2 SAMWELA
22
/
kij_png
share
Share
Debida kala wosi paila la tomgwaga
1
E avai tuta Guyau ikoli Debida metoya oyamala Saulo e deli goli metoya oyumasi ituwoli tilaula, e Debida iwosi mapilana wosi baisa Guyau.
2
Guyau matauna agu taboda.
Matauna agu taboda, makawala bolela kabilia kwaipeula.
3
Ulo Yaubada matauna agu taboda,
e kidamwa bisikailigu, gala wala basilagi,
Itabodaigu makawala vayoula.
Itabodaigu e gala wala basilagi.
Matauna agu tokwala.
Itabodaigu deli ikolaigu metoya togigasisi.
4
Adou baisa Guyau,
e matauna ikolaigu metoya agu tilaula.
Kala yakaula Guyau!
5
Kaliga kaisaila itavinaigusi itapataigusi.
Kaisaila katumata ikatutuwolaigusi.
6
Kabokaliga itavinaigusi itapataigusi,
e laka
info
ileiya agu sikula.
7
Olumoulela agu mwau adou baisa Guyau.
Adou baisa ulo Yaubada paila pilasi.
E ola Bwala Kwebumaboma
info
matauna ilagi kaigagu.
Matauna inakaigali ulo dou paila pilasi.
8
E pwaipwaia imotatina deli iyega,
e gawata tumilela
info
imwaiku deli iiku,
paila uula Yaubada bogwa eigibuluwa.
9
E mseu isusunapula metoya okabulula.
Tuvaila mlimwali deli kwekikapolu dakuna metoya owodola.
10
E ikatuvi gawata ikapogega e ibusi,
deli wala piladudubila lowalowa okwaibakwaila.
11
E iyoyowa saina nanakwa ola waga kaibibiu makaina labuma wagela,
e isisakaula odabala yagila pinupanela.
12
Dudubila ikuboli tomwaidona,
e lowalowa pilapoupou ikasewoki wala sopi, itavini itapatu matauna.
13
Dakuna kwekikapolu ipeipela mlimwalila metoya okavikavila omatala matauna.
14
E oluvi Guyau ibutupilapala metoya ogawata,
e kaigala Yaubada Topeuligaga iyoulapula.
15
Matauna iluvalova la kaiyala deli ibutugigai kala tilaula
metoya ola kavikavila ibwakavila isisakaulasi.
16
Bolita tukutakula ikanumakava,
e deli tumilela pwaipwaia
info
iulaim
avai tuta Guyau ikavilaki kala tilaula,
e iguguvavila baisa matausina ola gibuluwa.
17
Guyau ikalakova metoya walakaiwa e matauna iyosigu,
e ibiaigu metoya otilibwabwau.
18
Matauna ikolaigu metoya osi peula agu tilaula,
deli goli metoya baisa matausina ivigakaigusi tokukolosi.
Matausina saina topapeula, ikalisauwaigusi.
19
E avai tuta laboda mwau, e matausina iwawaigusi,
mitaga Guyau bogwa itabodaigu.
20
Matauna ipilasaigu metoya osilagi.
Matauna ikolaigu paila uula ayomwasali nanola.
21
Guyau imapwaigu paila uula avagi avaka duwosisia.
Ikabwailigu paila uula yeigu tobwaila wala.
22
Yeigu akabikuwoli Guyau la karaiwaga,
e gala wala atotubuloki ulo Yaubada.
23
Yeigu akabikuwoli komwaidona Guyau la karaiwaga,
e gala akoulovi makwaisina la karaiwaga.
24
Matauna bogwa inikoli yeigu gala wala isim pikolela wowogu.
Bogwa layamataigu titoulegu metoya baisa uvagila sula.
25
Mapaila matauna imapwaigu paila uula avagi avaka duwosisia.
Matauna inikolaigu kidamwa yeigu tobwaila wala.
26
Mwa Guyau! Kukimidagi matausina availa availa ikimidagaimsi,
e deli kumitukwaii matausina availa availa bwainawokuva wala.
27
Paila yoku tomigileu omitasi matausina availa availa tomigileu wala.
Mitaga kugibuluwi matausina availa availa tomitugaga wala.
28
Yoku kukwatumovi matausina availa availa tommanum,
mitaga kuvabu matausina availa availa tokaluvalova.
29
Mwa Guyau! Yoku ulo lumalama,
e yoku kutitapi ulo dudubila.
30
Yoku kusakaigu peula kidamwa bawaiya agu tilaula,
e makwaina m peuligaga ikodidaimi kasi taboda.
31
Matauna Yaubada - mokwita wala bwainawokuva wala la bubunela,
deli la biga ibodi bitadubumaisi.
Matauna makawala kaitala vayoula,
paila availa availa binainevisi si kabokwala.
32
E Guyau kalamwaleta wala Yaubada,
e Yaubada kalamwaleta wala kada tabodasi.
33
Matauna Yaubada ulo kabokwala kwaipeula,
e ivigaki ulo keda kala kwala.
34
Ivigakaigu avamolila makawala minana dia isisakaula gala deli la ninayuwa,
e iyamataigu wa koya, e gala basilagi.
35
Ivakadaigu paila kabilia,
e mapaila baisa akau ulo kaiyala saina kaipeula.
36
Mwa Guyau! Kutabodaigu deli kukolaigu,
paila m pilasi ivigakaigu atoveka.
37
Yoku kuyamataigu taga agu tilaula biyosigusi,
e yeigu gala avai tuta akapusi.
38
Yeigu abokavili agu tilaula e akalisau matausina.
Yeigu gala wala basim bwakavila tatoula wala bakatumtuwoli matausina.
39
Yeigu akatuyou matausina e gala gagabila bitokaiasi.
Akalisau matausina e ikanukwenusi omatagu.
40
Yoku kukwatupewolaigu otutala kabilia,
e atomgwaga odubasi agu tilaula.
41
Yoku kuvigaki agu tilaula isakaulasi metoya baisa yeigu,
e akatumati availa availa matausina ivigakaigusi tokukolosi yeigu.
42
Matausina inevisi pilasi, mitaga gala wala availa ikoli matausina.
Idousi baisa Guyau, mitaga matauna gala ivitakaula.
43
Yeigu akatugunugunu matausina, e imili pwaipwaiasi.
Avapupoi matausina makawala pwadidiweta wa keda.
44
Kukolaigu metoya matausina tokominimani idokaisi bikalisauwaigusi.
E kukwatupewoli ulo karaiwaga odubasi boda komwaidona.
Tomota matausina gala anikoli, baisa tuta bogwa lavigaki ulo tomota.
45
Togilagala ikululusi omatagu
e matausina avai tuta eilagaigusi ikabikaulasi.
46
Matausina bogwa leiwokuva si tuvaluwa,
e metoya obolela si kabokwala imaisi deli si tatuva.
47
Guyau Tosivagasi! Kuyakawolaisi matauna agu taboda!
Kukwamitulaisi Yaubada Topeula la tovakaigaga, matauwena wala agu tokwala.
48
Matauna ivigakaigu latomgwaga odubasi agu tilaula.
Ivabugwa boda komwaidona osikowagu,
49
deli ikolaigu metoya agu tilaula.
Mwa Guyau! Kuvigakaigu latomgwaga odubasi agu tilaula,
deli kukolaigu metoya matausina togigasisi.
50
E mapaila bayakawolaim wala oluwalaisi boda komwaidona.
Bawosi wosila yakaula baisa yoku.
51
Yaubada iuvigaki saina kwaiveka tomgwaga baisa la guyau,
e iyomitali la mitakwai baisa matauna availa bogwa einagi,
matauwena goli Debida deli dalela, tuta gala biwokuva.
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
chevron_right
Next Chapter