1Ta ishatoo! Hessi hanana wodeza gishshas nu inttes xaafanaas koshshenna.2Kaysoy qamman yiza mala Godaa gallassika hessa mala yaanayssa intte intte baggara lo7eththi ereeta.3Asay, «Gadey saronne lo7okko» gishin miixay qanththara diza maccas oykkiza mala hessaththoka as dhayssizay qoppontta dishin asa bolla gakkana; oonikka kessi ekkenna.4Intteno ishatoo! He gallassay kayso mala inttena daganththanaas intte dhuman deekketa.5Intte wurikka poo7o nayta; nuni dhuma woykko qamma baggata gidokko.6Histtiko ane beeggoos; ane nurkka nuna haaroos attiin hankko dhiskiza asaa mala nunikka ane dhiskokko.7Dhiskizayti qammara dhiskeettes; maththottizaytikka qammara maththotteettes.8Nuni gidikko gallassa asata gidida gishshas ammanonne siiqo, tiran may7iza xurure may7o mala may7idi atoteththa hidota hu7en woththiza birata qoobe mala hu7en woththidi ane nunateththaa haaridi de7oos.9Xoossi nu Godaa Yesus Kirstoosa baggara atoteth demmana mala attiin nuna hanqos xeygibeenna.10Nu hayqqikokka woykko paxa diikkoka izara daana mala izi nu gishshas hayqqides.11Hessa gishshas tumappe intte ha7i ooththizayssa malakka issoy issaara minettitenne minththeththite.
Wurseththa Zorenne Saroka
12Histtiko ta ishatoo! Intte giddon minni ooththizayta Godaan inttefe bollara diza halaqatanne inttena zorizayta intte bonchchana mala nu inttena woossoos.13Istta ooso gishshassika istta siiqora lo7eththi bonchchite; intte intte giddon saron diite.14Ta ishatoo! Nu inttena, «Ooso ooththontta asata hanqettite; babbizayta minththite; daaburanchchata maaddite; as ubbaa dandayte» gi zoroos.15Oonaska iita gishshas iita zaarontta mala naagettite; gido attiin intte intte giddon gidiin hara asara gidiin ubba wode lo7o gidizayssa ooththanaas baaxetite.16Ubba wode ufayettite.17Qanxxontta woossite.18Ay hanonkka galatite; Xoossa sheney inttes Yesus Kirstoosa baggara hessa.19Xillo Ayana tama toyssofte.20Tinbite qaala kadhopite.21Wursika paacci xeellite; lo7o gididaaz oykkite.22Iita gidida ay miishshafekka haakkite.23Saroteththa Goday izi ubba miishshan inttena dummaso; intte ayanay, intte shemppoynne intte ashoy Godaa Yesus Kirstoosi yiza wode wosoy baynda naagetto.24Inttena xeygidayssi ammanettidaade gidida gishshas izi hessa ooththana.25Nu ishatoo! Nu gishshassika woossite.26Ammanizayta ubbaa geeshsha yeereteththan sarokkite.27Ha kiitay ammanizaytas ubbaas nababettana mala Godaa sunththan hadara gays.28Nu Godaa Yesus Kirstoosa aadho kiyateththi inttenara gido.