Read 1 Timↄtee 3

1 Timↄtee3bqc_sim

Gbɛ̃zↄ̃ↄↄ ń dↄnlɛdeↄ

¹Yã́ɛ bee sĩana vĩ: Tó gbɛ̃́ ye kɛ gbɛ̃zↄ̃ↄ ũ, àlɛ zĩ maa nidɛ.²Gbɛ̃zↄ̃ↄ líↄ ku tàaesai nↄmɛndode ũ, laaide ũ, ìↄ azĩa kũa dↄ̃ gbɛ̃́ dↄ̀ↄde ũ, nibↄfↄ̃na ũ, gbɛ̃́ pↄ́ a fↄ̃ yãdanɛ́ ũ.³Asu àↄ dɛ igbɛ̃na ge gbɛ̃́ pãsĩ ũo. Aàↄ dɛ nↄ̀sɛdoũde yãkelesaide ũ. Ɔ̃a su dↄaaɛ̀o.⁴Aàↄ a ua kũa dↄ̃, aà nɛ́ↄ lí misiilɛɛ̀ aaliↄ aà ↄtondↄkĩi gwa.⁵Asa tó gbɛ̃́ a ua kũa dↄ̃o, kpelewa a fↄ̃ ↄlia Lua gãlideↄzii?⁶Asu àↄ dɛ gbɛ̃́ dafuna ũo, kɛ́ asu ĩ́anadã, i azĩa dayãu lán Ibiisiwao yã́i.⁷Aà tↄ́ àↄ na Yesusaideↄ kĩ́i lↄ, kɛ́ wasu aà tↄ́'ĩisi, i zu Ibiisi bauo yã́i.⁸Màa lↄ dↄnlɛdeↄ aaↄ dɛ gbɛ̃́ gbiaↄ ũ. Aasu wàↄ dɛ lɛplaadeↄ ũo. Wɛ̃ yã́ su dↄaanɛ́o. Aasu wàↄ dɛ ↄwɛɛlɛmbɛ̃ɛↄ ũo.⁹Aaↄ Yesu yã́ kũa ń làasoodaadoũo.¹⁰Wà ń yã́ gwa gĩa, tó wi yãe emáo, wi gbasa ń dilɛ dↄnlɛdeↄ ũ.¹¹Màaɛ ń nↄɛↄ. Aaↄ dɛ nↄɛ gbiaↄ ũ, laaideↄ ũ, aaìↄ náai vĩ yã́pii guu. Aasu wàↄ dɛ gudɛnaↄ ũo.¹²Dↄnlɛde àↄ dɛ nↄmɛndode ũɛ, aàↄ a ua ń a nɛ́ↄ kũa dↄ̃.¹³Gbɛ̃́ pↄ́ zĩkɛ̀ a zɛ́wa, ì zɛkĩi maa e, aà sↄ̃ iↄ dilɛa a Kilisi Yesu náaikɛa guu maamaa.¹⁴Baa kɛ́ málɛ yã́piↄ onɛ, má dìlɛ má mↄ́ n gwai tia.¹⁵Tó ma mↄa su lɛ́ gɛ̃gɛ̃ɛ, má ye ǹyↄ̃ dↄ̃ lá a maa wàↄ ku Lua uadeↄ ũɛ. Wámɛ wá Lua bɛ̃́ɛ gãlideↄ ũ, sĩana zĩ́mpɛlɛ ń a gbãa'ekĩio ũ.¹⁶Lua asiiyã pↄ́ bↄ̀ gupuau zↄ̃ↄ sĩanaɛ:À mↄ̀ gbɛ̃nazĩna ũ,Lua Nisĩna aà sĩandekɛ ↄ̀lↄnɛ́,malaikaↄ aà è.Wà aà yã́ waasokɛ̀ buiↄ guu,wà aà náaikɛ̀ dṹnia guu,Lua aà sɛ̀ tàò a kĩ́i gawi guu.

1 Timↄtee 3 / bqc_sim

Gbɛ̃zↄ̃ↄↄ ń dↄnlɛdeↄ

1 Timↄtee3bqc_sim