Read 2 ቆሮንቶሳ ኪታ 1

2 ቆሮንቶሳ ኪታ1gof_etw

¹ፆሳ ሸነን የሱስ ክርስቶሳ ሀዋረ ግድዳ ጳዉሎስነ፥ ኑ እሻ ፅሞትዮስ፥ ቆሮንቶሳን ደእያ ፆሳ ዎሳ ኬስነ አካያ ቢታን ደእያ ፆሳ አሳ ኡባስ ፃፍዳ ኪታ።²ፆሳ ኑ አዋፐነ ጎዳ የሱስ ክርስቶሳፐ፥ አ ኬሀተይነ ሳሮተይ ህንተዉ ግዶ።

ጳዉሎስ ፆሰ ጋላቴስ

³ማሮተ አዋስ፥ ኡባ ዎደ ኑና ምንያ ፆሳስ፥ ኑ ጎዳ የሱስ ክርስቶሳ አዋስ ጋላት ግዶ።⁴ፆሳይ ኑስ እምዳ ምንዋን፥ መቶን ደኤይሳታ ኑ ምንና መላ ፆሳይ ኑና ኑ መቶ ኡባን ምንስ።⁵ኑኒ ክርስቶሳ ዳሮ ዋይያ ሻከትዳይሳዳ ቃስ ኑኒ እያ ዳሮ ምንዋን ምናና።⁶ኑኒ ዋየትኮ ሄስ ህንተና ምንናሳነ ህንተና አሻናሳ። ቃስ ኑኒ ምነትኮ ኑኒ ገንጭዳ ዋይያ መላ ህንተካ ገንጭድ፥ ፆሳይ ህንተዉ እምያ ምንዋን ምናና።⁷ህንተ ኑ ኤክዳ መቱዋ መላ ኤክድ፥ ኑ ምንዋን ሻከታናይሳ ኑ ኤርያ ግሾ ኑ ኡፋይሳይ ህንተናን ምኖ።⁸ኑ እሻቶ፥ ኢሰ ቢታን ኑና ጋክዳ መቱዋ ህንተ ኤራና መላ ኮዮስ። ሄ ኑና ጋክዳ መቶይ ኑ ዎልቃፈ ዳርን፥ ሀይቆና አቶኮ ግድ ኡፋይስ ቃንፅዳሽን።⁹ኑኒ ኑ ቦላ ሀይቆ ፕርድ ፕርደትዳ መላ ቆፕዳ። ሽን ኑኒ ኑ ሁጰን ግዶናሽን፥ ሀይቅዳይሳታ ደንያ ፆሳን አማነታና መላ ሄስ ሀንስ።¹⁰ፆሳይ ሄሳ መላ ኢታ ሀይቆፐ ኑና አሽስ፤ ሀእካ አሻና፤ ስንፈካ እ ኑና አሻና ግድ እያን ኡፋይስ ዎስ።¹¹ዎሳን ኑና ማድተ። ዳሮ ዎሳ ጋሶን ፆሳ ማዱዋ ኑ ደምያ ዎደ ዳሮ አሳይ ኑ ግሾ ፆሳ ጋላቶሶና።

ጳዉሎስ ባ ሀልቹዋ ላምስ

¹²ኑኒ ኑ ጌሻ ካሀን ጬቀቶስ። ኑኒ ሀ አላምያን ደእዳ ደኡዋን ኡባራካ ህንተራ ኑ ደእዳ ደኡዋን ቱማተንነ ሱረተን ህንተራ ደእዳ። ሄስካ፥ ሀ አላምያ ጭንጫተን ግዶናሽን፥ ፆሳ አ ኬሀተና።¹³ኑ ህንተዉ ፃፍዳ ዳብዳበይ ህንተ ናባባናዉነ አኬካናዉ ዳንዳእያባፐ አትሽን፥ ሀራ ግደና። ህንተ እያ አኬካናዉ ዳንዳኤይሳ ታ አማናይስ።¹⁴ሀእ ህንተ ኑና ሀንዳ ኬና ኤሬታ፥ ሽን ስንፈ ኩመ ኤራናይሳ ታ አማነታይስ። ኑ ጎዳ የሱሲ ስምያ ዎደ ኑኒ ህንተናን ጬቀትዳይሳዳ ህንተካ ኑናን ጬቀታና።¹⁵ሄሳ ታኒ ሎይ ኤርዳ ግሾ፥ ህንተ ናምአን ጎኤታና መላ ካሰታዳ ህንተኮ ባናዉ ቆፋ ቃቻስ።¹⁶ታኒ ማቀዶነ ባሸነ ያፐ ስማሸ ህንተና በአና። ታኒ ያፐ ይሁዳ ብያ ዎደ ህንተ ታና ታ ኦግያን ማዳና ጋዳ ቆፓስ።¹⁷ታኒ ሄሳ ጋሸ አይ ኦናዉ በሲያኮ ኤሮና አስ ዳንያና? ዎይኮ ታኒ ታ ቆፋ ቃችያ ዎደ አሳ ቆፋዳ፥ እስ ቶሆ “ኤ” ቃስ እስ ቶሆ “አካይ” ግያ አሳ መለዬ?¹⁸ሽን ፆሳይ አማነተይሳ ግድያ ግሾ፥ ኑ ህንተዉ ኦድያ ቃላይ “ኤ” ዎይኮ “አካይ” ገይሳ ግደና።¹⁹ታኒ፥ ስላሰይነ ፅሞትዮስ ህንተዉ ማርካትዳ ፆሳ ናአይ፥ የሱስ ክርስቶሲ ኡባ ዎደ “ኤፐ” አትሽን፥ “ኤ” ነ “አካይ” ግደና።²⁰ፆሳይ እማና ግዳ ኡባይ ክርስቶሳ ባጋራ “ኤ” ግዴስ። ኑኒ ክርስቶሳ ባጋራ ፆሳ ቦንቾስ፥ “አምንእ” ገይ ሄሳ ግሾሳ።²¹ኑነ ህንተ ክርስቶሳን ምንድ ኤቃና መላ ኦዳይነ ባ ኦሱዋስ ዶርዳይ ፆሳ።²²ኑኒ እያባ ግደይሳ ኤርሳናዉ ባ ማታምያ ኑ ቦላ ዎስ፤ ቃስ ባ ጌሻ አያና ኦይ ኦድ ኑ ዎዛናን ዎስ።²³ታኒ ቆሮንቶሳ ቦና አግዳይ ህንተ አዛኖና አታና መላሳ፤ ሄስ ዎርዶ ግድኮ ፆሳይ ታ ሸምፑዋ ታፐ ኤኮ።²⁴ህንተ፥ ህንተ አማኑዋን ምንድ ደእያ ግሾ፥ ኑ ህንተና ኡፋይሳናዉ ህንተራ እስፈ ኦይሳታፐ አትሽን፥ ህንተና ዎልቃን አማንይሳታ ግዶኮ።

2 ቆሮንቶሳ ኪታ 1 / gof_etw

ጳዉሎስ ፆሰ ጋላቴስ

ጳዉሎስ ባ ሀልቹዋ ላምስ

2 ቆሮንቶሳ ኪታ1gof_etw