Read 2ሳሜላ ማጻፋ 22

2ሳሜላ ማጻፋ22gmv_etw

ዳዊቲ ዬጺዳ ጋላታ ማዛሙሬ

¹ጎዳይ ዳዊቴ ኢዛ ሞርኬታ ኡባ ኩሼፔኔ ሳኦሌ ኩሼፔ ኣሺዳ ዎዴ ዳዊቲ ሃይሳፌ ካሊዛ ማዛሙሬ ጎዳ ቦንቾስ ዬጺዴስ፤²«ጎዳይ ታስ ዛላ፥ታስ ሚጻኔ ታና ኣሺዛዴ።³ታ ጾሳይ ታ ጌሜቲዛ ዛላ፥ታስ ጎንዳሌኔ ኣቶቴ ካጬ፤ኢዚ ታስ ሚኖ ሚጻ፤ታስ ዜምፖኔታና ኣሺዛዴ፤ኔ ታና ማካላንቻታፔኣሻሳ።⁴ጋላታይ ቤሲዛ ጎዳ ታ ጼይጋይስ፤ታኒ ታ ሞርኬታፔካ ኣታይስ።

⁵«ሃይቆ ዳምባላይታና ጊዶዴስ፤ይሲዛ ዲኦይ ታና ሚቲዴስ።⁶ሲኦሌ ዎዶሮይታ ቦላ ጻጼቲዴስ፤ሃይቆ ዎጺማዴይታስ ዋጼቲዴስ።⁷ታ ጬጪዳ ዎዴ ጎዳ ጼይጋዲስ፤ታ ጾሳኮ ዋሳዲስ።ኢዚ ባ ኬን ዲሼታ ጬንጉርሳ ሲዪዴስ፤ታ ዋሶይ ኢዛ ሃይን ጌሊዴስ።

⁸«ኢዚ ሃንቄቲዳ ጊሻስ ቢታያኮኮራዱሲኔ ሺሮታዱስ፤ሳሎታ ዮቺዛኢዴሲኔ ቃጺዴስ።⁹ኢዛ ሲፔ ሃንቆጩዋይ ጩዋቲዴስ፤ኢዛ ዶናፔ ጹጊዛታማይ ኤጺዴስ፤ታማ ቦንቆይካ ኬዚዴስ።¹⁰ሳሎታ ዳኪ ዎዴስ፤ኢዛ ቶሆ ጋርሳን ፒ ጊዳሻራይ ዴስ።¹¹ኢዚ ኪሩቤ ቦላ ኡቲዲ ፒራዴስ፤ጫርኮ ቄፌ ቦላ ኡቲዲፑዴ ፓሊዴስ።¹²ማይ ኢዛ ጊዶዴስ፤ፒ ጊዳ ኢራ ሻራይኢዛ ጌንዴስ።¹³ኢዛ ሲንን ዲዛ ፖኦዛፔዋዋጪ ጊዛ ዎልቃን ኬዚዴስ።¹⁴ጎዳይ ሳሎታፔ ጉሚዴስ፤ኡባፌ ቃ ጾሳጬንጉርስ ሲሲዴስ።¹⁵ባ ዪሻ ዱኪዲባ ሞርኬታ ላሊዴስ፤ዎልቃን ዬዲዲ ኢስታ ሺሮሲዴስ።¹⁶ጎዳ ሴራፔኔኢዛ ሲፔ ኬዚዛ ሃንቆጩዋፔ ዴንዲዳይሳን፥ኣባ ጊዶን ዲዛ ዙሌቲ ቤቲዳ፤ሳኣ ዮቻቲ ቆንጪዳ።

¹⁷«ቦላፌ ባ ኩሼ ዬዲዲታና ኦይኪዴስ፤ጪማ ሃታ ጊዶፌካታና ኬሲዴስ።¹⁸ሚኖ ሞርኬታፔ፥ታኒ ኢስታራ ኤቄታናዳንዳዮንታ ባሊጋራታፔታና ኣሺዴስ።¹⁹ታ ሜቶቲዳ ጋላስ ታ ቦላ ዪዳ፤ጊዶ ኣቲን ጎዳይ ታና ካፊዴስ።²⁰ኢዚ ታና ኣኮሶ ኬሲዴስ፤ታናን ኡፋዬቲዳ ጊሻስኢዚ ኢስታ ኣሺዴስ።

²¹«ጎዳይ ታስታ ጺሎቴ ማላ ኦስ፤ታ ጺሎቴ ማላታስ ኩሼ ዛሪዴስ።²²ጎዳ ኦጌ ታ ናጊዳ ጊሻስታኒ ጾሳፌ ሼርኢ ጋዳ ኢታ ኦቤኬ።²³ኢዛ ዎጋ ኡባይ ታ ሲንን ዴስ፤ኢዛ ማራፔካሃራሶ ሲማቤኬ።²⁴ኢዛ ሲንን ቦሬይ ባይንዳ ዴኣዲስ፤ታናካ ናጋራፔ ናጋዲስ።²⁵ጎዳይ ታ ጺሎቴ ማላ፥ኢዛ ሲንን ዲዛጌሻቴ ማላታስ ኩሼ ዛሪዴስ።

²⁶«ኣማኔቲዳይታስኔካ ኣማኔቲዳይሳ፥ሱሬታስ ኔኒ ሱሬጊዲዳይሳ ቤሳሳ።²⁷ጌሻታስ ኔኒ ጌሽ ጊዲዳይሳ፥ማካላ ኣሳስ ኔኒ ማካላጊዲዳይሳ ቤሳሳ።²⁸ኔኒ ቆሄቲዳ ዴራ ኣሻሳ፤ጊዶ ኣቲን ኔ ኣይፌይካዉሻናስኦቶራንቻታ ጼሌስ።²⁹ኣቤት ጎዳዉ!ኔኒ ታስ ጾምፔ፤ጎዳይ ታ ማ ፖኢሴስ።³⁰ኔ ማዶን ሞርኬታ ኦላሲን ሱጋ ሱጋ ባና፤ታኒ ታ ጾሳ ዎልቃንጊምቤዛ ቦላራ ጻላይስ።

³¹«ጾሳ ኦጌይ ኩሜ፤ጎዳ ቃላይ ሙሩታ፤ኢዛን ኣማኔቲዳይታ ኡባስኢዚ ጎንዳሌ።³²ጎዳፔ ኣቲንሃራ ጾሲ ኦኔ?ኑ ጾሳፌ ኣቲንዛላይ ኦኔ?³³ታስ ዎልቃ ኢሚዛይሲ፥ታ ኦጌካ ሱሪሲዛይሲኢዚ ታ ጾሳ።³⁴ታ ቶሆታ ጌኔሳቶሆ ማላ ፒላቲሴስ፤ቃሶሆታንታና ሚን ኤሴስ።³⁵ታ ኩሼታ ኦላ ታማርሴስ፤ታ ቄሴቲ ጻርቂማላዎንዳፌ ዚንቄቴስ።³⁶ኔ ኣቶቴ ጎንዳሌታስ ኢማዳሳ፤ኔ ካፎይ ታና ጊታሲዴስ።³⁷ታ ታንጎ ኣሳዳሳ፤ታ ቶሆቲካ ጴቲቤቴና።

³⁸«ታ ሞርኬታ ዬዴ ይሳዲስ፤ኢስቲ ዲፒ ጋናሼ ጋካናስጉዬ ጋቤኬ።³⁹ሙሌራ ታ ኢስታ ይሳዲስ፤ሲሚዲካ ኤቃናስዳንዳይቤቴና፤ታ ቶሆ ጋርሳንካ ኩንዲዳ።⁴⁰ኦላስ ታስ ዎልቃ ኢማዳሳ፤ታናራ ኤቄቲዛይታ ታ ቶሆጋርሳን ኔ ጉልባቲሳዳሳ።⁴¹ታ ሞርኬቲ ጉዬ ሲሚባቃታና ማላ ኦዳሳ፤ታና ኢጺዛይታ ይሳዳሳ።⁴²ኢስቲ ማዶ ዴማናስ ዋሲዳ፤ጊዶ ኣቲን ኢስታ ማዲዳይ ዴና፤ኢስቲ ጎዳኮ ዋሲዳ፤ጊዶ ኣቲን ኢዚ ኢስታስ ዛሪቤና።⁴³ጉዱላ ማላ ኢስታ ሊቂሳ ጋጫዲስ፤ኦጌን ዲዛ ኡርቃ ማላኢስታ ጊንዳዲሲኔ ዬታዲስ።

⁴⁴«ታ ዴሬይ ቆፒዳ ዳፋፔታና ኣሻዳሳ፤ካዎቴታስታና ሁኤ ሂስታዳሳ።ታ ኤሮንታ ኣሳይታስ ሃሬቲዴስ።⁴⁵ኣላጋቲ ታና ሾባናስ ዪዳ፤ኢስቲ ታና ሲዪዳ ማላ ታስ ኣዛዜቴቴስ።⁴⁶ኣላጋቲ ባቢዳ፤ባንታ ሚጻፔ ኮኮሪሼ ዪዳ።

⁴⁷«ጎዳይ ዴኦ ጾሳ፤ታ ዛላይ ኢዚ ኣንጄቶ፤ታ ኣቶቴ ዛላይታ ጾሳይ ቁ ቁ ጎ።⁴⁸ታ ጊሻስ ሃሎ ኬሲዛ ጾሳይ፥ካዎቴታ ታስ ሃሪሲዛይ ኢዛ።⁴⁹ኢዚ ታ ሞርኬታ ኩሼፔታና ኬሴስ፤ታ ሞርኬታፔ ታናቁ ቁ ሂስታዳሳ፤ሜንጼ ኢታታፔታና ኣሻዳሳ።⁵⁰ኣቤት ታ ጎዳዉ!ካዎቴታ ጊዶንታ ኔና ጋላታና፤ኔ ሱንስ ጋላታ ማዛሙሬታ ዬጻና።⁵¹ኢዚ ካዎዛስ ጊታ ጾኖ ኢሜስ፤ባ ቲይዳ ዳዊቴሲኔኢዛ ዜሬስ፥ባ ሜርና ኪያቴ ቤሴስ።»

2ሳሜላ ማጻፋ 22 / gmv_etw

ዳዊቲ ዬጺዳ ጋላታ ማዛሙሬ

2ሳሜላ ማጻፋ22gmv_etw