Yihuda Kawa Iyo7akaaza
1He biitta asay Iyosyaasa na7aa Iyo7akaaza dooridi iya aawa bessan Yerusalaamen kawothidosona.2Iyo7akaazi kawotiya wode iyaw laythi laatamanne heedza; I Yerusalaamen heedzu ageena kawotis.3Gibxe kawoy Iyo7akaaza kawotethaafe wothis; heedzu mukulunne oyddu xeetu kilo giraame biranne hastamanne oyddu kilo giraame worqa Yihuda asay giirana mela oothis.4Gibxe kawoy, Naakoy, Iyo7akaaza ishaa Eliyaqeeme Yihuda bollanne Yerusalaame bolla kawothidi iya sunthaa Iyo7aqeema yaagidi laammis. Yaatidi Iyo7aqeema ishaa Iyo7akaaza Gibxe efis.Yihuda Kawa Iyo7aqeema
5Iyo7aqeemi kawotiya wode iyaw laythi laatamanne ichasha; I Yerusalaamen tammanne issi laythi kawotis. Ba Godaa Xoossaa sinthan iitabaa oothis.6Babiloone kawoy Nabukadanaxoori iya olidi, Babiloone efanaw naase birata santhalaatan qachis.7Qassi Nabukadanaxoori Xoossa keetha miishiya ekidi Babiloone efidi, ba kawo gadhon wothis.8Iyo7aqeemi oothida harabay, oothida tunabaynne oothida iitaba ubbay, Heko, Isra7eele kawotanne Yihuda kawota taarike maxaafan xaafetis. I hayqin, iya bessan iya na7ay Yo7akini kawotis.Yihuda Kawa Yo7akina
9Yo7akini kawotiya wode iyaw laythi hospuna; I Yerusalaamen heedzu ageenanne tammu gallas kawotis. I Godaa sinthan iitabaa oothis.10Laytha laamen, kawoy Nabukadanaxoori ase kiittidi, Yo7akinanne Xoossa keethan de7iya al7o miisheta iyara issife Babiloone ehis. Yaatidi iya aawa ishaa Sedeqiyaasa Yihudanne Yerusalaame bolla kawothis.Yihuda Kawa Sedeqiyaasa
11Sedeqiyaasi kawotiya wode iyaw laythi laatamanne issino; I Yerusalaamen tammanne issi laythi kawotis.12Ba Godaa Xoossaa sinthan iitabaa oothis; qassi Godaa qaala odiya nabiya Ermiyaasa sinthan bana kawushibeenna.13Sedeqiyaasi, ammanetana mela bana Xoossa sunthan caaqisida Nabukadanaxoora bolla makallis. Godaa, Isra7eele Xoossaako simmonna ixis; ba wozana Xoossa bolla minthis.14Qassi, Yihuda asaynne enta kaalethiya kahineti, ammanetona ixidosona. Enti hara kawotethati oothiya ixetida oosota kaallidi, Goday Yerusalaamen geeshshida Xoossa keethaa tunisidosona.Yerusalaame Kundethaa
15Goday, enta mayzata Xoossay ba asaasinne ba keethas qadhetiya gisho, ba nabeta entaw zaari zaari kiittis.16Shin Godaa hanqoy enta bolla wodhana gakanawunne enti kessi ekiyaso dhayana gakanaw Xoossaa kiitanchota qelqisidosona; iya qaala kadhidosona; nabeta bolla miicidosona.17Hessa gisho, Goday Kaldaaweta kawa enta bolla denthin, I enta yalaga addeta Xoossa keethan mashshan wodhis. I yalaga addetas woyko geela7otas woyko cimatas woyko ceegatas qadhetonna wursis. Xoossay enta ubbaa Nabukadanaxoora kushen aathidi immis.18Babiloone kawoy Xoossa keethan de7iya miisheta ubbaa, gitaanne guuthaa, Xoossa keethan de7iya buqura, kawo buquranne iya moorinnata buqura ubbaa ekidi Babiloone efis.19Enti Xoossa keethaa taman xuuggidi, Yerusalaame gimbe dirsaa laallidosona. Kawo gadhuwa taman xuuggidi, yan de7iya al7o miishe ubbaa dhaysidosona.20Mashshafe attidaysata kawoy di77idi Babiloone efis. Farse kawotethay dendana gakanaw enti iyawunne iya naytas aylle gididosona.21Goday nabiya Ermiyaasa baggara odida qaalay poletis. Wursethan biittay laapun tammu laythi asi bayna bessi gididi shempis. Biittay Sambaata shempo demmis.22Farse kawoy Qiroosi kawotida koyro laythan nabiya Ermiyaasa baggara Goday odidaysa polis. Farse kawoy Qiroosi ba kawotethan ubban haysada yaagidi awaajana melanne xaafidi wothana mela Goday iya ayyaana denthethis.23Farse kawoy Qiroosi, “Goday, salo Xoossay ha sa7aa kawotethata ubbaa taw immis. Qassi Yihudan de7iya Yerusalaamen ta iyaw Xoossa keethi keexana mela tana shuumis. Xoossa asi gidida oonika yaa boo. Goday iya Xoossay iyara gido” yaagis.