Shishaaqi Yerusalaame Bolla Dendis
1Orobi7aama kawotethay minnidi eqida wode inne Isra7eele asa ubbay Godaa higgiya aggaagidosona.2Enti Godaas ammanetona ixida gisho Robi7aami kawotida ichashantho laythan Gibxe kawoy Shishaaqi Yerusalaame bolla dendis.3Iyaw issi mukulunne nam7u xeetu para gaareti, usupun tammu mukulu para asatinne tayboy bayna Liibe, Sukanne Tophe olanchoti de7oosona.4Kawoy Shishaaqi gimbetida Yihuda katamata oykidi Yerusalaame gakanaw yis.5Hessafe guye, nabey Shamayey Orobi7aamanne Shishaaqa yayyidi Yerusalaamen shiiqidi de7iya Yihuda halaqatako yidi, “Goday, ‘Hinte tana aggida gisho, ta hintena Shishaaqa kushen yeggas’ ” yaagis.6Isra7eele halaqatinne kawoy Robi7aami, bantana kawushidi, “Goday xillo” yaagidosona.7Enti bantana kawushidaysa Goday be7ida wode Shamayako haysada yaagis; “Enti bantana kawushida gisho ta enta dhaysike; ta enta ashshana. Ta hanqoy Shishaaqa baggara Yerusalaame bolla gukenna.8Gidoshin, taw haareteysaninne hara kawotas haareteysan de7iya dummatethaa enti erana mela Shishaaqas haaretana” yaagis.9Gibxe kawoy Shishaaqi Yerusalaame olidi, Xoossa keethaninne kawo gadhon de7iya shalo ubbaa ekis. Solomoney worqafe oosisida gondalleta bonqis.10I efida worqa gondalleta gisho kawoy Robi7aami naase biratape hara gondalleta oosisidi kawo gadho penge naageysata halaqata kushen wothis.11Kawoy Xoossa keethi geliya wode ubban pengiya naageysati he gondalleta oykidi iya kaalloosona. Kawoy simmiko enti zaaridi naageysata keethan wothoosona.12Robi7aami bana kawushida gisho I dhayonna mela Godaa hanqoy iyape simmis. Yihuda biitta ubban qassi sa7i injetis.13Kawoy Robi7aami bana minthidi Yerusalaamen kawotis; Robi7aami kawotida wode iyaw laythi oytamanne issino. Goday ba sunthay yan xeegetana mela Isra7eele biitta ubban doorida, Yerusalaamen tammanne laapun laythi kawotis. Robi7aama aayiya Amoone maccas Na7imo.14Robi7aami Godaa wozanape goyinnanaw koyiboona gisho iitabaa oothis.15Robi7aami ba kawotetha wodiyan oothidabay koyrope wursethi gakanawunne iya yeletaa maaray, Nabiya Shamaya taarike maxaafaninne qoncethi be7iya Ido taarike maxaafan xaafetis gidennee? Robi7aaminne Iyorbaami ubba wode oletishe de7idosona.16Robi7aami hayqidi ba mayzata gakis; I Dawita kataman moogetis. Iya bessan iya na7ay Abiyi kawotis.