1Dibamai emai kalaga binai tanobada ai baine heroho, guba ai ruma ta Dirava ena amo baia abia, dia ima karakara ḡauna to mia-hanaihanai ḡauna.2Momokani, iniseni ai a ḡanaḡanamu, a ura badamu emai guba rumana baia hadokilaia;3bena baia hadokilaia negana ai basie davarimai kopi kavakava.4Ina kalaga ai a nohomu taumai emai maduna daidiai a ḡanaḡanamu; asia uramu baia dokia oho, to a uramu matamatana baia dokilaia; bena mauri ese mase baine hadonoa.5E karamai heḡaeḡae tauna na Dirava, bena ihamomokanina Laumana vada e henimai.6Benaini, ai na lalomai e goadamu nega idoidiai. Dibamai tau-animai ai a nohomu negana ai, ai na dia Lohiabada enai;7badina be abidadama dainai a rakamu, dia ita-itana dainai.8Lalomai e goadamu, a uramu tauanina ena amo baia raka oho, Lohiabada enai baia noho.9Taunabunai, emai lalo-hadai tamona binai: iniseni ai eiava unuseni ai ia mo baia hamoalea.10Badina be ita iboudai Keriso ena hahemaoro gabuna ai baita gini, bena tau-anida ai ta karamu karadia davadia baita abi, namo eiava dika.
Herohemaino
11Taunabunai, Lohiabada garina dibamai dainai, ai ese taunimanima lalodia a animu. Dirava vairanai lalomai e hedinaraimu; lau na uramu umui lalomui ai danu lalomai bae hedinarai.12Sibomai asia hahenamo loumu; to heaḡi badina a henimuimu, ai daimai ai ba heaḡi; bena taunimanima lalodia asie heagilaimu a oromadia mo e heaḡilaimu taudia ba haere henidia diba.13Ai baiama kava, una na Dirava dainai; a baiama aonega, una na umui daimui ai.14Badina be Keriso ena uraheni ese e haduamaimu: a tomamu, ta ese iboudiai daidiai e mase, taunabunai iboudiai vada e mase;15bona iboudiai daidiai e mase, taunabunai e maurimu taudia na sibodia ediai basie mauri, to idia daidiai e mase ma e tore isi lou tauna enai bae mauri.16Taunabunai, ina murinai tau ta na oromana mo amo basia haeroa; ena be gunaguna Keriso na oromana amo a haeroa, to harihari unu asia haeroa toma.17Taunabunai, tau ta bema Keriso lalonai, ia na e kara tau matamatana na heto; ḡau gunadia vada e lao bubuni, ḡau iboudiai vada matamata.18Ḡau iboudiai danu Dirava ena amo; ia ese Keriso bagunai ia ida vada e haheroheda maino; bona herohemaino isiaina ilao-henina taumai ai vada e halaomai.19Herevana binai: Dirava be Keriso lalonai, tanobada taudia ia ida e haheroheda maino, eda kara dika asine lalo tao. Herohemaino herevana binai ai e henimai.
Ai na Keriso ena gwaukau taumai
20Taunabunai, ai na Keriso ena gwaukau taumai: Dirava ese ai udumai amo e noimuimu, Keriso bagunai Dirava ida ba herohemaino.21Ia na kara dika asi dibana, to tau dikana ai e halaoa ita daidai, ita na ia bagunai Dirava ena maoromaoro ai baitala helaoreana.