ዒዮሳፒፄ ዪሁዳይዳ ካኣታዼሢ
1ዒዮሳፒፄ ዓዶ፥ ዓኣሳ ቤዛ ጌሊ ካኣታዼኔ፤ ዬካፓ ዒስራዔኤሌ ዓሶ ዖላኒ ዎልቄ ዴንቄኔ፤2ዙላ ኬልቂ ዲርቂንቴ ዪሁዳ ካታሞና ዙላ ዙላ ዓኣ ቤዛ ቢያ፥ ዬያጉዲ ሃሣ ዒዛኮ ዓዴ ካኣቲ ዓኣሳ ዖሎና ባሺ ዓርቄ ዔፕሬኤሜ ዓጫ ዓኣ ካታማኣ ዓቱዋንቴ ፖኦሊሴ ዴይሤኔ፤3ዒዮሳፒፄ ዒዛኮ ዓዴ ፔ ካኣቱሞ ዎዶኮ ዓይፆይዳ ማዼ ጎይፆ ዳውቴ ማዼ ኮዦ ማዾ ማዼሢሮ ሃሣ ባዓኣሌ ጌይንታ ሜሌ ፆኦዞ ካኣሽኪባኣሢሮ ናንጊና ናንጋ ጎዳ ዒዛ ዓንጄኔ፤4ዒዮሳፒፄ ፔ ዓዶ ፆኦዛሢም ማዼኔ፤ ዓይሢፆዋ ካፔኔ፤ ዒስራዔኤሌ ካኣታ ማዼ ጎይፆ ፑርቶ ማዾ ፔቴታዖ ማዺባኣሴ፤5ዬያሮ ናንጊና ናንጋ ጎዳ ዒዮሳፒፄኮ ካኣቱማ ዶዳንዳጉዲ ማሄኔ፤ ዪሁዳ ዴራ ቢያ ዱማ ዱማ ዒዛም ዒንጎ ባኣዚ ዔኪ ሙካሢሮ ዒዚ ኮሺ ዖርጎጪ ቦንቺንታያ ማዔኔ፤6ዒዚ ናንጊና ናንጋ ጎዳም ጎኔ ዒናፓ ማዼኔ፤ ዬያ ሌሊቱዋንቴ ጌሜራ ጌሜራ ዓኣ ሜሌ ዓሳ ካኣሽካ ቤዞና ዪሁዳይዳ ዓኣ ዓሼራ ጌይንታ ላኣሎ ፆኦዜሎ ማላቶ ቢያ ባይዜኔ።7ዒዮሳፒፄ ካኣታዼንቴ ሃይሣሳ ሌዖና፦ ቤንሃይሌ፥ ዖብዲዩ፥ ዛካሪያሴ፥ ናትናዔኤሌና ሚኪያሴ ጌይንታ ዒዛኮ ዶንዞ ማዔ ቢታንታ ዓኣ ዓሳ ዪሁዳ ካታሞ ዓሶ ዔርዛንዳጉዲ ዳኬኔ።8ዬንሢና ዎላ ታዞጳ ሌዊ ዓሲና ላምዖ ቄኤሴስኬንሢያ ዓኣኔ፤ ሌዊ ዓሳ፦ ሼማዒያ፥ ኔታኒያ፥ ዜባዲያ፥ ዓሳሄሌ፥ ሼሚራሞቴ፥ ዪሆናታኔ፥ ዖዶኒያ፥ ፆቢያንታ ፆባዶኒያንታ ማዓዛ ቄኤሶንሢ ዔልሻማዔና ዪሆራሜናኬ፤9ዔያታ ናንጊና ናንጋ ጎዳኮ ዎጎ ማፃኣፖ ዓርቂ፥ ዪሁዳ ካታሞ ቢያ ዴንዲ ዴንዲ ዴሮ ቢያ ዔርዜኔ።ዒዮሳፒፄኮ ዼኤፑማ ዔርቴሢ
10ዪሁዳ ዓጮኮ ኮይላ ኮይላ ዓኣ ዓጮ ካኣታ ዒዮሳፒፄ ዖሉዋጉዲ ናንጊና ናንጋ ጎዳ ዔያቶይዳ ዒጊቹሞ ጌልዜኔ፤11ፒሊስፄኤሜ ዓሶይዳፓ ፔቴ ፔቴሢ ሚርጌ ቢራና ሜሌ ዒንጊሢያ ካኣቲ ዒዮሳፒፄም ዒንጋዛ ፔቴ ፔቴ ዓሬቦ ዓሳ ጊንሣ ላንካይ ሺያና ላንካይ ፄኤታ ዓዴ ማራይ፥ ሃሣ ላንካይ ሺያና ላንካይ ፄኤታ ኮላይ ዔኪ ሙኬኔ።12ዬያሮ ዒዮሳፒፄ ሌዓ ሌዓ ሌካ ኮሺ ዼጊ ዼጊ ዓኣዼኔ፤ ዪሁዳ ዓጮ ጉቤይዳ ዋርዲዬ ቤሲንታ ሚርጌ ዺቢ ጋላና ዖልዚ ዓንጋሞና ቡኩሲ ጌሦንዶ ካታማኣ ማዤኔ። ዬሩሳላሜይዳ ዖልዚና ዱማ ዔራቶ ዓኣ ዖልዚ ዓሲ ዒ ጌሤኔ፤14ዪሁዳ ፃጳፓ ኬሶና ፖኦሊሶኮ ዓይሣሢ ዓዲና ጌይንታሢኬ፤ ዒዛኮ ዴማ ሃይሦ ፄኤታ ሺያ ፖኦሊሴ ዓኣኔ፤15ዒዛ ሄሊሳዖ ላምዓሳ ዴማሢ ዬሆሃናኔ ጌይንታሢኬ፤ ዒዛኮ ዴማ ላምዖ ፄኤታና ሳሊታሚ ሺያ ፖኦሊሴ ዓኣኔ፤16ዬሆሃናኔ ሄሊሳዖ ሃይሣሳ ዴማሢ ማዒ ዖሎ ዓሶ ዓይሣሢ ዚኪሪ ናኣዚ ዓማስያኬ፤ ዒዛኮ ዴማ ላምዖ ፄኤታ ሺያ ፖኦሊሴ ዓኣኔ፤ ዒዚ ፔኤሮ ናሽኪ ናንጊና ናንጋ ጎዳ ማዾም ፔና ዱማሴ ዖልዚ ሱኡጌኬ፤17ቢኢኒያሜ ፃጳፓ ኬስኬ ፖኦሊሶ ዓይሣ ሱኡጋሢ ዔሊያዳዔ ጌይንታያ ዒዛና ቤቃ ዓሲባኣ ዔርቴ ፖኦሊሴኬ፤ ዒዛኮ ዴማ ጊቲማና ሂኢሺና ዓርቄ ላምዖ ፄኤታ ሺያ ፖኦሊሴ ዓኣኔ፤18ዒዛ ሄሊሳዖ ዒዛኮ ዴማ ላምዓሳያ ማዓሢ ዬሆዛባዴ ጌይንታ ዖሎ ዓሶ ዓይሣሢኬ፤ ዒዛ ዴማ ዖልዚም ጊኢጌያ ፔቴ ፄኤታና ሳሊታሚ ሺያ ፖኦሊሴ ዓኣኔ፤19ዬንሢ ፖኦሊሳ ቢያ ካኣቲ ዒዮሳፒፄም ዬሩሳላሜይዳ ማዻያ ማዓዛ፥ ካኣቲ ቃሲ ሃሣ ሜሌ ዙላ ኬልቂ ዲርቂንቴ ካታማይዳ ዱማ ፖኦሊሴያኣ ጌሤኔ።