1Davidi yimbidilaka Yave mukunga bantangu yina Yave kuulaka yandi na maboko ya bambeni, mpe ya Sawule.2Yandi tubaka: Yave kele ditadi ya munu ya nene.Yandi kele kiswamunu ya munu.Yandi ke kuulaka munu.3Nzambi kele Ditadi ya munu ya nene,kisika yina mu ke bumbamaka.Yandi kele Kinwanunu yina ke kebaka munu.Yandi kele Ngolo yina ke vuukisaka munu.Kibumbamanu ya munu kele na kati ya yandi.Nge Muvuukisi ya munu,nge ke vuukisaka munu na maboko ya bantu ya yimbi.4Nkembo na Yave!Ntangu mu ke bokilaka yandi,yandi ke kuulaka munu na maboko ya bambeni ya munu.5Bimpo ya lufwa kangaka munu.Nyamba ya lufwa fulusaka munu na boma.6Basinga ya yinsi ya bantu ya kufwa kangaka munu.Mitambu ya lufwa vwandaka na mantwala ya munu.7Na kati ya bampasi ya munu,mu bokilaka Yave.Mu bokilaka Nzambi ya munu.Katuka kuna na yinzo ya yandi,yandi kuwaka munu.Bidilu ya munu kumaka tii na makutu ya yandi.8Ntoto ninganaka,yawu mwanganaka.Balufulu ya mazulu tekitaka,yawu ninganaka samu ti Nzambi kumaka na nkele.9Mulinga vwandaka basika na mbombo ya yandi.Tiya ya nene vwandaka basika na yinwa ya yandi.Milaka ya tiya vwandaka basika na yinwa ya yandi.10Yandi fungulaka mazulu, yandi kulumukaka.Yandi kulumukaka na dituti ya ndombe na yisi ya makulu ya yandi.11Yandi yulukaka na zulu ya keluba mpe yandi dumukaka.Yandi talanaka na kati ya mupepe.12Yandi fukilaka kitombe mutindu divunga,yandi bumbamaka na kati ya matuti ya nene.Yandi bumbamaka na kati ya matuti ya kufuluka na maza.13Nsemo ya nene tekilaka na mantwala ya yandi,nsemo yango vwandaka basisa milaka ya tiya.14Kuna na zulu, Yave dumaka,Nzambi ya Kulutila Kuzangama wakisaka ndinga ya yandi.15Yandi mwangisaka madyonga na balweka nyonso,yandi fidisaka balusyemo na balweka nyonso.16Na kuduma yina Yave dumaka, ntoto ya yisi ya maza ya mubu talanaka.Na mupepe yina basikaka na mbombo ya yandi, balufulu ya yinza talanaka.17Katuka kuna na mazulu,yandi me lambula diboko mpe yandi me simba munu.Yandi me basisa munu na kati ya maza ya nene.18Yandi kuulaka munu na maboko ya mbeniyina me lutilaka munu na lulendo.Yandi kuulaka munu na maboko ya bayina ke yinaka munumpe me lutila munu ngolo.19Bambeni vwandaka na mantwala ya munu kilumbu yina mpasi ya nene kuminaka munu,kasi Yave vwandaka kiyekamanu ya munu.20Yandi katulaka munu na mpasi ya lufwa.Yandi kuulaka munu,samu ti yandi ke zolaka munu.21Yave me sadila munumutindu kele kudedama ya munu.Mutindu maboko ya munu kele ya kuvedila,ni mutindu yina mpe yandi me sadila munu,22samu ti mu landaka banzila ya Yave,mu mangaka ve Nzambi ya munu,mutindu ke salaka bantu ya mavanga ya yimbi.23Misiku ya yandi nyonso kele na mantwala ya munu.Mu ke bikaka ve na kusadila bansalulu ya misiku ya yandi.24Mu vwandaka ya kusungama na mantwala ya yandi.Mu mangaka na kusala nyonso ya yimbi.25Ni yawu yina,Yave me sadila munu mutindu kele kudedama ya munu.Yandi me sadila munu mutindu kele kuvedila ya munu na ntadisi ya yandi.26Yave, na muntu ya kukwikama,nge ke talanaka ya kukwikama.Na muntu ya kusungama, yina ke na kibakala,nge ke talanaka ya kusungama.27Na muntu yina kele ya kuvedila,nge ke lakisaka kuvedila ya nge.Na muntu yina kele ve ya kusungama,nge ke sadilaka yandi ve na kusungama nyonso.28Ni nge ke vuukisaka bantu ya kukuluka,nge ke talaka bantu ya lunangu mpe nge ke kululaka bawu.29Yave, nge kele mwinda ya munu.Yave, nge ke kyenzulaka munu na kati ya kitombe.30Kintwadi na nge, mu ke nwanisaka na nswalu nkonga ya binwani ya bambeni.Kintwadi na nge Nzambi ya munu, mu ke yulukaka bibaka.31Nzila ya Nzambi kele ya kulunga.Mambu ya Yave kele ya tsyelika.Yandi kele mutindu kinwanunu yina ke kebaka nzutu,samu na bayina ke bumbamaka na sika ya yandi.32Ya kele ve na Nzambi ya nkaka,kaka ni nge Yave.Ya kele ve na ditadi ya nkaka ya nene,kaka ni Nzambi ya beto.33Nzambi kele kiswamunu ya munu ya ngolo.Yandi ke kubikaka mbote-mbote nzila ya munu.34Yandi ke salaka ti makulu ya munukuvwanda mutindu makulu ya nsyesye.Yandi ke salaka ti mu vwanda ya kutelamana zulu ya myongo.35Yandi ke lakisaka munumutindu ya kunwana mvita.Yandi ke pesaka munungolo ya kusadila munani ya kisengo ya mbwaki.36Kukuula yina nge ke kuulaka munukele kinwanunu yina ke kebaka nzutu.Bamvutu ya nge ke pesaka munu ngolo.37Nge ke salaka ti mu kima mbangu ata kubula mabaku.38Mu ke landaka bambeni ya munu,mpe mu ke kufwaka bawu.Mu ke vutukaka ve manimakana mu me manisa ve na kufwa bawu.39Mu ke manisaka na kufwa bawu.Mu ke sasaka bawu.Bawu ke lendaka dyaka ve na kutelama.Ba ke kubwaka na makulu ya munu.40Nge ke pesaka munu ngolo na ntangu ya mvita,nge ke tulaka mitantu ya munu na yisi ya makulu ya munu.41Nge ke kimisaka mitantu ya mununa meso ya munu.Mu ke manisa na kufwabayina ke yinaka munu.42Bawu ke na kusosa,kasi ata muntu ke na kusadisa bawu.Bawu ke na kubokila Yave,kasi yandi ke na kupesa bawu ve mvutu.43Mu ke mwangisa bawu mutindu fundu-fundu ya ntoto.Mu ke kosunaka bawu.Mu ke dyataka bawumutindu poto-poto ya banzila.44Nge ke kuulaka mununa banwanusunu ya bantu ya munu.Nge ke na kusala ti munu,mu vwanda mfumu ya bayinsi.Bantu yina mu zaba ve,bawu ke na kutumama na munu.45Banzenza ke lebaka bumbote ya munu.Kana mu tuba kaka dyambu mosi,bawu ke tumamaka.46Banzenza ke dyaka ve na ngolo.Bawu ke na kubasika na biswamunu ya bawuna kutekita nyonso.47Yave kele moyo!Nkembo na Yave ditadi ya munu ya nene!Bika ti Nzambi, ditadi ya nene ya mpulusu ya munu kukembuswa!48Nge Nzambi yina ke futisaka yimbi na bantu yina ke salaka munu yimbi,nge yina ke salaka ti bantu kutumama na munu,49Yandi ke katulaka mununa kati ya bambeni ya munu.Nge ke zangulaka mununa zulu ya mitantu ya munu.Nge ke kuulaka mununa maboko ya bantu ya muvusu.50Ni yawu yina, mu ke kembila Yavena kati ya bantu ya bayinsi.Mu ke yimbila nkumbu ya nge.51Yave ke salaka mambu ya nenesamu na kukuula ntinu ya yandi.Yandi ke lakisaka kukwikama ya yandina muntu yina yandi me byeka.Yandi ke lakisaka kukwikama ya yandi na Davidimpe na bana ya Davidi bantangu nyonso.