2 ቆሮንቶሳ ኪታ6gof_etw
1ኑኒ ፆሳራ እስፈ ኦያ አስ ግደይሳዳ፥ ህንተ ኤክዳ አ ኬሀተ ሀዳ ኦና መላ ኑ ህንተና ዎሶስ።2ፆሳይ፥“ታ ነና ስአና ዎደን ስአስ፤አቶተ ጋላሳን ነና ማዳስ” ያጌስ። ሄኮ፥ ታ ስእያ ዎደይ ሀእ፤ አቶተ ጋላሳይ ሀች።3ኦንካ ኑ ኦሱዋ ቦራና መላነ ኑናን በታና መላ ኮዮኮ።4ግዶሽን፥ ኑ ቱማ ፆሳ ኦሳንቾታ ግደይሳ ኑ ኦያ ኡባባን በስዳ። ዳሮ ገንጫን፥ ዋየን፥ መቶን፥ ኡንአን፥5ጋራፈተን፥ ቃሾን፥ እፆን ኩምዳ ዎጫማን፥ ዳቡራን፥ ስኮ ዮን፥ ፆማን፥6ጌሻተን፥ ኤራተን፥ ዳንዳአን፥ ኬሀተን፥ ጌሻ አያናን፥ ቱማ ሲቆን፥7ቱማ ኦዳንነ ፆሳ ዎልቃን ኑኒ እያ ኦሳንቾታ ግደይሳ በስዳ። ቃስ ፅሎተይ ኑስ ቶራነ ጎንዳለ።8ኑኒ ቦንቸትዳነ ቶሸትዳ፤ ጫየትዳነ ጋላተትዳ። ቱማ ሃሳዮስ፥ ሽን አሳይ ኑና ዎርዳንቾ ግዶሶና።9ኑ አሳን ኤረትዳ አስ፥ ሽን ኤረቶና አሳ መላ ግድዳ። ሀይቅዶሶና ያገትዳ፥ ሽን ፓፃ ደኦስ፤ ሾጨትዳ፥ ሽን ሀይቅቦኮ።10ኑኒ አዛንኮካ ኡባ ዎደ ኡፋይቶስ። ኑ ማንቆ ዳኖስ፥ ሽን ዳሮ አሳ ዱረዮስ። ቃስ አይኮይካ ባይና አስ ዳኖስ፥ ሽን ኡባይ ኑባ።11ቆሮንቶሳ አሳቶ፥ ኑ ህንተዉ ቆንጨን ኦድዳ፤ ኑ ኡሉዋ ህንተና በስዳ።12ህንተ ኑና ህንተ ሲቁዋ በሶና ድግደታፐ አትሽን፥ ኑኒ ኑ ሲቁዋ ህንተና ድግቦኮ።13አዉ ባ ናይታስ ኦደይሳዳ ታ ህንተዉ ኦዳይስ፤ ኑ ህንተና ኑ ኡሉዋ በስዳይሳዳ፥ ህንተካ ህንተ ኡሉዋ ኑና በስተ።