ዳዊቲ ሳኦላ ሀይቁዋ ስእስ
1ሳኦል ሀይቅዳፐ ጉየ፥ ዳዊቲ አማለቃታ ፆን ስሚድ ፅቅላጋን ናምኡ ጋላስ ጋምእስ።2ሄን ጋላስ እስ አደይ ባ ማኡዋ ዳክድ፥ ባ ሁጰን ባና ቆልድ፥ ሳኦል ዱንካንዳ ጉታፐ ይስ። እ ዳዊታኮ ይድ ሳአን ጉፋንድ ዝግስ።3ዳዊቲ፥ “ኔኒ አዋፐ ያዲ?” ያግድ ኦይችስ። እ ዛሪድ፥ “ታኒ እስራኤለት ዱንካንዳ ጉታፐ ከሳ ኤካዳ ያስ” ያግስ።4ዳዊቲ፥ “አነ ሀንዳባ ታዉ ኦዳ” ያግስ። እ ዛሪድ፥ “ኑ ኦላንቾት ኦላፐ ባቃትዶሶና፤ ኑ አሳፐ ዳሮት ሀይቅዶሶና፤ ሳኦልነ እያ ናአይ ዮናታን ሀይቅዶሶና” ያግስ።5ዳዊቲ እያዉ ኦድዳ ፓን፥ “ሳኦልነ እያ ናኣ ዮናታን ሀይቅዳይሳ ኔኒ አይብን ኤራይ?” ያግድ ኦይችስ።6ፓንይ፥ “ታኒ ግልቦአ ደርያ ቦላ ደእሽን፥ ሳኦል ባ ቶራ ጉፈትድ ኤቅዳይሳ በአስ፤ ፓራ ጋረትነ ፓራ አሳት ሳኦላኮ ማታትዶሶና።7ሄ ዎደ ሳኦል ጉየ ስሚድ ታና ደምድ ፄግስ። ታኒ፥ ‘ዬ’ ያጋዳ ኮያስ።8ሳኦል፥ ‘ኔኒ ኦኔ?’ ያግድ ኦይችን፥ ‘ታኒ አማለቃ አስ’ ያጋዳ ዛራስ።9ሄሳፈ ጉየ ሳኦል፥ ‘ታኒ ማዱንፃዳ፥ ሀይቆስ ጋካስ፤ ኔኒ ታ ቦላ ከይያ ኤቃዳ ታና ዎ’ ያግስ።10እ ኩንድዳፐ ጉየ ሀይቆፐ አቶናይሳ ኤርዳ ግሾ ታኒ እያ ቦላ ከያ ኤቃዳ እያ ዎስ። እያ ሁጰን ደእያ ካላቻነ እያ ቀሰን ደእያ አምባርያ ኤካዳ ኔኮ ታ ጎዳኮ ያስ” ያግስ።11ዳዊቲነ ዳዊታ አሳይ ካዮትድ፥ ባንታ ማኡዋ ዳክዶሶና።12ኤንቲ ሳኦል፥ ዮናታን፥ ጎዳ ኦላንቾትነ እስራኤለ አሳይ ኦላን ዉርዳ ግሾ ኦማርስ ጋካናዉ ካዮትዶሶና፤ ዬክዶሶና፤ ፆምዶሶና።13ዳዊቲ ሄሳ ኤንታዉ ኤህዳ ፓን፥ “ነ አዉፐ ያዲ?” ያግድ ኦይችስ። እ ዛሪድ፥ “ታኒ በተ አስ ግድድ ደእያ አማለቃ አድያ ናአ” ያግስ።14ዳዊቲ፥ “ጎዳይ ትይዳ ካዋ ዎናዉ ነ ኩሽያ ደንሸ ዋናዳ ያያብኪ?” ያግስ።15ዳዊቲ ባ አሳታፐ እሱዋ ፄግድ፥ “እያ ዎ” ያግን፥ እ አማለቃ ፓን ጫድድ ዎስ።16ዳዊቲ አማለቃ አድያኮ፥ “ጎዳይ ትይዳ ካዋ ታኒ ዎስ” ያጋዳ “ኔኒ ነ ዶናን ማርካትዳ ግሾ ነ ሱ ጎመይ ነና ኦይኮ” ያግስ።ዳዊቲ ሳኦላስነ ዮናታናስ ዬክስ
17ዳዊቲ ሳኦላስነ እያ ናኣ ዮናታናስ ሀይሳዳ ያግድ ዘሌልስ።18ይሁዳ አሳይ፥ “ዶንገ ዬሆ” ጌተትያ ሀ ዘለልሳ ታማራና መላ ኪትስ፤ ሀ ዘለልሳይ ያሻራማፃፋን ፃፈትስ።19“ነኖ እስራኤለ፥ ነ ሀላቃት፥ቃ በሳን ሀይቅዶሶና።ዎልቃማት ዋንድ ኩንድዶና!20ፍልስፄመ ማጫ ናይት ሄሳ ስእድ ኡፋይቶና መላ፥ቃፃረትቦና አሳ ማጫ ናይት ሀሹ ጎና መላ፥ሀይሳ ጋተ ካታማን ኦዶፕተአስቃሎና ኦገታን አዋጆፍተ።21ህንተኖ ግልቦአ ደረቶ፥ህንተ ቦላ እር ቡኮፎ፤ አክ ዎፎ።ሄ በሳን ዎልቃማታ ጎንዳለይ ቱንዳ ግሾ፥ሳኦላ ጎንዳለይ ዛይተን ቁሸትቦና ግሾ፥ሄ ጋድያን ካ ዶሎፖ።22ጎይረትዳይሳታ ሱፈ፥ዎልቃማታ ሞዋፈ፥ዮናታና ዶንገይ ጉየ ግቤና፤ሳኦላ ማሻይ ካሎና ስምቤና።23ሳኦልነ ዮናታን ዶሰተይሳታ፤ሀይቆንነ ፓፃን ሻከትቦኮና።ኤንቲ አርጋንፈ አድ ኤሶ፤ጋሞፈ አድ ምኖ።24ህንተኖ እስራኤለ ማጫሳዉ፥ዞኦነ አሌቆ ማኦ ማይዝዳይሳስ፥ህንተ ማኡዋ ዎርቃን አሌቅስዳ ሳኦላስ ዬክተ።25ዎልቃማት ኦላን ዋንድ ኩንድዶና?ዮናታን ቃ በሳን ሀይቅስ።26ታ እሻ ዮናታና፥ ታ ነዉ አዛናይስ፤ነ ታዉ ዳሮ አልኦ።ኔኒ ታና ዶስያ ዶሶይ ማላልሴስ፤ማጫ ሲቆፐካ አስ።27ዎልቃማት ዋንድ ኩንድዶና?ኦላ ሚሸይካ ዋንድ ይዴ?”ያግድ ዳዊቲ ዘሌልስ።