Dawiti Sooretanne Amooneta Xoonis
1Hessafe guye, Amooneta kawoy hayqin iya na7ay Hanuni iya bessan kawotis.2Dawiti, “Iya aaway taw keehidaysada Na7oosa na7aa Hanunas taka keehana” yaagis. Hessa gisho, iya minthethanaw Dawiti ase iyako kiittis. Dawiti kiitida asay Amoone biitta gakida wode,3Amoone halaqati banta godaa Hanunako, “Dawiti ha asaa kiittiday ne aawa bonchidi nena minthethanaw koyida gisho daanii? I ase kiittiday ha katamaa wochi be7idi olanaasa” yaagidosona.4Hanuni Dawiti kiitida asata oykidi, enta buuchaafe baggaa meedis; enta ma7uwa garsafe dulle gakanaw qanxidi enta yeddis.5Dawiti hessa si7idi, enti yeellatida gisho, “Hinte buuchay diccana gakanaw Iyaarkon de7ishite; hessafe guye, haa yiite” yaagidi ase kiittis.6Amooneti Dawiti enta morkidaysa erida wode Beet-Rehoobanne Suubban de7iya Araame asaape laatamu mukulu toho olanchota, Xoobape tammanne nam7u mukulu asatanne Maka kawuwape issi mukulu asata shammidosona.7Dawiti hessa si7ida wode Iyo7aaba kumetha olanchotara enta bolla yeddis.8Amooneti keyidi, katamaa pengiyan olas salpidosona; Suubbafenne Rehoobape yida Araame asati, Xooba asatinne Maka asati denban dumma salpidosona.9Iyo7aabi bana oli sintharanne guyera teqidaysa be7idi, Isra7eele olanchotape minota dooridi Soore asata sinthan essis.10Attida asata ba ishaa Abisi kiittana mela oothidi Amooneta sinthan salpisis.11Iyo7aabi Abisako, “Soore asati ta bolla wolqaamiko ne yada tana maadda; Amoone asati ne bolla wolqaamiko ta bada nena maaddana.12Hiza minna! Nu asaa gishonne nu Xoossaa katamata gisho, ane minni oletoos. Goday bana lo77iyaba ootho” yaagis.13Iyo7aabinne iyara de7iya olanchoti Soore asata olanaw keyidosona; Soore asati iya sinthafe baqatidosona.14Soore asati baqatidaysa Amoone asati be7ida wode entika Abisa sinthafe baqatidi, katama gelidosona. Iyo7aabi Amooneta oleysa aggidi, Yerusalaame simmis.15Soore asati Isra7eele asay enta xoonidaysa erida wode banta olanchota ubbaa shiishidosona.16Kawoy Hadadizeri Soore asata Efraxiisa Shaafa hefinthafe kiittidi ehisin, Elama bidosona. Adraazara tora moconay Shobaaki enta kaalethees.17Dawiti hessa si7ida wode, Isra7eele olanchota shiishidi, Yordaanose shaafa pinnidi Elama gakis. Soore asati besse oykidi, giigidi, Dawitara oletidosona.18Shin Soore asati Isra7eeleta sinthafe baqatidosona. Dawiti Soore olanchotape para gaare laagiya laapun xeetu asatanne oytamu mukulu toho olanchota wodhis. Enta toora mocona Sobaakika he bessan shocetidi hayqis.19Adrazaras haaretidi de7iya kawoti Isra7eeleti enta xoonidaysa erida wode Isra7eeletara sigetidi, entaw haaretidosona. Hessafe simmin, Soore asati Amoone asata maaddanaw yayyidosona.