1 ተሰሎንቄ3oyd_etw
1ይኒ ግሾ፥ ኑ ይንታና በአንጽዳነ ኑስ ገንጮደስ ዳንዳእንታንጽን፥ አቴና ካታማ ኑ ጻላላ አቶደስ ቆፋ አጭዳ።2ይንታና ዞሮደ ፋና አማኖራ ይንታና ምንደ ፋና ኑራ ዎላ ጾዝስ ኦችዛን ክርስቶሳ ዎንገለ ኦህዘ ኑ እሻይ ጢሞትዮሳ ይንታጎ ዳክዳ።3ይናን ይንታና የልደ ዋይተ ይንታፓ ኦደን ሱብ ማቅፈ። ይና ዋይታ ኑስ ጾዘ ቆፋ ማቅዳኖ ይን፥ ይን ኦምተ ኤራነ።4ኑ ይንታራ የዘ ዎደ ዋየ ኑና የሎዳኖ ይንትስ ቲን ኦህዳ። ይን ኤርዛን ፋና Ꮉንዳ።5ይኒ ግሾ፥ ታስ ገንጮደስ ዳንዳእንታንጽን፥ «ኦደ ኤርዘ ጻላሄ ኡንታና ፋታኒ ኑ ላቢቶ ጨር አሽካይዛራ አታማ» ጋእ ይን አማንትባዝ ኤሮደስ ጢሞትዮሳ ይንታጎ ኪትዳ።6Ꮉተ ጢሞትዮሳ ይን ካለፓ ይእ፥ ይን አማንትባዝ ይን ሲቅትባዝ ሎኦ ዎረ ኦህዳ። ማህ ይን ኡባ ዎደ ኑስ ሎኦ ቆፕዛኖን ኑኒ ይንታና በአደስ አሙዛኖ ይን ኑና በአደስ አሙዛኖ ኤ ኑስ ኦህዳ።7ታ እሹን፥ ኑና የልዘ ዋይተን ማተ ማቅኮን ይን አማንቲ ግሾ ምንግዳ።8ይን ላራ ሚንግ የዝኮ ኑስን ደኦ።9ይኬ፥ ኑኒ ይን ባጋራ ደንግደ ኡፋይስትስ ጾዛ ዋይዝ ጋላቶደ?10ኑኒ ይንታና በአደስን ይን አማንተ ፋጭደባዝ ኩንደስ ቃማን አዋራ ኑ ኩሙ ዎዝንተ ጾዝ ዎሳነ።11ጾዘ ኑ አዳይ ፋ ኦምተ ኑ ላ የሱስ ኑ ይንታጎ Ꮉንጎደ ኦግቶ ጊግዞ።12ኑ ይንታና ጋማ ካዛን ፋና ላ ይንታና ፈታያ ፈታያ ሲቅዘ ሲቅተ አስ ኡባ ሲቆ ይንትስ ጋን ጉጆ።13ኑ ላ የሱስ ክርስቶሳ ፋ ጌሹንራ ይእዘ ዎደ ጾዘ፥ ኑ አዳይ ቲኖ ይን ዎዝንታ ጌሽን ቦረ ባይዛ ማህ ኤ ይንታና ምን።