Saabe7i Dawita Bolla Dendis
1Biniyaame koche gidida Bikira na7ay Saabe7a geetetiya meto medhiya addey yan de7ees. He addey moyze punnidi, “Nuus Dawitara gishoy baawa! Isseye na7aara nuus laati baawa! Isra7eele asaw, ubbay hinte soo soo gelite!” yaagis.2Isra7eele asa ubbay Dawita aggidi, Bikira na7aa Sabe7erara bidosona. Shin Yihuda asay Yordaanosepe Yerusalaame gakanaw aggonna banta kawa kaallidosona.3Dawiti Yerusalaamen de7iya ba gadho simmida wode, kawo gadho naagana mela ashshida tammu laggethota efidi issi keethan naagisidi wothis. Entaw koshshiyaba immis, shin entara aqibeenna. Enti he keethan naagetidi, hayqana gakanaw am7o gididi de7idosona.4Kawoy Amaasako, “Yihuda asa ubbaa heedzu gallasan taw xeegada shiisha; neka entara shiiqa” yaagis.5Amaasi Yihuda asaa xeeganaw bis; shin kawoy gida gallasan simmanaw danda7ibeenna.6Dawiti Abisako, “Ha77i Bikira na7aa Saabe7i Abeseloomepe aathidi nuna qohana. Ne godaa olanchota ekada neeni iya geedo kaalla. Hessi hanonna ixiko I gimbetida katamata demmidi nuupe kessi ekana” yaagis.7Iyo7aaba asay, kawa naageysatinne mino olanchoti ubbay Abisara Bikira na7aa Saabe7a geedo kaallanaw Yerusalaamepe keyidi bidosona.8Enti bidi Gaba7oonan de7iya wogga zaalla gakiya wode Amaasi entara gahetanaw yis. Iyo7aabi ola ma7uwa ma7i uttis; ba xeessan mashsha dancis. I tangishin iya mashshay shoohuwape kessi ekidi wodhis.9Iyo7aabi, “Ta ishaw, ne saro de7ay?” yaagidi, Amaasa yeeranaw ba ushacha kushiyan iya buuchaa oykis.10Shin Amaasi Iyo7aaba haddirsa kushiyan de7iya mashshaa be7iboona gisho, iyape naagetibeenna. Iyo7aabi iya uluwan caddidi maraaciya biittan zaazis. Amaasi issi cachan hayqida gisho zaari caddibeenna. Iyo7aabinne iya ishaa Abisi Bikira na7aa Saabe7a geedo kaallidosona.11Iyo7aaba asaape issoy Amaasa aha matan eqidi, “Iyo7aaba doseynne Dawitaba gidiya oonika Iyo7aaba kaallo” yaagis.12Amaasi suuthan iitidi ogiyas giddon kundidi zin7is. Olanchoti ubbay yidi, he bessan eqidaysa he addey be7idi, Amaasa aha ogiyape shooqan goochi kessidi, iya bolla ma7o yeggis.13Amaasa ogepe diggidaape guye, Bikira na7aa Saabe7a geedo kaallanaw olanchoti ubbay Iyo7aabara bidosona.14Saabe7i Isra7eele kochata biittara kanthidi, Abeel-Beet-Ma7ika katamaa gakis. Berata biittara kanthishin, asa ubbay shiiqidi iya kaallidosona.15Iyo7aabara de7iya asay gakidi, Saabe7i de7iya Abeel-Beet-Ma7ika katama teqidosona. Enti katamaa gimbiyas guye baggara biitta dooridosona. Iyo7aabara de7iya asay gimbiya laallanaw qoxoosona. Enti qoxishin,16katamaape issi cinca maccasi enta xeegada, “Si7ite! Si7ite! Bidi, Iyo7aaba xeegite. Taani iyaw odanabay de7ees” yaagasu.17I maccaseeko yin, iya, “Neeni Iyo7aabee?” yaagada oychasu. Iyo7aabi, “Ee, tana” yaagis. Maccasiya, “Taani ne aylliya giyaba si7a” yaagasu. Iyo7aabi, “Taani si7ayis” yaagis.18Maccasiya, “Beni wode asay, ‘Ne oyshaas Abi7eela katamaa ba’ giiko odi wurees.19Isra7eele giddon saronne ammanthiya asi nuna. Isra7eele biittan aayo gidida katamiw neeni dhaysanaw qopaasa. Neeni Godaa laata biitta ayis dhaysanaw koyay?” yaagasu.20Iyo7aabi, “Hessi taape haako! Katamaa dhaysoy woyko laalethi taape haako!21Nu qofay hessa gidenna. Derey dariya Efreema biittan Bikira na7aa Sabe7a geetetiya addey kawa Dawita bolla dendis. He addiya taw immite; taani katamaa yeddada baana” yaagis. Maccasiya, “Iya huuphiya gimbiya bollara new holana” yaagasu.22Hessafe guye, maccasiya ba cinca zoriyara asaako basu. Asay Bikira na7aa Saabe7a qoodhepe qanxidi huuphiya Iyo7aabas holidosona. Yaatin, Iyo7aabi moyze punnin asa ubbay katamaape keyidi, ba soo soo bin, Iyo7aabi kawako Yerusalaame simmis.23Iyo7aabi Isra7eele olanchota ubbaa halaqa gidishin, Yoodahe na7ay Banayasi Dawita naageysata halaqa.24Adoniraami wolqa ooso ootheyisata halaqa gidishin, Ahiluda na7ay Iyosaafxi hanidaba xaafeysa.25Suusi waanna xaafe gidishin, Saadoqinne Abyataari kahine.26Qassi Ya7ira addey Irki Dawita kahinetape issuwa.