Wordo Astamaareta
1Yaana wodiyan balethiya ayyaanatanne tuna ayyaanata timirte kaallidi, issi issi asay ammanuwa kaddanaysa Geeshsha Ayyaanay qoncisidi odis.2Hessa mela timirtey enta kahay doccin, asaa balethiya wordancho astamaaretape yees.3Hessa mela asati ekonne gelo qassi issi issi kathata moonna mela diggoosona. Shin ammaneysatinne tumaa ereysati Xoossaa galati woossidi maana mela Xoossay kathi medhis.4Xoossay medhida ubbabay lo77o. Xoossaa galatidi miiko wora wodhiyabay aybika baawa.5Ubbabay Xoossaa qaalaninne woosan geeshshi gidees.Kiristoosa Ammanthiya Aylle
6Hessa gisho, neeni ha timirtiya ammaneyisata tamaarsiko, nu ammanuwaninne lo77o timirtiya kiitetada diccida, Kiristoos Yesuusa lo77o aylle gidana.7Shin go77i bayna tuma gidonna odapenne cima maccasa haysepe baqata. Tuma ayyaana de7on daanaw nena loohisa.8Asi ba asatethaa minthanaw oothiya oosoy guuthas maaddees. Shin tuma ayyaana de7on bana loohisoy ha77iska merinawuka de7o immiya ufaysi de7iya gisho, ubbaas maaddees.9Ha qaalay asa ubbay ekanaw bessiya tuma oda.10Nuuni asa ubbaa, ubbaafe aathidi ammaneyisata ashshiya de7o Xoossaafe ekana gidi ufaysan naagiya gisho, hessas nuuni ooson daaburosinne baaxetoos.11Haysa kiittanne tamaarsa.12Neeni yalaga gidiya gisho, nena oonika kadhopo. Shin ammaneysatas neeni odan, ooson, siiqon, ammanoninne geeshshatethan leemiso gida.13Taani yaana gakanaw asaas Geeshsha maxaafaa nabbabon, sabbakoninne tamaarson minna.14Tinbitey odetin, cimati banta kushiya ne bolla wothida wode neeni ekida, nenan de7iya Geeshsha Ayyaana imota kadhopa.15Ne dichay asa ubbaas qoncana mela hessa mintha qopa; haysa ubba wode ootha.16Ne huuphiyasinne ne timirtiyas naageta. Neeni hessa ubba wode oothiko nenanne nena si7eyisata ashshaasa.