Xoossas Goyno Gishshas Imettida Woga
1Hessa gishshas ubbaafe koyro hara asas shoobeththa woosa, gaannateththa woosanne galata woosa asa ubbaas kawotassinne dere ayssizaytas ubbaas woossana mala ta nena qofsays.2Hessika Tumu Ayana duussaninne geeshshateth ubbaan nuni saroteththaninne wogan daana malassa.3Hayssi nuna ashshiza Xoossaa achchan lo7onne ufayssizaaza.4Izi asi wuri attana malanne tumaa erana mala koyees.5Issi Xoossi xalla dees; qasseka Xoossassinne asas giddon issi giigsiza gaannay dees; izikka as gidida Yesus Kirstoosa.6Izi bana asa ubbaas aaththi immides; hessika heerakka wodey aadhdhontta izas markkattides.7Tanikka hayssas mishiraachcho qaala yootanaas kiitettidaade; qasseka deretas tumu ammano astamaare gidada shuumettadis; hessaka ta wordotontta tumu yootanaassa.8Hessa gishshas attuma asay ubbason hanqoy bayndanne palamay baynda ba geeshsha kusheta pude dhoqqu histtidi woossana mala ta koyays.9Hessaththoka maccassati bonchchora bana shiishshi ekkidi bessiza may7o may7etto attiin ba hu7e daddi ekkidi woykko al7o may7o, worqqanne inqqu aaththidi walqqi walqqi gooppetto.10Gido attiin Xoos woossoos giza maccassati isttas ooththana bessiza lo7o ooson lo7etto.11Maccassi co7u gaada kumeththara azazeteth tamaaru.12Maccassi co7u gaanaappe attiin iza tamaarsana mala woykko adde bolla godatana mala ta koykke.13Gaasoykka koyro Addaamey medhettides; kaallada Hewaana medhettadus.14Qasseka koyro balettiday Addaame gidenna; balettada Xoossa wogaappe aadhdhiday maccassayo.15Gidikkoka maccassi ammanoninne siiqon geeshshateththan barkka bana haaron minniko naa yelon attana.