2 Moototaa
19
/
gax_twf
Hisqiyaas Akka Isaayaas Isa Gorsu Gaafate
1
Mootichi Hisqiyaas tana yennaa dhage'e, gaddee woyaa ifii tarsaase; woyaa gaddaalle uffatee gara Galma seene.
2
Inni itti gaafatamaa mana mootumma'aa Eliyaaqim, barreessaa mana mootumma'aa Shebna'aa fi hayyootaa keessaa worri jaarsolee te'ane, woyaa gaddaa uffatanee, gara Isaayaasii raagicha ilma Amosii akka dhaqanu erge.
3
Isaan Isaayaasiin, «Mootichi Hisqiyaas, ‹Barri kun bara rakkinnaa, bara adabbi'iitii fi bara salphinnaa ti; akka dubartii deyiisa geettee hunna ittiin ciniinsifattee deettu dhadduu ti.
4
Mootiin Waan Maraa Waaqi keeti dubbii ajajaan loltootaa Rabshaaqeen goottaan isaa mootiin Asoorii isa ergee, Waaqa jiraata'atti akka inni murgu godhe tana mara dhage'ee, isa hin adaba fa te'aa, nu worra diqqaa lubbu'uun hanneef daadimadhu› jedha» jedhane.
5
Tajaajiltooti Hisqiyaasii mootichaa gara Isaayaasii yennaa dhufane,
6
inni isaaniin, «Mootiin Waan Maraa, ‹Dubbii tajaajiltooti mootii Asoorii, na faanshessite waan dhageetteef hin sodaatin.
7
Kunoo, ani ayyaana akka inni oduu dhage'ee, gara biyya ifii deebi'u isa godhu, isaaf hin kenna; achitti shallaaga'aan akka inni du'u hin godha› jedheera, jedha'aatii goottaa keessanitti hima'a» jedhe.
Roorroo Senaaheriibii
8
Mootiin Asoorii qachaa Laakiishii lakkisee akka deeme, ajajaan loltoota Asoorii dhage'ee yennaa deebi'e, inni qachaa Liibna'aa loliisatti jiruun dhagge.
9
Mootiin Gibxi'ii Tiirhaaqaan nami biyya Itoophiya'aa
info
akka isa loliisaaf dhufaaru, Senaaheriib yennaa dhage'e, Hisqiyaasii mooticha Yihuda'aatitti namoota ergee,
10
«Waaqi ati itti addattu sun, ‹Yerusaalem harka mootii Asooriititti, dabarfantee hin kennantu› jedhee si hin sobin.
11
Kunoo, ati waan moototi Asoorii biyyoota mara godhane, akka isaan ijjumaa isaan balleessane dhageetteerta; ati hin baata seetaa?
12
Waaqoti gosa biyya adda addaa, ka abbootiin tiyya ta durii balleessite, waaqoti qachoota Gozaanii, Kaaraaniitii fi Rezeefii, waaqoti kolbaa Edenii ta Tel-Asaar keessa leetuu, isaan baasaneeranii ree?
13
Moototi qachoota Haamaatii, Arphaadii, Sefarwaayimii, Henaatii fi Iiwaa meet ree?» jedhe.
14
Mootichi Hisqiyaas worra ergame irraa xalayaa fuudhee dubbise; achiin duuba gara Galma Mootii Waan Maraa dhaqee, xalayaa san Mootii Waan Maraa duratti diriirse.
15
Inni daadimatee, «Ee Mootii Waan Maraa Waaqa Israa'elii, ka dada ol-gubba'aa ta koola qadduun
info
gubbaa barcumaa mootumma'aa irra teetteertu, Waaqi mootota biyya lafaa maraa si qofa; lafaa fi ol-gubbaa daddeerta.
16
Ee Mootii Waan Maraa, gurra keeti gara keenna deebifadhuu dhage'i; ila teetille banadhuutii ilaali; jecha Senaaheriib si Waaqa jiraataa arrassiisaaf erge dhage'i.
17
Ee Mootii Waan Maraa, moototi Asoorii gosa biyya adda addaatii fi lafa isaanii dhugumaan balleessaneeran;
18
waaqoti isaaniille, dhaka'aa fi muka irraa harka namaatiin bocamanee hujamane malee, waaqota waan hin te'iniif gubanee balleessane.
19
Ammalle, ee Mootii Waan Maraa Waaqa keenna, mootummaan lafaa marti, Mootiin Waan Maraa Waaqi si qofa akka te'e akka beekanuuf, harka mootii Asoorii jalaa nu baasi» jedhe.
Waaqi Hisqiyaasiif Deebii Kenne
20
Achiin duuba ilmi Amosii Isaayaas ergaa gara Hisqiyaasii ergee, «Mootiin Waan Maraa Waaqi Israa'elii: Ani waan ati marroo Senaaheriibii mootii Asooriitiif gara kiyya daadimatte dhage'eera jedha.
21
Mootiin Waan Maraa marroo isaatiif:
«‹Ee Senaaheriib, kolbaan Xiyoonii
si tuffattee sitti murgiti.
Si'ii baqatiisatti jirtuun kolbaan Yerusaalemii
si duubaan sitti kolliti.
22
Ka ati arrassitee fi
ka ati faanshessite eennu?
Ati eennu irratti barooddee ila teeti baache?
Ana Waaqa woyyicha Israa'elii irratti motii?› jedha.
23
Ati karaa ergantoota teetiitiin,
Mootii Waan Maraa irratti murgitee,
‹Ani garreettaa kiyya
ka fardaan harkifamu heddu'uun
gara qaccee gaarotaatitti,
qaccee gaarota Libaanoniititti ol bayeera;
qaccee gaarota sanii irraa
hindheensa dhedheera'aa fi
birbirsa dadansaa jijjisseera;
gongomaa keessa fagaadhee
ciggaa seeneera.
24
Biyya ormaa keessatti
boolla bisaanii qotee,
bisaan achii uneera;
faana miila kiyyaatiin
lagoota Gibxi'ii mara gosseera› jette.
25
«Mootiin Waan Maraa,
Waan amma te'e kana akka ani qopheesse,
bara heddu'uun dura karoora akka baase,
qachoota dalleya dhaka'aa qabanu
akka ati butuchitu,
tuulaa kosi'iille akka ati isaan gootu,
akka ani godhe ati hin dhageennee?
26
Kolbaan qachoota san keessa leetu
hunna dhaddee,
sodaattee qaanotteerti;
akka lattuu diida keessaa
yookiin akka marra bisile'ee,
akka marra mana irratti latee
adoo hin guddatin
qilleensaan qooree te'aneeran.
27
«Ani ammoo ka'aa fi teessoo teeti,
bayaa fi gala keeti,
aari'iin na irratti ka'iisa keeti beekeera.
28
Ati aari'iin na irratti waan kaateef,
kooriisa keetille waan dhage'eeruuf,
ani saganaa kiyya funnaan keetitti,
bixaala kiyya afaan keetitti keyee,
karuma dhutte si deebisa» jedhe.
29
Achiin duuba Mootiin Waan Maraa,
ee, Mooticha Hisqiyaas,
«Tun beessisa si'iif hin teeti:
baranaa fi bara dhufu
midhaan ifumaan latee guddatu hin nyaatta;
woggaa sadeesso'oo ammoo
midhaan facaattee hin haammatta
yookiin muka woyni'ii dhaabbattee
midhaan isi'ii hin nyaatta.
30
Sanyii Yihuda'aa keessaa worri miliqee hafe,
akka muka hidda gad yaafatee midhaan buusuu,
ijoollee hedduu hin horan.
31
Worri Yerusaalem keessaa fi
gaara Xiyoonii irratti hafane hin dhufan;
hinaaffaan Mootii Waan Maraa
ka waan mara dande'uu tana hin gooti.
32
«Tanaaf Mootiin Waan Maraa marroo mootii Asooriitiif:
«Inni qachaa kana hin seenu
yookiin daaya as itti hin darbatu.
Wontee qabatee itti hin dhikaatu
yookiin yaabbannoo midhaaffatee hin seenu.
33
Inni karuma dhufe deebi'a malee,
qachaa kana hin seenu.
34
« ‹Ani ulfinna kiyyaa fi
waadaa tajaajilaa kiyya Daawitii galeef jedhee,
qachaa kana hin eega;
hin hamburalle'e› jedheera» jedhe.
35
Halkanuma san ergamaan Mootii Waan Maraa gara addee quttuma worra Asoorii dhaqee, namoota kuma dhibba tokkoo fi kuma saddeettamii shan ijjeese; boruyyaa ganama namooti yennaa ka'anu, nami marti du'eeruun dhaggane.
36
Achiin duuba mootiin Asoorii Senaaheriib, addee quttumaa san lakkisee, gara qachaa Nanawwe'ee deebi'ee achi le'e.
37
Gaafa tokko inni galma waaqa ifii keessa seenee, waaqa ifii ka «Nisroo» jedhamu waaqonfatiisatti adoo jiruu, ilmaan isaa Adraamelekii fi Shaarezer shallaaga'aan isa ijjeesanee, gara lafa Araaraatiititti baqatane; addee isaatitti ilmi isaa Esaar-hadon mootii te'e.
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
share
Share
chevron_right
Next Chapter