Laatstse ye7ito giigii naagote
1Ta ishuntso, hyanna hyanode woden agina yinttis xaafodes koshshoos.2Laatstse qammita kayzo qamma ye7izanni fana yo7odanno yin loytsii erane.3Asuntsi, «Sa7a saro, akkon hyanoos» yagaazin, maacho yelo dha7e aykkizanni fana dhabe un qoppikaayzin unttalla afa yo7oda. Un akko ogeran kessii ekkaama.4Yezin nu ishuntso, yinna qammita yinttis kayzo ye7izanni fana yo7odes yin dhuma baaya.5Yin ubba foo7o asin awara yeze asi; nuunii qamma asi woy dhuma asi baaya.6Yinnii gisho, nuunii mellunts genttizanni fana genttodes beezoos; nuunii barkkodesin giigii yessades beezane.7Genttizuntsi qamma genttane; matsinttizuntsi qamma matsinttane.8Yezin nuunii awara asi maaqqide gisho giigii yessades beezane. Ammanon siiqo xurure fana ma77i, atotits ufayssi omma gaddize ola meqo barneexa gaddii yessades beezane.9Xoozii nuna nu Laatstse Yesuus Kiristtoosa baggara kumutsi atotitsi ekkode fana doorida fattin kachchis doorikaaya.10Nuunii faxa yeziko woy hyayqqiko, Kiristtoosa ye7ize wode eera wolla yessade fana Kiristtoosa nu gisho hyayqqida.11Yinnii gisho, yin tiino oochchizanni fana, fetay fetayra zorinttoten mintsitsote.Wurssutsi zoren saritse
12Nu ishuntso, yin gidda oochchii labbizuntsana, Laatstse suntsite yinttana kaalitsode fanan zorode fana dooriduntsana bonchchode fana yinttana woossane.13Un oochchize oochiti gisho unttana gaama bonchchoten siiqote. Fetay fetera sarora yezote.14Nu ishuntso, nuunii yinttana zorane. Boozuntsana kaccote; zhashtizuntsana mintsitsote; labbiduntsana maaddote; as ubba dandda7ote.15Ooden iita gisho iita mahaame fana naaginttote. Yin wolisin as ubbas lo77o baz oochchodes minggote.16Ubba wode ufayttote.17Ubba wode Xooz woossote.18Ubba baza galatote. Kiristtoos Yesuusa baggara Xoozii yinttappa koyzanna yinno.19Geeshi Ayyaana tama dhabsippete.20Tinbbite qaala leqqippete.21Ubba baz fattanote; lo77o baz ekkote.22Iita baz ubbappa hyaakkote.23Saro inggize Xoozze fa ommite yinttana geesho. Nu Laatstse Yesuus Kiristtoosa yo7ode qammas, Xoozii yin ayyaana, yin shemppiton yin kumutsi galtto bore baytsi naago.24Yinttana xeegize ammaninttidaya maaqqide gisho yinno E foloda.25Nu ishuntso, nuus Xooz woossote.26Ammanze asuntsana ubba geeshi yeerinttera saritsote.27Yin hyanna kiitto ammanze as ubbuntsis nabbabode fana Laatstse suntsite yinttana woossane.28Nu Laatstse Yesuus Kiristtoosa aadho keehatitsi yinttara maaqqe. Amin77e.