23—15:12
13Ga ŋayi Djalumdja ŋanyapinyay ŋayi buŋgawakunhamina, ga ŋayinydja nhinana giŋ ga waŋgany ŋaḻindi, bala yana ŋanyanydja bumaraMinayimdhuna, ga ŋayinydja wapthurruna ga giŋgunhamina ŋanyapinyay ŋayi. Ga yätj yana ŋayinydja ŋunhi Minayimdja, yaka ŋayi yukurrana djäma ŋunhi nhäku Garray ḏukṯukthina yukurrana. Ga bitjannana liŋguna marina yana yukurrana marrtjina ŋunhalayi, yana liŋgu ga rakunydhina ŋayi, yana liŋgu ga gäthu'mirriŋuyu nhanukalaBikayayayu dharapul märraŋala giŋdhina ŋayina.23Ga ŋayinydja ŋunhi yätjnha dhikana mirithirrina; ŋayinydja nhinana yukurrana buŋgawa ga märrma' dhuŋgarra ŋupara, bala yana ŋayinaBikayuna yolŋuyu ḏarramuyu bumara ŋanya rakunyguŋala, ga ŋanyapinyaynha ŋayi buŋgawakunhamina.27Ga ŋayinydja ŋunhinydja Bikanydja ga yätjnha ḏarramu yana, yakana manymak giŋ, liŋgu ŋayi gäŋala yukurrana Yitjuralpuyŋunhanydja ŋurru‐warryurruna yätjlilina yana romlili. Ŋayina Bikana yäku buŋgawanydja yukurrana nhinana Yitjuralpuyŋuwunydja 20‐na ŋupara dhuŋgarranydja, ga ŋuliŋurunydja dhäŋuru ŋayiWotjiyayuna ŋanya bumara rakunyguŋalanydja, ga ŋayina buŋgawakunharamina Wotjiyana ŋanyapinyay ŋayi.32Ga ŋunhala Djudanydja wäŋaŋura Djothamnha yukurrana giŋ nhinana, ga ŋayinydja yukurrana djäma ŋamathaŋalana wal'ŋu, malthurruna yukurrana nhanŋuway Garraywuna, yurru ŋayi yaka ḏaw'‐ḏawyurruna ŋunhiyinydja buku‐ŋal'yunaramirrinydja wäŋa malanha, ŋunhi ŋuli yolŋu walala yukurranha buku‐ŋal'yuna bothinyarayŋuwu waŋarrwu walalaŋgu. Bala ŋayi rakunydhinana Djothamdja, bala yana nhanŋu gäthu'mirriŋunaWayatjnha dharapullili wapthurruna.