2 Qorontoosa Kiita4gof_ltw

Meqa Miishen De7iya Buqura

1Hiza, Xoossay ba maarotethan ha oosuwa nuus immida gisho, nuuni ufaysi qanxoko.2Nuuni yeellaya geema ooso ubbaa aggida; gene ooso oothoko; Xoossaa qaala wordora walakoko. Tumaa qoncen haasayishe, asa ubbaa kahay nuna ekana mela Xoossaa sinthan nuna shiishoos.3Nu odiya Wongelay geemmidaba gidikoka, geemmiday dhayo ogen de7iya asaasa.4Ha alamiya haariya xoossay ammanonna asaa wozanaa goozis. Enti Xoossaa mela gidida Kiristoosa boncho Wongela poo7uwa be7onna mela diggis.5Nuuni, Yesuus Kiristoosi Godaa gideysanne nu iya gisho hinte oosancho gideysa odoosipe attishin, nubaa odoko.6“Dhuman poo7oy poo7o” gida Xoossay, Kiristoosa som7uwan poo7iya Xoossaa bonchuwa eraa poo7uwa immanaw ba poo7uwa nu wozanan poo7isis.7Shin ubbaafe aadhiya wolqay nubaa gidonashin, Xoossaba gideysa bessanaw ha boncho shaloy meqa miishegidida nu asatethan de7ees.8Nu ubba baggaraka waayetida, shin meqeretibooko. Nuus haddirsi gidis, shin ufaysi qanxibooko.9Nu, morketan goodetida, shin lagge dhaybooko. Nu morketan shocetidi kundida, shin dhaybooko.10Yesuusa de7oy nu asatethan qoncana mela iya hayquwa ubba wode nu asatethan tookidi yuuyoos.11Yesuusa de7oy hayqiya nu asatethan qoncana mela paxa de7iya nuuni iya gisho, ubba wode hayqos aadhidi imetoos.12Hiza, hayqoy nunan oothiya wode de7oy hintenan oothees.13Geeshsha Maxaafan, “Ta ammanas; hessa gisho odas” yaagetis. Hessa mela ammanoy nuus de7iya gisho haasayoos.14Godaa Yesuusa hayqope denthida Xoossay, nunaka Yesuusara hayqope denthanaysanne hintera issife ba sinthe shiishanaysa eroos.15Hessi ubbay haniday hinte gishosa. Xoossaa aadho keehatethay daro asaa gakiya wode asay Xoossaa bonchuwas daro galataa immana.16Hessa gisho, nuuni ufaysi qanxoko. Nu bentiya asatethay daaburishe biyaba gidikoka, nu ayyaana asatethay gallas gallas ooraxees.17Ha77is nuuni waayetiya ha kawusha waayey, ubbaafe keehi gitatiya merinaa bonchuwa nuus imisana.18Nuuni bentiyaba gidonashin, bentonnaba xeelloos. Bentiyabay ha77isa, shin bentonnabay merinaasa.
expand_more
Search