure.I taananna med'ina k'aalaa c'aak'uwaa c'aak'k'eteedda;ubbabaykka ha k'aalaa c'aak'uwaa giddon giigiidenne minniide utteedda.S'oossay taw s'oonuwaa immana;k'ay taani amotteeddawaa ubbaa I tumuppe polana.6Shin iita asatuu ubbaykushiyan shiishshanaw hanenna aguntsatuwaadanwora olettana.7Aguntsatuwaa bochchiyaa ooninnebirataa woy tooraa toomaa bare kushiyan oyk'k'anaw koshshee.He aguntsay barenttu de'iyaa sa'aan ees's'ana»yaageedda.

Daawita Mino Asatuwaa

8Daawita asatuwaa minotuu suntsay hawaappe kaalliide s'aafetteedda. Unttunttuppe heezzatuu loytsi eretteeddawantta. Heezzatuwaappe koyruu Taahikimoonappe yeedda Yooshebi-Baashebeeta geetettee; I itti gede olan bare tooraan hosppun s'eetu asaa wod'eedda.9Heezzu mino asatuwaa giddon Aa kaalliide de'iyaawe Ahoohiyaa Dooddo na'aa El"aazara. Itti gallassi inne Daawite olaw shiik'eedda Piliss's'eematuwaa naasseeddino; hewaappe guyyiyaan, Israa'eeliyaa Asay guyye simmeedda.10Shin I bare sa'aan min ek'k'iide, Aa kushii s'alaliide, mashshaanna oyk'k'ettana gakkanaw, Piliss's'eema asatuwaa shoc'eedda. He gallassi Med'inaa Goday wolk'k'aama s'oonuwaa immeedda. Olay ek'k'ina, olanchchatuu El"aazarakko simmiide yeeddino; shin unttunttu hayk'k'eedda Piliss's'eematuwaappe olaa mayuwaa k'aareeddinoppe attina, harabaa ootsibeykkino.11Aappe kaalliyaawe k'ay Haaraarappe yeedda Age na'aa Shamma. Itti gallassi Piliss's'eema asatuu missirii kumi utteedda shoyk'an shiik'eeddino; Israa'eeliyaa asatuu unttunttu sintsaappe bak'atteedino.12Shin Shammi shoyk'aw giddo bazzuwaan min ek'k'iide oletteedda. Piliss's'eema asatuwaa shoc'iide dippi ootseedda. Med'inaa Goday wolk'k'aama s'oonuwaa immeedda.13Katsaa c'akan hattamu mino asatuwaappe heezzatuu Daawitakko Adulaama katamaa matan de'iyaa gonggoluwaa beeddino. He wode Piliss's'eema olanchchatuu Rafayma Wombban shiik'i utteeddino.14He wode Daawite geesuwaa giddon de'ee; Piliss's'eema olanchchatuu c'itay k'ay Beeteleheemen de'ee.15Daawite haatsaa ushanaw amottiide, «Beeteleeme katamaa penggiyaa lank'k'iyaan de'iyaa pulttuwaa haatsaappe taana ooni ushshanddeeshsha!» yaageedda.16Heezzu mino asatuu Piliss's'eema olanchchatuu mootsaa aad'd'iidde, Beeteleeme katamaa penggiyaan de'iyaa pulttuwaappe haatsaa duuk'k'iide Daawitaw aheeddino. Shin I ushennaan is's'eedda; Med'inaa Godaa sintsan tigiide,17«Abeet Med'inaa Godaw, hawaa ushanawe taappe haakko! Ha haatsay barenttu shemppuwaa sheneko giide s'aliidde beedda asatuwaa suutsaa gidennee?» yaagiide ushennaan is's'eedda. Ha heezzu mino asatuu hawaa ootseeddino.18S'aruuyi na'aa Iyoo'aaba ishay Abishaayi hattamatoo kaappuwaa; I heezzu s'eetu asatuwaa bare tooraan olettiide wod'eedda; yaatiide ikka hara heezzatuwaadan eretteedda.19I hattamatuwaappe aad'd'iide bonchchetteedda asaa; I unttunttoo kaappuwaa gideedda. Gidooppenne, I he heezzatuwaa payduwaan baawa.20K'ay K'abs's'i'eelappe yeedda Yoodaahe na'ay Banaayikka mino asaa. I mino oosatuwaa ootseedda. I laa"u eretteedda Moo'aabe asatuwaa wod'eedda. K'ay shachchay dariyaa itti gallassi ollaa duge geliide, gaammuwaa wod'eedda.21K'ay Gibs'e bitaniyaa itti wolk'k'aama wod'eedda; Gibs'e bitanii tooraa oyk'k'eedda; shin I dullaa oyk'k'iide Aa bolla beedda; Aa kushiyaappe tooraa bonk'k'i akkiide, Aa tooraan Aa wod'eedda.22Yoodaahe na'ay Banaayi hawantta ootseedda. Aa suntsaykka he heezzatuwaadan eretteedda.23I hattamatuwaa giddon daro bonchchetteedda; shin I heezzatuwaa payduwaan baawa. Daawite Aa barena naagiyaa olanchchatoo kaappuwaa keseedda.24He hattamatuwaa giddon de'iyaawanttu: Yoo'aaba ishaa Asaaheela, Beeteleheemeppe yeedda Dooddo na'aa Elihanaana,25Haroodappe yeedda Shammanne Eliik'a,26Pals's'a yara gidiyaa Helees'a, Tak'o"appe yeedda Ik'k'eesha na'aa Ira,27Anatootappe yeedda Abi'eezera, Huushappe yeedda Mabunaaya,28Ahooha yara gidiyaa S'almmoona,29Nas'oofappe yeedda Maahiraayanne Ba'aana na'aa Heleeba, Biiniyaama biittappe, Gib"appe yeedda Ribaaya na'aa Ittaaya,30Pir"aatoonappe yeedda Banaaya, Ga'aasha Zanggaaraa matappe yeedda Hiddaaya,31Aarabappe yeedda Abi'albboona, Baahiruumappe yeedda Azimaaweeta,32Sha'albboonappe yeedda Eliyaahiba, Yaasheena naanaa, Yoonataana,33Haaraarappe yeedda Shamma, Haaraarappe yeedda Sharaara na'aa Ahi'aama,34Maa'ikappe yeedda Ahasabaaya na'aa Elifelees'a, Giiloppe yeedda Akis'oofeela na'aa Elii'aama,35K'armmeloosappe yeedda Hes'ira, Araba katamaappe yeedda Pa'araaya,36S'ooba katamaappe yeedda Naataana na'aa Yigi'aala, Gaadappe yeedda Baana,37Amoonappe yeedda S'elek'a, S'aruuyi na'aa Yoo'aaba ola miishshaa tookkiyaa Ba'erootappe yeedda Naahiraaya,38Yatira yara gidiyaa Ira, Yatira yara gidiyaa Gaareebanne39Hiitiyaa Ooriyoona. Unttunttu ubbaanna hattamanne laappuna.
expand_more
Search