Read 2ካዎታ ማጻፋ 19

2ካዎታ ማጻፋ19gmv_etw

ካዎ ሂዝቂያሲ ናቤ ኢሳያሳ ኦይቺዳ ዞሬ

¹ካዎ ሂዝቂያሲ ሄሳ ሲዪዲ ባ ማይኦ ዳኪዴስ፤ ማቃ ማይኢዲ ጾሳ ኬ ጌሊዴስ።²ሄሳፌካ ካዎቴ ኬን ኣዛዚዛ ኤልያቄሜይ፥ ጻፌ ሼቢናይኔ ዋና ቄሴቲ ማቃ ማይኢዲ ኣሞጼ ና ናቤ ኢሳያሳኮ ባና ማላ ኡባ ኪቲ ዬዲዴስ።³ኢስቲካ ኢዛስ፥ «ሂዝቂያሲ፥ ‹ሃና ጋላሳያ ሜቶ፥ ሚሬኔ ካዉሻቴ ጋላስ፤ ሃና ጋላሳያ ናይ ዬሌታናስ ኣያ ኬሃ ሚጻታሼ ዬላ ዬጋናስ ዎልቃ ይዳ ጋላሳ።⁴ዴኦ ጾሳ ካዉሻናስ ባ ጎዳ ኣሶሬ ካዎይ ዬዲዳ ጋዳዋ ቃላ ኡባካ ጎዳ ኔ ጾሳይ ሲዪዳ ጊዳና፤ ኢዚ ሲዪዳ ቃላ ጊሻስ ጎዳ ኔ ጾሳይ ኢዛ ሃንቃና ማላ ኔኒ ሼምፖራ ፓጻ ዲዛ ኣሳስ ጾሳ ዎሳርኪ!› ጊዴስ» ጊዳ።⁵ካዎ ሂዝቂያሳ ሹሜቲ ኢሳያሳኮ ዪዳ ዎዴ፥⁶ኢሳያሲ ኢስታስ፥ «ኢንቴ ኢንቴ ጎዳስ፥ ‹ጎዳይ ኔስ ኣሶሬ ካዎ ኦሳንቻቲ ታ ቦላ ጫሻ ቃላ ሃሳይዳይሳ ሲያዳ ባቦፋ፤⁷ታኒ ኢዛ ቦላ ሄሳ ማላ ኣያና ዬዳና፤ ኢዚካ ዎሬ ሲዪዲ ጉዬ ባ ዴሬ ሲሚ ባና፤ ኢዚ ሄን ማሻን ሃይቃና ማላ ታ ኢዛ ኦና› ጊ ዮቲቴ» ጊዴስ።⁸ኦላንቻታ ጋዳዋዚካ ኣሶሬ ካዎይ ላኪሼፔ ዴንዲ ቢዳይሳ ሲዪዲ ጉዬ ሲሚዴስ፤ ካዎዚ ሊቢናራ ኦሌቲሺን ዴሚዴስ።⁹ሄ ዎዴ ቶጵያ ዴሬ ዬሌታ ጊዲዳ ጊብጼ ካዎ ቲራቄይ ኢዛ ኦላናስ ዩሳ ቦላ ዲዛይሳ ሴናኪሬሜይ ሲዪዴስ፤ ሄሳ ጊሻስ ዛሬዲ ሂዝቂያሳኮ ቃስታኔታ ቦላ ዳብዳቤ፥¹⁰«ኢንቴ ቢዲ ዩሁዳ ካዎ ሂዝቂያሳስ፥ ‹ኔ ኢዛን ኣማኔቲዛ ጾሳይ ዬሩሳላሜይ ኣሶሬ ኩሼን ኩንዱኩ› ጊዲ ኔና ባሌፎ።¹¹ሃይሳፌ ካሴ ኣይዴካ ኣሶሬ ካዎቲ ዴሬ ኡባ ቦላ ኣይ ኦዳኮ ኔ ሲያዳሳ፤ ኢዚ ኢስታ ሙሌራ ይሲዴስ፤ ሂስቲን ኔኒ ኬሳ ኤካዳ ኣታናዝ ኔስ ሚሳቲዜ?¹²ካሴ ታ ኣዋቲ ይሲዳ ካዎቴታ ጎዛኔን፥ ካራኔን፥ ኤራፋሴን ሄሳካ ታላሳሬን ዲዛ ኤዴኔ ኣሳታ ኢስታ ኤቃ ጾሳቲ ኢስታ ኣሺዶ?¹³ሃማቴ ካዎቲኔ ኣርፋዴ ካዎቲ ሃኢ ኣዋን ዲዞ? ሴፋርዋይሜ ካታማ ካዎዚ ኣዋን ዲዜ? ቃሴካ ሄና ካዎይኔ ኢዋ ካዎቲ ሃኢ ኣዋን ዲዞ?» ጊ ኪቲዴስ።

ሂዝቂያሳ ዎሳ

¹⁴ሂዝቂያሲ ዳብዳቤዛ ቃስታኔታ ኩሼፔ ኤኪ ናባቢዴስ፤ ሄሳፌ ጉዬ ፑዴ ጎዳ ኬ ኬዚዲ ዳብዳቤዛ ጎዳ ሲንን ሚጪዴስ።¹⁵ሄሳፌ ጉዬ ሂዝቂያሲ ጎዳኮ፥ «ኪሩቤ ቦላ ኔ ኣራታን ኡቲዳ ጎዳ ኢስራኤሌ ጾሶ! ቢታ ቦላ ዲዛ ኡባ ቦላ ጾሲ ኔና፤ ሳሎኔ ሳኣ ሜዳይ ኔና።¹⁶ጎዳዉ! ሃኢ ኔኒ ኔ ሃይ ዬጋዳ ሃይሳ ሲያ፤ ኔኒ ኔ ኣይፌታካ ዶያዳ ጼላ፤ ሴናኪሬሜይ ዴኦ ጾሳ ጫያናስ ኪቲዳ ቃላ ኤዝጋ።¹⁷«ኣቤት ጎዳዉ፤ ኣሶሬ ካዎቲ ሃይታ ካዎቴታኔ ኢስቲ ቢታ ቱሙካ ይሲዳ፤¹⁸ኢስታ ኤቃ ጾሳታካ ታማን ዬጊ ጹጊ ይሲዳ፤ ኢስቲካ ኣሳ ኩሼን ሚፌኔ ሹቻፌ ኦሴቲዳይታ ኣቲን ጾስ ጊዴቴና።¹⁹ሃኢካ ጎዳዉ ኑ ጾሳዉ! ኔኒ ጻላ ጾሳ ጊዲዳይሳ ሃ ቢታ ቦላ ዲዛ ካዎቴቲ ኤራና ማላ ኢዛ ኩሼፔ ኑና ኣሻ» ጊ ዎሲዴስ።

ኢሳያሲ ሴናኪሬሜ ጊሻስ ዮቲዳ ቲንቢቴ

²⁰ሄሳፌ ጉዬ ኣሞጼ ና ኢሳያሲ ካዎ ሂዝቂያሳስ ሃይሳፌ ካሊ ዲዛ ኪታ ዬዲዴስ። «ጎዳ ኢስራኤሌ ጾሳይ፥ ‹ኣሶሬ ካዎ ሴናኪሬሜ ቦላ ኔ ዎሲዳ ዎሳ ታኒ ሲያዲስ› ጊዴስ።²¹ሄሳ ጊሻስ ጎዳይ ኢዛ ቦላ ዮቲዳ ቃላይ ሃይሳ።«ጌላኦ ጺዮኔ ናያኔና ካዱሲኔካዉሻዱስ፤ዬሩሳላሜ ናያ ኔ ኢዚ ቦላራፒራ ቢሺንባ ቆ ኔ ቦላ ቃዉስ።²²ሂስቲን ኔ ጫዪዳይኔካዉሺዳይ ኦኔ?ኔኒ ኔ ቃላ ቁ ሂስቲዳይኦና ቦላ?ኔ ኦቶሬቴን ዴሬቃ ጼሊዛይኦና ቦላ?ኢስራኤሌ ጌሻዛ ቦላዬ!²³ኔኒ ቃስታኒዳይታ ባጋራጎዳ ቦላ ጫሽ ኮራዳሳ።ኔኒ፥ ‹ታኒ ታስ ዲዛ ዳሮፓራ-ጋሬታንፑዴ ቃዙማታ ቦላ ኬዛዲስ፤ሊባኖሴ ዙማስ ጼራ ጋካዲስ፤ሄፔ ኣዱሳ ዚጋ ሚታኔዶሬቲዳ ጺዳሚታካ ቃንጻዳሳ፤ታኒ ኢዛስ ዉርሴ ዛዋኔፒ ጊዳ ዎራን ጋካዲስ።

²⁴« ‹ታኒ ሃራ ዴሬታንካሃ ኦላ ቦካዲስ፤ኢስታፌ ሃ ኡያዲስ፤ታኒ ታ ቶሆጫማታን ዬዳጊብጼ ቢታ ፑልቶታሜሊሳዲስ› ጋዳሳ።

²⁵«ዳሮ ዎዴፔ ሲንንኔኒ ጊምቤቲዳካታማታ ቆቆፋዳ፥ሹቻ ኬላ ኬሳና ማላ፥ታኒ ቆፋ ቃቻዎዳይሳ ሲያቤኪ?ቤኒ ሃልቻዎዳይሳ ሃኢ ፖላይስ።²⁶ሄን ዲዛ ኣሳ ዎልቃይካጪንጊ ዉሪዴስ፤ኢስቲ ዳጋሚዲ ዬላ ማይኢዳ፤ጮ ሜላ ዴምባን ሞኪዳኣታኪልቴ ማላ፥ቡሮ ጻጶ ዬዶንታጫሬቻ ማላ፥ኬ ቦላ ሞኪዲቡሮ ዲጮንታ ሹሊዳማታ ማላ ጊዲዳ።

²⁷«ኔ ኣዋን ኡቲዛኮ፥ኔ ኣይዴ ያዳ ኣይዴ ቢዛኮኔ ታ ቦላ ሃንቄቲዳይሳታ ኤራይስ።²⁸ኔ ታ ቦላ ሃንቄቲዳ ጊሻሲኔኔ ካይ ታ ሃይንዎዳ ጊሻስታኒ ኔ ሲን ዳፎ ዬጋና፤ታኒ ኔና ቢጻላ ባርሳና፤ኔ ዪዳ ኦጌራ ኔና ጉዬ ዛራና።²⁹«ሂዝቂያሳ! ሄሳስ ማላታይ ሃይሳፌ ካሊዛይሳ፤« ‹ሃ ላይ ዎማዳይሳ፤ዪዛ ላይ ኣዛባ ማንዴታ፤ሄን ላይንዜሪዳይሳ ማጻንዴታ፤ዎይኔ ቱራ ቶኪዲኢዛ ኣይፌ ማንዴታ።³⁰ሃኢካ ዳዊቴ ኬፌጫሻ ኣቲዳይቲባንታ ጻጶ ዱጌ ዬዳና፤ቦላራካ ኣይፌ ኢማና።³¹ዬሩሳላሜን ሼምፖራፓጻ ኣቲዳይቲ፥ጺዮኔ ዙማን ሃይቆፔኣቲዳይቲ ኢስቲ ኬዛና።ጎዳ ኡባፌ ዎልቃማጾሳ ዚልኤቴሄሳ ኦና።›³²«ጎዳይ ኣሶሬ ካዎ ጊሻስ፥« ‹ኢዚ ሃኖ ሃ ካታማዮሙሌካ ጌሌና፤ኢሲ ቶራካ ጾንጌና፤ጎንዳሌ ኦይኪዲ ኢዚኮ ሺቄና፤ኢዞ ቢታ ዶሬን ጊዶና።³³ኢዚ ባ ዪዳ ኦጌራ ሲሚ ባና፤ሃ ካታማዮ ሙሌራሲሚ ጌሌና።³⁴ታ ጊሻሲኔ ታ ኣይሌዳዊቴ ጊሻስ ጋዳሃኖ ካታማዮታኒ ጎንዳላ ኣሻና› ጌስ።»³⁵ሄ ጋላሳ ኦማርስ ጎዳ ኪታንቻይ ኬዚዲ ኣሶሬ ኣሳይ ዱንካኒ ኡቲዳሶሆን 185,000 ኣስ ዎዴስ፤ ዎንቴ ጋላስ ኣሳይ ዴንዲሺን ሄራ ኡባን ኣሃይ ኩሚዴስ።³⁶ኣሶሬ ካዎ ሴናኪሬሜይ ሄፔ ዴንዲ ቢዴስ፤ ጉዬ ናናዌ ሲሚ ቢዲ ሄን ኡቲዴስ።³⁷ኢሲ ጋላስ ኒስራኬ ጌቴቲዛ ባ ኤቃ ጾሳ ኬ ጌሊዲ ኢዚ ሄን ጎይኒሺን ኢዛ ናይቲ ኣዲራሜሌኬይኔ ሳርሳሬይ ኢዛ ማሻን ሲፊ ዎዳ፤ ሄፔ ኬሲ ኤኪዲ ኣራራቴ ጋካናስ ባቃቲዳ፤ ኢዛ ና ኣሴራዶኔይ ኢዛሶሆን ካዎቲዴስ።

2ካዎታ ማጻፋ 19 / gmv_etw

ካዎ ሂዝቂያሲ ናቤ ኢሳያሳ ኦይቺዳ ዞሬ

ሂዝቂያሳ ዎሳ

ኢሳያሲ ሴናኪሬሜ ጊሻስ ዮቲዳ ቲንቢቴ

2ካዎታ ማጻፋ19gmv_etw