Read 2 ሳሙዔኤሌ ማፃኣፖ 22

2 ሳሙዔኤሌ ማፃኣፖ22mdy_twf

ዳውቴ ዖሎና ባሻዖ ዓይናዼ ዓይኑሞ

¹ናንጊና ናንጋ ጎዳ ሳኣዖኦሌንታ ሃንጎ ዒዛኮ ሞርኮንታይዳፓ ዓይሴሢሮ ሂዚ ጌዒ ፆኦሲ ቦንቾም ዳውቴ ዓይናዼኔ፦²«ናንጊና ናንጋ ጎዳ ታና ዓውሳ ላላሢታኣኮ ዒ ዶዶ ዋርዲያሢኬ።³ናንጊና ናንጋ ጎዳ ታና ዓውሳ ላላሢ ማዔሢሮዒዛና ዎላ ኮሺ ታ ናንጋኔ፤ዒዚ ጊቲማጉዲ ታጊዳ ሙካ ባኮ ቃዛኔ፤ታና ማኣዳሢ፥ ዒዚ ኮሺ ታና ናንጊሳኔ፤ዒዚ ታና ዓውሳያታሢሮሜቶይዳፓ ታና ካፓኔ፤ ዓውሳኔ።⁴ጋላታ ኮይሳ ናንጊና ናንጋ ጎዳሢ ታ ሺኢቃኔ፤ዒዚ ታ ሞርካፓ ታና ዻቂሻኔ።»

⁵«ሃይቢ ታኣኮ ካራ ባይዚ ታና ማንጌኔ፤ባይሲንታ ዲጲ ሙኪ ታና ዔኤዼኔ፤⁶ጋፒንፃባኣ ዒጊቻ ዔቶኮ ሱዛ ታና ማሬኔ፤ሃይቢ ፒራ ታኣም ፒሪንቴኔ።⁷ሜታሢ ታና ሄሌ ዎዶናናንጊና ናንጋ ጎዳ ታኣኒ ሺኢቄምታና ዒ ማኣዳንዳጉዲ ታ ፆኦሲ ታኣኒ ዖኦጬምፔኤኮ ጌኤዦ ማኣራ ዓኣዖ ታ ዑኡዞ ዋይዜኔ፤ታኣኒ ሺኢቂ ዒላታ ዒላቶዋ ዒ ዋይዜኔ።»

⁸«ፆኦሲ ዻጋዼሢሮሳዓ ዓጊፄኔ፥ ጎጋይቄኔ፤ጫሪንጮ ማዢ ዔቂሶና ፃጳ ቤዞ ሃሺ ዓጊፄኔ።⁹ዒዛኮ ሲኢዻፓ ዻጋ ጩቢዒዛኮ ዻንጋፓ ሙዓ ታሚ ሎስታሃሣ ሚቻ ቄንሢያ ኬስኬኔ።¹⁰ዒዚ ጫሪንጮ ዳርዚ ሊካ ኬዴኔ፤ዒዛኮ ቶኮ ዴማ ዲም ጌዔ ሻኣሬ ዓኣኔ፤¹¹ኪሩቤሌ ጌይንታ ባኮይዳ ዴዒ ዒ ባራኔኔ፤ዒዚ ዢባሮ ባኣካ ጋኣሲ ዓኣያ ማዒ ጴዼኔ።¹²ፔና ጉቤ ዒ ዹሚና ዓኣቼኔ፤ዒርዚ ካርሤ፥ ዲም ጌዔ ሻኣሬ ዒዛ ኮይላ ቡኬኔ።¹³ዒዛኮ ቤርታ ዓኣ ዜኤሊንፆፓታሚ ዔኤቲ ኬስኬኔ፤

¹⁴ናንጊና ናንጋ ጎዳ ጫሪንጫፓ ጉጉንሤኔ፤ዼኤፖ ፆኦዛሢ ፔ ዑኡዞ ዋይዚሴኔ።¹⁵ፔኤኮ ሂኢዦና ዒ ዱኪሃሣ ዜኤሊንፆ ፓልዖና ዳውሲፔኤኮ ሞርኮ ዒዚ ላኣሌኔ።¹⁶ናንጊና ናንጋ ጎዳሢዮ! ኔኤኮ ሞርኮ ኔ ጎሬ ዎዶናኔኤኮ ዻጎ ዑኡዞ ኔ ዋይዚሴ ዎዶናዼኤፖ ባዞኮ ጋፖ ሳዓ ጴዼኔ፤ሳዓ ማዢንቴ ዓይፆ ካራ ፔጋዼኔ።»

¹⁷«ናንጊና ናንጋ ጎዳ ሎፓ ኩጮ ዳኪ ታና ዓርቄኔ፤ዼኤፖ ዔቶ ዋኣፆ ዴማፓ ጎቺ ታና ኬሴኔ።¹⁸ዑሣ ዓኣዼ ታኣም ዎልቃዼ ታኣኮ ሞርኮናታና ዒፃ ዓሶ ቢያሢፓናንጊና ናንጋ ጎዳ ታና ዓውሴኔ።¹⁹ታኣም ካራ ባይቃዛ ሞርኬ ማዒ ዔያታ ዔቄንቴናንጊና ናንጋ ጎዳ ታና ካፔኔ።²⁰ናንጊና ናንጋ ጎዳ ታና ማኣዲ ፑርታፓ ኬሴኔ፤ታ ናንጎና ዒዚ ዎዛዼሢሮፑርታፓ ታ ቶላንዳ ዳልጊ ካራ ታኣም ዒ ጌሤኔ።»²¹«ታኣኒ ፂሎ ባኣዚ ማዻሢሮናንጊና ናንጋ ጎዳ ዬያ ዛሎ ማሂ ታኣም ጪጋኔ፤ታኣኮ ፒዙሞ ማዾ ጎይፆኮሺ ባኣዚ ዒ ታኣም ማዻኔ።²²ናንጊና ናንጋ ጎዳ ዓይሣ ጎይፆ ታ ሃንቴኔ፤ታ ፆኦዛሢፓ ታና ዱማሳ ዻቢንቲ ታ ማዺባኣሴ።²³ናንጊና ናንጋ ጎዳኮ ዎጎ ቢያ ማዺ ታ ኩንሤኔ፤ዒዚ ዓይሤ ዳምቦዋ ታ ቦንቼኔ።²⁴ታ ዒዛ ቤርታ ጌኤሺኬ፤ጎሜያ ታ ማዺባኣሴ።²⁵ታኣኒ ዒዛ ቤርታ ማዼ ባኮኮዦ ማዾንታ ጉሙርቂንቲፆንታናንጊና ናንጋ ጎዳ ዔራያታሢሮዒዚ ዬያ ዛሎ ማሂ ታኣም ጪጋኔ።»²⁶«ናንጊና ናንጋ ጎዳሢዮ!ኔኤም ጉሙርቂንታ ዓሶም ኔ ጉሙርቂንታያኬ፤ፒዜ ዓሶማኣ ኔ ፒዜኬ፤²⁷ጌኤዦ ዓሶም ኔ ጌኤሺኬ፤ዎቦ ዓሶም ኔ ዎቦኬ።²⁸ሼሌዔ ዓሶ ኔ ዓውሳኔ፤ዖቶርቃ ዓሶ ጋዓንቴ ኔ ቦርሲሳኔ።

²⁹ናንጊና ናንጋ ጎዳሢዮ! ኔ ታኣኮ ፖዓሢኬ፤ታጊዳ ዓኣ ዹሞ ኔ ፖዒሳኔ።³⁰ታኣኒ ሞርኮ ባሻንዳ ዎልቄ ኔ ታኣም ዒንጋኔ፤ዔያታ ዋርዲ ዴዔ ቤዞ ኮኦሚ ታ ጌላንዳጉዲዎልቄ ታኣም ኔ ዒንጋኔ።»

³¹«ፆኦሲ ማዻ ማዾና ፓጫ ባኣዚ ባኣያኬ!ናንጊና ናንጋ ጎዳኮ ቃኣላኣ ፒዜኔ፤ዒዛና ካናዻ ዓሶም ቢያ ዒ ጊቲማኬ።³²ናንጊና ናንጋ ጎዳፓ ዓታዛ ሜሌ ፆኦሲ ባኣሴ፤ዒዛይዳፓዓቴም ካናዾ ባኣዚያ ባኣሴ።³³ታኣም ዶዱሞ ዒንጋሢናጎይፆ ታኣም ጊኢጊሻሢያ ናንጊና ናንጋ ጎዳኬ።³⁴ዒዚ ታኣኮ ቶኮ ጌንዖ ቶኪጉዲ ዶዲሻኔ፤ጌሜሮ ጎኦቦይዳ ዓልቱዋዖ ታ ዔቃንዳጉዲ ማኣዳኔ።³⁵ኩጮ ታኣኮ ዒ ዖልዚ ዔርዛኔ፤ዶዶ ቆኦዞ ታ ጎቻንዳጉዲ ኩጮዋ ዒዚ ዶዲሻኔ።³⁶ታ ፆኦዛሢዮ!ታና ዓውሳ ጊቲሞ ታኣም ኔ ዒንጋኔ፤ኔ ዎልቃ ታና ዶዲሻኔ።³⁷ታኣኮ ቤርታ ዓኣ ባኮ ዒ ሺኢሻኔ፤ዬያሮ ቶካ ታኣኮ ዹቂንቱዋሴ።»³⁸«ታ ሞርኮ ዳውሲ ታ ዓርቃኔ፤ታ ዔያቶ ባይዙዋዖ ጊንሢም ማዑዋሴ።³⁹ላሚ ዔቁዋ ጎይሢ ታ ዔያቶ ባይዛኔ፤ታኣኮ ዔያታ ቶኮ ዴማ ሎኦማኔ።⁴⁰ዖሎ ታ ዖላንዳ ዎልቄ ታኣም ኔ ዒንጋኔ፤ዖሎና ታ ሞርኮ ኔ ታና ባሺሳኔ።⁴¹ታ ሞርካ ታ ቤርታፓ ጳሽካንዳጉዲ ኔ ማሃኔ፤ታና ዒፃ ዓሶ ቢያ ኔ ባይዛኔ።⁴²ዔያቶ ማኣዳ ዓሲ ኮዒ ዔያታ ዒላታኔ፤ጋዓንቴ ዔያቶ ማኣዳ ዓሲ ፔቴታዖ ባኣሴ፤ናንጊና ናንጋ ጎዳ ዔያታ ዔኤላኔ፤ጋዓንቴ ዒዚ ዔያቶም ዬሁዋሴ።⁴³ሲላሊ ማዓንዳያ ሄላንዳኣና ታ ዔያቶ ጊኢጫኔ፤ጎይሢዳ ዓኣ ቶርጶጉዲ ታ ዔያቶ ዳኣፃኔ።»⁴⁴«ፑርቶ ዴሮይዳፓ ኔ ታና ዓውሴኔ፤ዴሮ ቢያ ዎይሣንዳጉዲ ኔ ታና ዶኦሬኔ፤ታ ዔሩዋ ዴሬ ታ ዴማ ዎርቃኔ።⁴⁵ፃንጎ ማዔ ዴራታ ዛሎ ዋይዚ ታኣም ዓይሢንታኔ፤ታና ቦንቺ ዚጊያ ዚጋኔ።⁴⁶ጫርሹማ ዔያቶኮ ባይቄም ዒጊጪ ሜታዺጎጋይቂ ፔኤኮ ዋርዲዮይዳፓ ኬስኪታ ባንሢ ሙካኔ።»⁴⁷«ናንጊና ናንጋ ጎዳ ናንጊና ናንጋያኬ፤ታኣኮ ካናዾ ፆኦዛሢ ጋላቲንቶም፤ታና ዻቂሻ ዼኤፖ ፆኦዛሢ ዼግ ዼጊ ጎዖም!⁴⁸ዒ ታ ሞርኮ ኮሚ ኮሞ ማሃኔ፤ዴሮ ቢያሢ ታ ዴማ ማሂ ዒ ዎይሢሳኔ።⁴⁹ታ ሞርካፓ ታና ዒ ዓውሳኔ፤ፆኦዛሢዮ!ታ ሞርኮ ኔ ታና ባሺሲሳኔ፤ጌኖ ማዾ ማዻ ዓሶፓ ኔ ታና ዓውሳኔ።⁵⁰ዬያሮ ዴሮ ባኣካ ታ ኔና ጋላታኔ፤ኔ ሱንፆዋ ዓይኑሞና ታ ዼኤፒሳኔ።⁵¹ዒዚ ካኣታሤ ካኣቲም ባሺሢ ዒዚ ዒንጋኔ፤ዒዚ ቲሽኪ ዶኦሬ ዳውቴና ዜርፆናም፤ናንጊና ጋፑዋ ናሹሞ ፔኤሲ ዒ ፔጋሲ ዻዋኔ።»

2 ሳሙዔኤሌ ማፃኣፖ 22 / mdy_twf

ዳውቴ ዖሎና ባሻዖ ዓይናዼ ዓይኑሞ

2 ሳሙዔኤሌ ማፃኣፖ22mdy_twf