Tɛsɑlonikɩ I5dop_sim

1Tɑ́ tɑɑpɑlɑɑ, pǝ fɛɩ ɩsɩɩ pɑɑ nɔkɩ-mɛɣɛ tɑkǝlɑɣɑ ŋmɑɑʋ nɑ pɑ kɛɛsɩ-mɛɣɛ wɑɑtʋ yɑɑ wɛɛ nnɑ ɑ tɑɑ mpʋ ɩnɩ pɩɩ lɑ tɔ pǝ tɔm.2Ɩsɩɩ mǝ mɑɣɑmɑɣɑ ɩ́ tɛmɑ nyǝm kɛ teu tɔ, Tɑcɑɑ kʋyɑkʋ kɑ́ lɑ kɛ́ ɩsɩɩ ŋmɩɩlʋ kɛɛsʋɣʋʋ nɑ ɩ́ kɔɔ ɑhoo tɔ.3Wɑɑtʋ wei yǝlɑɑ kɑ́ kɔɔ nɑ pɑ́ tɔŋ sɩ: Nhnn, pǝnɛntɛɣɛlɛ ɑntulinyɑ cɑɣɑ ɩ tete, nɑ pǝnɛntɛɣɛlɛ tǝ hɛɛsɑɑ tɔ. Wɑɑtʋ ɩnǝɣɩ pɩɩ tii pɑ tɔɔ tǝkpili kɛ tɔm kʋlʋm tɔɔ, nɑ pǝ́ lɑ-wɛɣɛ sɑkɑsɑkɑ pɑ kɑɑ fiti. Pɩɩ lɑ kɛ́ ɩsɩɩ lʋlʋɣʋ wʋsɑsɩ tɑkʋɣʋ ɑhonto tɔ.4Amɑ tɑ́ tɑɑpɑlɑɑ, kɑɣɑnɑ ɩ́ tɑ́ kɛ́ sǝkpɛtʋɣʋ tɛɛ nyǝ́mɑ, nɑ pǝ fɛɩ sɩ kʋyɑkʋ kʋnɛ kʋ tuti-mɛɣɛ kʋtutu ɩsɩɩ ŋmɩɩlʋ tutuɣuu tɔ.5Nɔɔnɔɔ tɑɑ ɩsǝntɔ pǝ nyɑɑlɑ mǝ tɔɔ kɛ́ nɑ ɩ́ pǝsɑ ilim tɑɑ nyǝ́mɑ kɛ́. Tǝ tɑ kɛ mpɑ pɑ wɛ ɑhoo tɑɑ nɑ sǝkpɛtʋɣʋ tɛɛ tɔ.6Mpʋ tɔ tǝ́ tɑɑ pɑɑsǝnɑ tom ɩsɩɩ lɛlɑɑ lɑkʋɣʋ tɔ. Amɑ tǝ́ cɑɣɑnɑ tɑ́ ɩsɛ nɑ tǝ́ feŋ nɑ tǝ́ lɑkɩ pǝ tǝnɑ nɑ lɑɑkɑlɩ.7Ahoo kɛ toolɑɑ tooki, nɑ ɑhoo kɛ sʋlʋm kʋɣɩ pǝ nyɔɔlɑɑ.8Amɑ tɑ́ mpɑ pǝ nyɑɑlɑ tɑ́ tɔɔ nɑ tǝ́ pǝsɩ ilim tɑɑ nyǝ́mɑ tɔ tɩɩ lɑkɩ pǝ tǝnɑ nɑ lɑɑkɑlɩ kɛ́. Tǝ́ yele nɑ tɑ́ Ɩsɔ tɑɑ tɛmnɑʋ nɑ tɑ́ tǝmɑ sɔɔlʋɣʋ pǝsɩ-tʋ ɩsɩɩ nyǝɣǝlʋɣʋ toko. Tǝ́ cɑɣɑnɑ nɑɑni sɩ pɩɩ yɑ-tʋ, nɑ pǝlɛ pɩɩ wɛɛ ɩsɩɩ tǝ pɑŋʋɣʋ yoou kɑhukɑ tɔ.9Tǝ tɑ kɛ mpɑ Ɩsɔ sɩɩwɑ sɩ cele pɩɩ fɛlɩ nyɑŋ tɔ se. Amɑ sɩ pǝ́ yɑ tɑ́ nyɔɔŋ kɛ Tɑcɑɑ Yesu Kilisiti tɔɔ kɛ́.10Kilisiti ɩnɩ ɩ sǝpɑ tɑ́ tɔɔ kɛ́ sɩ ye pǝ tɑlɑ ɩ kɔntɛ wule nɑ ɩ́ mɑɣɑnɑ tɑ́ nɑ tɑ́ ɩsɛ, yɑɑ pɑɑ tǝ tɛmɑ sǝpʋ, tɑ́ nɑ-ɩ tǝ́ kpɛntɩ nɑ tǝ kɑɑ tǝcɑɣɑlɛ kɛ tɑm tɔɔ.11Pǝ tɔɔ ɩlɛ ɩ́ sɔɔsǝɣɩ tǝmɑɣɑ ɑpɑlʋtʋ, nɑ ɩ́ tuliɣi tǝmɑɣɑ teitei ɩsɩɩ ɩ́ tɔŋnɑ lɑpʋ tɔ.

Pɔɔlɩ cɑɑ pɑ lɑkɩ mpi tɔ

12Tɑ́ tɑɑpɑlɑɑ, tǝ heeliɣi-mɛ sɩ ɩ́ tʋnɑ mpɑ pɑ lɑkɩ tǝmlɛ kɛ mǝ hɛkʋ tɔ, mpɑ Tɑcɑɑ kpɑwɑ sɩ pɑ́ tiikiɣi-mɛ nɑ pɑ́ sɛɣɛsɩ-mɛ tɔ.13Mǝ luuŋ ɩ́ lɑ-wɛ, nɑ ɩ́ sɔɔlɩ-wɛɣɛ teu kɛ tǝmlɛ nte pɑ tɔŋnɑ lɑpʋ tɔ tǝ tɔɔ. Ɩ́ wɛɛnɑ tǝmɑ nɑ leleŋ.14Tɑ́ tɑɑpɑlɑɑ, hɑɩ, ɩ́ kɑlǝnɑ mpɑ pɑɑ cɑɑ pʋlʋ lɑpʋ tɔ. Ɩ́ lɑ nɑ mpɑ pɑ kǝlɑ fɛɛlɛ tɔ pɑ fɛɛlɛ yɑ, ɩ́ teŋ ɑcɑmɑɑ, ɩ́ hʋ́lǝ́ɣɩ́ yǝlɑɑ tǝnɑɣɑ suulu.15Ɩ́ lɑ lɑɑkɑlɩ nɑ mǝ tɑɑ nɔɣɔlʋ ɩ́ tɑɑ lɛɛtɩ lɛlʋ kɛ ɩsɑɣɑtʋ. Amɑ ɩ́ lʋ sɩ ɩ́ lɑkɩ tǝmɑɣɑ kʋpɑntʋ kɛ tɑm, pɑɑ mǝ mɑɣɑmɑɣɑ mǝ tǝmɑ, pɑɑ kpɑɩ nyǝ́mɑ.16Mǝ lɑŋɑ ɩ́ hʋlʋmɩ tɑm.17Ɩ́ sǝlǝmǝɣɩ Ɩsɔ kɛ́ tɑm, ɩ́ tɑɑ yele.18Ɩ́ sɛɛ Ɩsɔ sɩ ɩ́ nɑ tǝmlɛ kɛ pɑɑ mpi pǝ tɑɑ. Ɩsǝnɑ Ɩsɔ cɑɑ sɩ ye ɩ́ tǝŋǝɣɩ Yesu Kilisiti ɩ́ lɑkɩ tɔɣɔlɛ.19Ɩ́ tɑɑ kɑɣɑtɩ Feesuɣu Nɑŋŋtʋ, ɩ́ yele-ɩ nɑ ɩ́ lɑ ɩ tǝmlɛ.20Ɩ́ tɑɑ nyǝnɩ Ɩsɔ kʋheelitu kpɑɑlʋɣʋ kɛ yem.21Ɩ́ wɛsɩ pɑɑ mpi pǝ tɑɑ kɛ́ teu nɑ ɩ́ nɑ́ nti nti tǝ wɛ teu tɔ nɑ ɩ́ tɔkɩ tǝlɛ.22Nɑ ɩ́ lɔ nti tǝ fɛɩ teu tɔ pɑɑ tǝ kɛ́ nti.23Ɩsɔ wei ɩ lɑkɩ nɑ tǝ́ nɩɩkɩ leleŋ tɔ ɩ́ yele nɑ ɩ́ pǝsɩ ɩ nyǝ́mɑ tǝkpɑtɑɑ. Ɩsɔ ɩnɩ ɩ́ pɑɑsǝnɑ mǝ lǝmɑɣɑsɛɛ nɑ mǝ tɔnǝŋ, nɑ mǝ wɛɛtʋ ntɩ tǝ tǝnɑ tǝ́ wɛɛ tǝnɑŋŋ kɛ́ Tɑcɑɑ Yesu Kilisiti kɔntɛ wule.24Wei ɩ yɑɑ-mɛ tɔ ɩ kɛ́ kʋpɑŋ. Pǝ tɔɔ kɛ́ ɩ kɑɑ yele-mɛɣɛ tɑɣɑnʋɣʋ kɛ mpʋ.25Tɑ́ tɑɑpɑlɑɑ ɩ́ sǝlǝmǝnɑ-tʋɣʋ Ɩsɔ tɔtɔ.26Ɩ́ sɛɛ tɑ́ tɑɑpɑlɑɑ tǝnɑɣɑ teu nɑ ɩ́ lɛlɩ.27Hɑɩ, mɑ wiikinɑ-mɛɣɛ, Tɑcɑɑ tɔɔ sɩ ɩ́ kɑlɑ tɑkǝlɑɣɑ kɑnɛ nɑ yǝlɑɑ tǝnɑ nɩɩ.28Tɑcɑɑ Yesu Kilisiti ɩ́ lɑ-mɛɣɛ pɛɛlɛɛ.
expand_more
Search