2 Akolintu6mgv_twf
1Anatubii totuhenga lihengu pamu na Sapanga, tunndoba mwijetake kuhoba bwaka uamboni waka Sapanga gomwajopa kuhuma kwaka Sapanga.2Sapanga jupwaaga,“Kipindi sekijetakekanugujoanii,lisoba lu kuokolewanugujangati.” Linga henu ndi kipindi sekipalika, lukuokolewa ndi sajenu!3Ngasetupai kumbekee mundu jokapi kikobando, ili mundu jokapi jiibona lihengu litu libii na makosa.4Ila tulangii sakaka twepani ndi atumi baka Sapanga kwa kila sindu, sukunhinakali kwingi kipindi sukung'alika nu kuhangajika na tabu.5Atulapwi, atujegi mkipungu na kutuheka pagwendu, tuhengiki lihengu nukusoka, tutami mihu nu kutama bila kula.6Tulilangi kuba twa atumi baka Sapanga ku usapi wa moju na umanyi na kuhinakali na kwa wamboni, kwa Loho jaka Sapanga, ku upali wa sakaka.7Kwa lijambu la sakaka na kwa makili gaka Sapanga. Kuhenga gagapalika palongi jaka Sapanga ndi hindu hitu yukukomane ngondu kila upandi,8tubii tayali kupata isima nu kutupoa lihamu, kutupwaga liha au kutulumbali. Butubona ngati bandu babaahoa bangi, kumbi tupwaaga sakaka,9butubona ngati banga kumanyikana, kumbi tumanyikana kwa boti, ngati baawii lakini twa bomi, butulapwi lakini ngasetukuwa.10Hata ana gabii majambu gukutuhenga mioju jibina masoba goti tutenda kutogule, tubonikana twahagu lakini twaahenga bandu bingi abiya na mali gingi, tubonikana nga na hindu lakini tubii na kila sindu.11Mwaalongu bitu Akolintu, tulongii na mwanganya hotuhotu na tumpala kwa mioju jitu joti.12Twepani ngasetulipenga kumpala mwanganya mioju jitu, lakini mwanganya nkelabwiki kujipunga mioju jino.13Henu mbwaga na mwanganya ngati mwabana bangu, mutupala ngati twepani etumpai.
Ndaba heji jupwaaga Bambu,“Mmbokaniya kati jabuntama kutali nabu,mwiigusa sindu sanga kujetakeka palongi jaka Sapanga,nanepani nitenda kunzopa.18Nepani nibiya na atati binu,nanamu mwiikuba mwabana bangu, akanalomi na aka mbomba,jupwaaga Bambu jwana makili.”
Mwikuba nu ukosi na bandu banga kuhobale
14Mwijongana na bandu banga kuhobale. Boo, uamboni nu ubaja ujongana? Unang'anu na lwii uwesa bo kutama pamo?15Kilisitu juwesa bole kujongana ni lijobi? Boo, mundu jojuhobale Kilisitu juwesa lee kujongana na jwanga kuhobalela?16Nyumba jaka Sapanga jibii nu ukosi boo, ni imong'umong'u yi isole? Ndaba twepani ndi Nyumba jaka Sapanga jojubii mwomi. Ngati Sapanga mweni ejupwagiki,“Nitama pamu nabombi,nukujenda pikilanda jabu.Nibiya Sapanga wabu,nabombi biibiya bandu bangu.”17Ndaba heji jupwaaga Bambu,“Mmbokaniya kati jabuntama kutali nabu,mwiigusa sindu sanga kujetakeka palongi jaka Sapanga,nanepani nitenda kunzopa.18Nepani nibiya na atati binu,nanamu mwiikuba mwabana bangu, akanalomi na aka mbomba,jupwaaga Bambu jwana makili.”