Djiyuyu bumara warrpam'thurrunana yolŋu'‐yulŋunhanydja ŋunhi walala yukurrana buku‐ŋal'yurruna Bälwu waŋarrwu
9:1–12
13Ga dhunupa walalanydja Djiyuwala ŋuriŋi malthunapuyŋuyunydja walalay ḻoḻthunmaraŋala yiḏakiyuna dhika, ga yiŋgathinana yukurrana dhika bitjarrana waŋana gam', “Djiyunydja dhuwala ŋilimurruŋgu buŋgawana giŋnha,” bitjarra.14Yo, ŋuriŋi Djiyuyu guyaŋinanydja ŋunhi yurru ŋayi buma rakunygumana Djoramnhanydja. Ga ŋulinyaramirriyu waluyu ŋayinydja ŋunhinydjaDjudapuyŋuyunydja giŋdhuWayatjayayunydja withiyarana Djoramnha Djudapuyŋuwu giŋnha, ga maṉḏanydja ŋunhala ŋäkulana ŋunhi Djiyunydja marrtjina yukurrana lilina, bala yana maṉḏanydja gaŋgathina, bala marrtjina gumurr'yurrunana nhanŋu. Ga waŋananydja maṉḏa ŋanya bitjarrana, “Nhäku nhe lili marrtjinanydja? . . . yänaŋuwu nhinanharawu ḻunduthinyarawu? . . . märr ŋilimurru yurru yana yukurra nhina marimiriw?” Yurru ŋayinydja Djiyunydja waŋana bitjarra maṉḏakala, “Nhäkurru ŋilimurru yurru yänanydja be nhina yukurra marimiriwnydja? Bitjan liŋgu yana mari yukurra marrtji yurru dhiyalanydja wäŋaŋura, liŋgu dhuwala yolŋunydja walala yukurra mukthun yana nhanŋuway malthunDjitjapilwu; walala yukurra märr‐nherraṉmirri ŋuriki marrŋgitjkuna walalaŋgu, ga biyapul walala yukurra ŋunha bitjan yana liŋgu buku‐ŋal'yun wiripuŋuwunydja waŋarrwu walalaŋgu, ŋunhi nhokala ŋäṉḏi'mirriŋuyu gäŋala lili Djitjapilyu.”23Giŋ Djoramdja wirrkina dhika beyaṉiyina, bala ŋayi bilyurrunanydja, ŋayi bini waṉḏinyana. Ga ŋayinydja ŋunhalanydja Djiyuyunydja bonarra' warray dhika nherrara, warryurrunanydja ŋayi, bala ḏupthurrunana nhanukala, bala yana burakinana ŋayinydja. Bala galkinana ŋayi Djoramdja rakunyguna.27Giŋ Wayatjayayunydja nhäŋalana dhika ŋanya ŋunhi galkinyarana, ga ŋayinydja bilyurruna bala ṉaŋ'thurrunana, ga ŋayi Djiyunydja waŋana nhanŋuwaynha ŋayi miṯtjinha ŋunhi ḏarramuwurrunha, “Ma', baymatthurrana ŋanya,” bitjarrana. Bala walala ŋanya baymatthurrunana Wayatjayanhanydja, Djudapuyŋunhanydja giŋnha. Bala malthunamirriyunydja walalay nhanukala maḻŋ'maraŋalana ŋanya rumbalnydja, märraŋalana, bala gäŋala balayina roŋiyinmaraŋalaDjurutjalamlilina, ga dholkuŋala ŋanya ŋunhamalana. 30—10:36 Ga ŋuliŋurunydja dhurrwaraŋuru ŋayi Djiyu marrtjina, ga bumara ŋunhi yätjnhana miyalknha Djitjapilnhana, ga bukmaknha yana ŋunhiWayapkuŋu guwar‐yalkthunaranhanydja, warrpam'nha yanana dhawar'maraŋalana, yakana ŋula waŋgany walŋathina. Ga bitjarrayi liŋgu ŋayi Djiyuyu bumarayi ḏalkarra'mirrinha walalanha yolŋu'‐yulŋunha ŋunhi walala yukurranha ŋuli buku‐ŋal'yunaBälwu, ga bumarana ŋayi marrtjina biḏiwiḏitjkuŋalana bukmaknha ŋunhi buku‐ŋal'yunaramirrinydja malanha wäŋa, ŋunhi walala ŋuli marrtjinya buku‐ŋal'yuna Bälwu walalaŋgu; yakana yukurrana biyapulnydja yolŋu'‐yulŋu buku‐ŋal'yurruna ŋurikiyi Bälwunydja waŋarrwu ŋunhala Yitjuralnydja. Yurru ŋayi Djiyu yukurrana yaka yuwalkkuŋalanydja wal'ŋu malthurruna nhanukalay ŋayi ŋayaŋuyu Garraywunydja, bala yakana ŋayi baḏuwaḏuyurruna ŋunhi garwarrwarrny'tja maṉḏanha wal'ŋu buliki' waŋarr, ŋunhi goŋbuy djämawuy walalaŋguŋu, ŋunhi ŋayi be ŋäthiliDjirapawumdhu nherrara ŋunhimala, ŋunhi ŋayi ŋäthili ŋurruthaŋala giŋdhina Yitjuralpuyŋuwu. Yo, Djiyunydja yukurrana nhinana giŋ Yitjuralpuyŋuwunydja 28 dhuŋgarra ŋupara, bala yana ŋayi rakunydhinana. Ga ŋulaŋurunydja dhäŋuru gäthu'mirriŋuna nhanŋuDjiwayatjana wapthurruna dharapullili nhanukala.