1Diꞌs li jwanꞌ reꞌ: tez cho xaꞌ ncholas tyo lo yodoꞌ, sinꞌ wen ncholaꞌs xaꞌ li xaꞌ.2Per xaꞌ ya nakinꞌ toz, galꞌ kete xaꞌ, thita ngol tyobno xaꞌ, wiꞌ toz xaꞌ xa kete xaꞌ, nde wiꞌ toz xaꞌ xa ban xaꞌ, wen xyoꞌb xkiꞌs xaꞌ, taꞌ xaꞌ yo tenꞌ kwed men, nde jwin toz toteꞌd xaꞌ men.3Nandabloda gu xaꞌ nit xtus, nagakta xaꞌ men nkwanꞌ yalbyo, ndablo gak xaꞌ men naxalꞌ, nabeꞌz nde nadoꞌ ak xaꞌ nde naꞌtyablaꞌsta xaꞌ tmi.4Jwin nyebeꞌ xaꞌ liz xaꞌ, li xaꞌ xobyek re xinꞌ xaꞌ xaꞌ nde galꞌ gak or;5(tak tez liz xaꞌ naꞌakta nyebeꞌ xaꞌ, ¿xa ak kenap xaꞌ re men nzi lenꞌ yodonꞌ Dios?);6naꞌndabloda thi xaꞌ kub loꞌ xkiꞌs Dios, tak nday lya yalnaro lenꞌ lazoꞌ xaꞌ nde yote xaꞌ xa ngote Maxuꞌ.7Nde tagaꞌ wen ndablo xyoꞌb xkiꞌs xaꞌ lo re men jwanꞌ nandlid lazonꞌ Dios, sa naryoꞌyanthod xaꞌ nde nagapta xaꞌ lo yaꞌ Maxuꞌ.
Re jwanꞌ ndablo li re xaꞌ ndli sinꞌ lo yodoꞌ
8Taga re xaꞌ ndli sinꞌ lo yodoꞌndablo galꞌ li xaꞌ sa wen wiꞌ men xaꞌ, naꞌakta xaꞌ men rop ro, nandablod ak xaꞌ men guy, naꞌsinad xaꞌ tmi jwanꞌ nde mod narax.9Ndablo nambi ak xgab xaꞌ nde tyonke xaꞌ xis jwanꞌ li mbloꞌto Dios lonꞌ.10Re xaꞌ jwanꞌ ta ncholaꞌs li sinꞌ yaꞌ, nerla ndablo ak beꞌ xaꞌ, tez ngobeꞌ nambi ndo xaꞌ, toyal li xaꞌ sinꞌ lo yodoꞌ.11Tagaꞌ ngol xaꞌ, ndablo galꞌ ak ngol, nandabloda ak xaꞌ men nakij diꞌs yix, ndawiꞌ xaꞌ xa kete xaꞌ, nde thiblaꞌ galꞌ tyo xaꞌ lo reta jwanꞌ ndli xaꞌ.12Re xaꞌ biꞌ ndli sinꞌ lo yodoꞌ, ndablo thita ngol tyobno xaꞌ, nde ndablo naxut koned xaꞌ re xinꞌ xaꞌ nde re men nzo lenꞌ liz xaꞌ.13Tak re xaꞌ jwin ndli rsinꞌ naꞌ lo yodoꞌ, ndli xaꞌ gan xob yek men xaꞌ, nde re jwanꞌ reꞌ ngone lazoꞌ xaꞌ sa tej xaꞌ xkiꞌs Jesucrist lo re men.
Xkiꞌs Dios jwanꞌ nzo nagaꞌs
14Teꞌnyega nkelon mer ya twiꞌn la, ngekeꞌn yeꞌs reꞌ loa,15sa tez ndolenꞌ na, nyea xamod ndablo kete men xij yez Dios, men jwanꞌ nak yodonꞌ Dios nayenaban, men yez Dios jwanꞌ ndenkeꞌ nde nak xanꞌ jwanꞌ li chanꞌ Dios.16Ngen plo ngan jwanꞌ reꞌ, naro toz nak jwanꞌ nzo ngaꞌs ta ndli lazonꞌ:Crist mbyeꞌd lo izyo xajaꞌ thi menNambi mbloꞌto Mbi Nayon Xaꞌ.Mbwiꞌ re áng Xaꞌ.Mbyaj xkiꞌs Xaꞌ xij re men dib lo izyo,Mbli lazonꞌ men Xaꞌ,Nde mkayaꞌ Dios Xaꞌ lo beꞌ kon dib yalnaro.