2 Corintios6zsr_wbt

1Le runtuꞌ dxin tsazxö́n len Dios, rátaꞌyutuꞌ lauliꞌ, rnatuꞌ: Cutu udödliꞌ caꞌz le ruzáꞌ ladxëꞌë queëliꞌ Dios.2Nayúj lu guich laꞌy ca gnëꞌ Dios, rna:Tu dza buzáꞌ ladxaꞌa quiuꞌ, byöndaꞌ liꞌAtiꞌ dza benaꞌ ga gac uláuꞌ, gúclenaꞌ liꞌ.Gul‑yutscaꞌ. Naꞌa nac dza ruzáꞌ ladxëꞌë queëruꞌ. Naꞌa nac dza gac ularuꞌ.3Cutu rë́ꞌnituꞌ bi guntuꞌ le gun ga nu gchixi gnigui, cui soa nu ucáꞌn caꞌz dxin ni runtuꞌ.4Niꞌa qui bítiꞌtëz bi runtuꞌ, ruiꞌ ládxiꞌtuꞌ gac bëꞌ nactuꞌ huen dxin queëꞌ Dios. Qui lë ni naꞌ, len yöl‑laꞌ rböz zxön ladxiꞌ ruaꞌ rlentuꞌ yuguꞌ le rzacaꞌ rguiꞌtuꞌ, len yuguꞌ le ryadzj queëtuꞌ len le tun ga röꞌtuꞌ baguíꞌi.5Cni bentuꞌ zal‑laꞌ gulazéꞌitsqui netuꞌ yu bunách len gulaguꞌë netuꞌ lidx guia, len gulabía nidiëꞌ netuꞌ. Gdöd bëꞌi bentuꞌ dxin, cutu gutaꞌ queëtuꞌ latj gastuꞌ o bi gágutuꞌ.6Bëꞌ ládxiꞌtuꞌ gac bëꞌ nactuꞌ huen dxin queëꞌ Dios. Guc bëꞌ lë niLe nactuꞌ baꞌa ladxiꞌ,Len le naptuꞌ yöl‑laꞌ rejniꞌi,Len le rböztuꞌ zxön ladxiꞌ,Len le nactuꞌ dxiꞌi ladxiꞌ,Len le zóalenëꞌ netuꞌ Dios Böꞌ Laꞌy,Len le nac gdu ca nadxiꞌituꞌ lzaꞌtuꞌ.7Ruiꞌtuꞌ didzaꞌ gdutë li atiꞌ zoalen netuꞌ yöl‑laꞌ huac queëꞌ Dios. Le nac tsahuiꞌ nac ca tu le rneytuꞌ lu gdil‑l, lencaꞌ le run chiꞌi netuꞌ lu gdil‑l naꞌ.8Nacuáꞌ nup tun netuꞌ ba laꞌn,Lencaꞌ nup tuꞌzóa netuꞌ tslaꞌl.Nacuáꞌ nup tuꞌlídz ditj netuꞌ,Lencaꞌ nup tuꞌlídz tsahuiꞌ netuꞌ.Zal‑laꞌ taꞌná bunách rziꞌ yëꞌtuꞌ,Ruiꞌtuꞌ didzaꞌ gdutë li.9Zal‑laꞌ nacuáꞌ bunách cunúnbëꞌgac netuꞌ,Nacuáꞌ caꞌ nup núnbëꞌgac netuꞌ.Rdatuꞌ ga zoa banádx gattuꞌ,San ni zoatuꞌ nabantuꞌ.Tunëꞌ netuꞌ zxguiaꞌ,San cutu tuꞌdöddëꞌ netuꞌ.10Tuꞌshuiꞌni netuꞌ,San rudzíjitecztuꞌ.Nactuꞌ bönniꞌ yechiꞌ,San runtuꞌ ga rataꞌ quegac bunách zian yöl‑laꞌ tsahuiꞌ gdu.Zal‑laꞌ cutu bi dë queëtuꞌ,Naqui queëtuꞌ yúguꞌtë le dë.11Gdu ládxiꞌtuꞌ ruíꞌlentuꞌ lbiꞌiliꞌ didzaꞌ, böchiꞌ lzaꞌadauꞌ, zoaliꞌ Corinto. Buluiꞌituꞌ lbiꞌiliꞌ gdu ca ruiꞌ ládxiꞌtuꞌ lbiꞌiliꞌ.12Chquiꞌ cutu nacruꞌ tuz cutu nac le curuíꞌ ládxiꞌtuꞌ lbiꞌiliꞌ, san lbiꞌiczliꞌ cutu ruiꞌ ládxiꞌliꞌ netuꞌ.13Naꞌa, ruíꞌlenaꞌ lbiꞌiliꞌ didzaꞌ ca runëꞌ bönniꞌ ruíꞌlenëꞌ‑biꞌ didzaꞌ zxiꞌnëꞌ, rniaꞌ: Gul‑bíꞌi queëtuꞌ ca rúnlentuꞌ lbiꞌiliꞌ. Gul‑güíꞌ ladxiꞌ netuꞌ.

Nacruꞌ ca tu gdauꞌ ga yuꞌë Dios ban

14Cutu gacliꞌ tuz len bunách cutaꞌyejlëꞌ.¿Nacxcz gac lac tuz le nac tsahuiꞌ len le cunác tsahuiꞌ?¿Nacxcz gac lac tuz le nac chul len le nac yeníꞌ?15¿Nacxcz gac lacquëꞌ tuz Cristo len Satanás, tuꞌ xöhuiꞌ?¿Nacxcz gac lacquëꞌ tuz bönniꞌ rejlëꞌë Cristo len bönniꞌ curejlëꞌë?16¿Nacxcz gac lac tuz gdauꞌ queëꞌ Dios len bdauꞌ guiöj bdauꞌ yag?Lbiꞌiczliꞌ nacliꞌ ca tu gdauꞌ ga yuꞌë Dios ban. Ca nac lë ni, Dioscz gnëꞌ:Sóalenaꞌ lequëꞌ len tálenaꞌ lequëꞌ.Gacaꞌ Dios quequëꞌ,Atiꞌ lequëꞌ lacquëꞌ bunách quiaꞌ.17Qui lë ni naꞌ, gnëꞌ caꞌ cni:Gul‑rúj ladjquëꞌ, len gul‑laꞌalen lequëꞌ.Rnëꞌ Xanruꞌ: “Cutu gútsaꞌliꞌ le cunác,Atiꞌ siꞌ lu naꞌa lbiꞌiliꞌ.18Nedaꞌ gacaꞌ xuzczliꞌ,Atiꞌ lbiꞌiliꞌ gacliꞌ zxiꞌnaꞌ, bönniꞌ len ngul.”Cni rnëꞌ Xanruꞌ, napczëꞌ gdutë yöl‑laꞌ huac.
expand_more
Search