1Kawoy, “Ba na7aa Abeseloomes yeekesinne zeleeles” yaagidi Iyo7aabas odidosona.2Kawoy ba na7aas yeekeysa si7ida gisho, he gallas enti ubbay xoonida xoonoy yeehon laametis.3Olape baqatidi yeellan guye simmida olanchoda he gallas asay doona pogonna katama gelidosona.4Kawoy guuluntidi, ba qaala dhoqu oothidi, “Yii, ta na7aw Abeseloome! Yii, ta na7aw! Abeseloome yii!” yaagidi zeleelis.5Hessafe guye, Iyo7aabi kawa soo bidi, “Nena, ne adde nayta, ne macca nayta, ne machetanne ne laggethota ashshida ne asa ubbaa hachi neeni kawushadasa.6Nena ixeyisata neeni dosaasa; nena doseyisata neeni ixaasa. Ne olanchotinne enta halaqati new aykoka gidonnaysa neeni hachi qoncisadasa. Nuuni ubbay hayqin, Abeseloomey hachi paxa attidaako neeni ufaytanaysa ta be7as.7Ha77i denda! Kare keyada ne asaa minthetha. Ta Godaa sunthan caaqayis; neeni keyonna ixiko, hachi qamma neera issi asika attenna. Na7atethafe hachi gakanaw nena gakida iita ubbaafe haysi new aadhida iita gidana” yaagis.
Dawiti Yerusalaame Simmis
8Hessa gisho, kawoy dendidi pengiya matan uttis. Kawoy pengen uttidaysa asa ubbay si7ida wode kawako yidosona. He wode Isra7eele asa ubbay banta soo soo baqatidosona.9Isra7eele kochati ubbay issoy issuwara haysada yaagidi palamidosona; “Kawoy Dawiti nuna nu morketa kushepe ashshis; nuna Filisxeemeta kushepe wosisis; shin I ha77i Abeseloome gaason biitta aggidi baqatis.10Nu bolla kawotanaada nuuni tiyida Abeseloomey olan hayqis. Yaatin, kawa guye ehanaba hinte ayis si77i gidetii?” yaagidosona.11Kawoy Dawiti kahineta Saadoqanne Abyataara kiittidi, Yihuda cimatako haysada yaagis; “Isra7eele asa ubbay odetiya oday kawa gakis. Yaatin, kawa iya gadho zaari ehanaw hinte ayis guye atteetii?12Hinte ta ishata; hinte ta ashonne ta suuthu. Yaatin, kawa guye zaari ehanaw hinte ayis haratape guye atteetii?” yaagis.13Qassi Dawiti Amaasako, “Neeni ta ashonne ta suuthu gidikii? Hachife doomin, taani nena Iyo7aaba bessan ta tora mocona oothonna ixiko, Xoossi tana pirdo” yaagis.14I Yihuda asa ubbaa wozanaa issino oothidi shammis. Hessa gisho, enti kawako kiittidi, “Neera ne asaara ubbay haa simmite” yaagidosona.15Kawoy simmidi, Yordaanose shaafa gakanaw yis. Yihuda asay kawa Yordaanose shaafa pinthanaw Galgala bidosona.16Biraqima addey, Biniyaame kochay, Geera na7ay Saami Dawita mokanaw ellesidi Yihuda asaara bis.17Iyara Biniyaame koche gidida mukulu asay, Saa7ola aylley Siibi, tammanne ichashu iya naytinne laatamu aylleti iyara de7oosona. Enti kawoy de7iya bessaa Yordaanose shaafa dirgishe bidosona.18Kawa soo asaa ehanawunne kawa ufaysiyabaa oothanaw pinniya bessaara pinnidosona. Geera na7ay Saami Yordaanose shaafa pinnida wode kawa sinthan gufannidi,19“Kawaw ta nagaraa taybopa. Ta goday, kawoy, Yerusalaamepe keyiya wode taani ne aylley qohida qohuwa hassayopa. Hesaa ne ulon oykofa.20Ne aylley taani nagara oothidaysa erayis; shin ta godaa, kawa mokanaw Yoosefa soo asaubbaafe koyrottada taani hachi yas” yaagis.21Xaruya na7ay Abisi, “Saami Goday tiyida kawa baaddida gisho hayqanaw besseneyee?” yaagis.22Dawiti Abisako, “Hinteno, Xaruya nayto, hintena gathiyabay aybee? Hinte hachi taw morke gideeti! Hachi Isra7eelen ay asika hayqenna! Hachi Isra7eele kawoy tana!” yaagis.23Kawoy Saami, “Ne hayqaka” yaagidi caaqis.24Qassi Saa7ola na7ay Mempibostey kawa mokanaw duge wodhis. Kawoy bida gallasape doomidi I saron guye simmiya gallas gakanaw Mempibostey ba tohuwanne ba ma7uwa meeccibeenna; ba buuchaa meedibeenna.25Mempibostey kawuwara gahetanaw Yerusalaamepe yida wode kawoy, “Mempiboste, neeni taara ayis babikii?” yaagidi oychis.26Mempibostey, “Ta godaw kawaw, taani ne aylley sila gidiya gisho ‘Taani toggada kawuwara baana mela ta hariya koora’ yaagas. Shin ta aylley Siibi tana cimmis.27Ta godaa, kawas wordo odidi ta sunthaa iissis. Neeni ta goday, kawoy Xoossa kiitancho mela gidiya gisho nena lo77idaba ootha.28Ta aawa soo asa ubbay hayqanaw bessees, shin taani ne aylley ne gaytape meysatara maana mela taw besse immadasa. Yaatin, hessafe aadhiyaba kawa oychanaw taw ay maati de7ii?” yaagis.29Kawoy zaaridi, “Neeni darobaa odetanaw koshshenna. Neera Siibara gadiya shaaketidi ekana mela kiittas” yaagis.30Mempibostey, “Ta goday, kawoy saro soo simmaafe attishin, ubbay Siibas gido” yaagis.31Galada addey Barziley kawuwara issife Yordaanose pinnidi iya moyzanaw Roogalimape yis.32Barziley laythi hospun tammu gidida cima asi. I daro dure gidiya gisho kawoy Mahanayma kataman de7iya wode kawas koshshiyaba immis.33Kawoy iyako, “Neeni taara Yerusalaame yedha; taani new koshshiyaba immana” yaagis.34Shin Barziley, “Taani hizape daro laythi de7ike; taani kawuwara Yerusalaame ayis boo?35Taani ha77i hospun tammu laytha asi; taani iitanne lo77o shaakada eranaw danda7iyana? Taani ne aylley ta miyabaanne uyaaba mal7uwa shaakada eranaw danda7iyana? Taani addenne macca yethi shaakada si7anaw danda7iyana? Yaatin, taani ne aylley, ta godaw kawaw ayis tooho gido?36Taani ne aylley nena Yordaanose pinthana. Shin kawoy taw kushe zaaranaw ayis koshshii?37Taani ta aawanne ta aaye duufuwa matan ta kataman hayqana mela simmayis. Ne aylley Kimihaami haysish; ta godaa, kawuwara I boo; nena ufaysiyabaa iyaw ootha” yaagis.38Kawoy, “Kimihaami taara pinno; nena ufaysiyabaa taani iyaw oothana. Qassi neeni tana oychiyaba ayba gidikoka taani new oothana” yaagis.39Hessafe guye, asa ubbay Yordaanose pinnidosona; kawoyka pinnis. Kawoy Barzile yeeridi anjis; Barziley ba soo simmis.40Kawoy Yordaanose pinnidi Galgala biya wode Kimihaami iyara issife bis. Yihuda olanchoti ubbaynne Isra7eele olanchotape baggati kawuwara bidosona.41Isra7eele ubbay kawako bidi, “Nu ishati, Yihuda asay kawanne iya soo asaa qosidi, iya asaara issife Yordaanose ayis pinthidona?” yaagidosona.42Yihuda asay, “Nuuni hessa oothiday kawoy nuus mata dabbo gidiya gishosa. Yaatin, hinte hessas ayis yilotetii? Nuuni kawuwape ayko mido? Woyko nuuni iyape ayko ekido?” yaagidosona.43Isra7eele asay, “Kawuwape tammu kushey nuusa; Dawita matan nuus hintefe aadho maati de7ees! Yaatin, hinte nuna ayis kadhidetii? Kawa guye zaaridi ehanaw koyrottidi odiday nuna gidoko?” yaagidosona. Shin Isra7eele asaape Yihuda asay daro wolqanthidi haasayidosona.