Read 1ሳሜላ ማጻፋ 2

1ሳሜላ ማጻፋ2gmv_etw

ሃና ዎሳ

¹ሃናይ፥ «ታ ዎዚናይ ጎዳን ኡፋዬቲዴስ፤ታ ካጬይ ጾሳን ቁ ቁ ጊዴስ፤ኔኒ ታና ኣሺዳ ኣሾንታኒ ኡፋዬቲዳ ጊሻስታ ዶናይታ ሞርኬታ ቦላ ዶዬቲዴስ።

²«ጎዳ ማላ ጌሺ ኦኒካ ዴና፤ኔፔ ኣቲን ሃራይ ዴና፤ኑ ጾሳ ማላ ዛላይ ዴና።

³«ሃይሳ ማላ ኦቶሮን ሃሳዮፒቴ፤ሃይሳ ማላ ጬቄቴ ቃላይኢንቴ ዶናፔ ኬዞፖ፤ጋሶይካ ጎዳይ ኢዚ ኤራ፤ኦሶ ኡባ ኢዚ ጌዳሬስ።

⁴«ዎልቃማታ ቶራይ ሜቄሬቲዴስ፤ዳቡራንቻቲ ጊዲኮዎልቃ ዴሚዳ።⁵ካሴ ካሊዳይቲ ጋፊዲሃኢ ካስ ሃሬቲዳ፤ካሴ ጋፊዳይቲ ሃኢ ካ ካሊዳ፤ማይኔያ ሃኢላፑን ና ዬላዱስ፤ዳሮ ናይታ ኣዬያሃኢ ዬሎ ያዱስ።

⁶«ጎዳይ ዎሲኔ ፓስ፤ዱጌ ዱፎን ጌልሲኔ ኬሴስ።⁷ጎዳይ ማንቄሲኔ ዱሬሴስ፤ካዉሼሲኔ ጊታሴስ።⁸ኢዚ ማንቆ ጉዱላፌ ዴንስ፤ኣይኮይካ ባይንዳ ማንቆዛቁ ቁ ሂስቴስ፤ባ ሹሜታራካ ኢሲፌ ኡቲሴስ፤ቦንቾ ኣራታካ ላቲሴስ።ጋሶይካ ቢታዮቻቲ ጎዳሳ፤ኢዚ ኣላሜ ኢስታ ቦላ ዎዴስ።

⁹«ኢዚ ጌሻታ ቶሆ ናጌስ፤ኢታቲ ጊዲኮ ማን ዬጌታና፤ኣሲ ባ ዎልቃን ጾኔና።¹⁰ጎዳራ ኤቄቲዛይቲ ሊቃና፤ኢዚ ኢስታ ቦላ ሳሎፔ ጉማና፤ጎዳይ ቢታጋጻ ጋካናስ ፒርዳና፤ኢዚ ካዎዛስ ዎልቃ ኢማና፤ኢዚ ቲዬቲዳይሳ ካጬቁ ቁ ሂስታና»ጋ ዎሳዱስ።¹¹ሄሳፌ ጉዬ ሂልቃናይ ባሶ ኤራማ ቢዴስ። ናዚ ሳሜሊ ቄሴ ኤሌ ሲንን ዲሼ ጎዳስ ሃጋዜስ።

ኤሌ ናይታ ኢታቴ

¹²ኤሌ ናይቲ ሹፉሮታ፤ ጎዳስካ ያዬቴና።¹³ሄ ዎዴ ቄሴቲ ዴራራ ዲዛ ኢሲፌቴን ፖሊዛ ዎጋቲ ዴቴስ፤ ኣይ ኣሲካ ያርሾ ሺሺዛ ዎዴ ኣሾይ ዶይሴቲሺን ቄሴዛ ኦሳንቻይ ሄ ኣቻራ ዲዛ ቃጴ ኤኪዲ ዬስ።¹⁴ኢዚካ ቃጴዛ ዱጌ ዲስቴዛን ዎይኮ ጻሮዛን፥ ኦቶዛን ዎይኮ ባዛን ዬዴስ፤ ሄሳፌ ጉዬ ቃጴዚ ኤኪ ኬዚዳ ኣይ ኣሾካ ቄሴዚ ባስ ኤኬስ፤ ኢስቲ ሴሎ ዪዛ ኢስራኤሌ ኣሳ ኡባ ሄሳ ማላን ሞኬቴስ።¹⁵ጊዶ ኣቲን ሃንዳዚ ጹጌታናፔ ሲንን ቄሴዛ ኦሳንቻይ ዪዲ ያርሾዛ ሺሺዛዴ፥ «ቄሴዚ ቃዬፔ ኣቲን ዶይሴቲዳ ኣሾ ኔፔ ኤኮንታ ጊሻስ ቄሴዛስ ጺጻና ኣሾ ታስ ኢማ» ጌስ።¹⁶ኣዴዚ፥ «ኮይሮ ሃኒዳይ ጹጌቶ፤ ሄሳፌ ጉዬ ኔ ኮይዛይሳ ኤካንዳሳ» ጊኮካ ቄሴዛ ኦሳንቻዚ፥ «ኣካይ! ሃኢ ታስ ኢማ! ኔ ኢሞንታ ኣጊኮ ታ ዎልቃራ ኤካና» ጌስ።¹⁷ጎዳስ ሺቂዛ ያርሾዛ ሄሳ ሂስቲ ካዛ ጊሻስ ኤሌ ናይታ ናጋራይ ጎዳ ሲንን ኬሂ ዴጾ ጊዲዴስ።

ሴሎን ሳሜላ ዱስ

¹⁸ሳሜሊ ቡሮ ዮጋቴን ዲሼ ላይኖፔ ዳዴቲዳ ማይኦ ማይኢዲ ጎዳ ሲንን ኦስ።¹⁹ኢዛ ኣያ ባ ኣዚናራ ላይን ላይን ሺሺዛ ያርሾ ሺሻናስ ቢዛ ዎዴ ኡባን ኢዛስ ቦላራ ማይኣናስ ቄሪ ማይኦ ዳዲሳ ኤካ ያዉስ።²⁰ኤሌይ፥ «ዎሳን ኢዛ ጎዳፔ ዴማዳ ዛራ ጎዳስ ኢሚዳ ሃ ናዛ ቆ ጎዳይ ሃ ማጫሳይፌ ሃራ ዬሎ ኔስ ኢሞ» ጊሼ ሂልቃናኔ ኢዛ ማቼዮ ኣንጄስ፤ ሄሳፌ ኢስቲ ጉዬ ባሶ ሲሚ ቢዳ።²¹ጎዳይ ሃና ኣንጂዴስ፤ ኢዛ ቃንታዳ ሄ ኣቱማ ናይታኔ ናምኡ ማጫ ናይታ ዬላዱስ፤ ዬላጋ ሳሜሊካ ጎዳ ሲንን ዲጪዴስ።

ኤሌኔ ኢዛ ና ናምኣታ

²²ሄ ዎዴ ኤሌይ ኬሂ ጪሚዴስ፤ ኢዛ ናይቲ ኩሜ ኢስራኤሌ ቦላ ኦሼ ዲዛይሳ፥ ጋይቶቴ ዱንካኔዛ ፔንጌን ኦዛ ማጫሳታራ ኢስቲ ላይማቲዳይሳ ሲዪዴስ።²³ሄሳ ጊሻስ ኢዚ ኢስታስ፥ «ኢንቴ ኦዛ ኢታ ኦሶዛ ኩሜ ዴራፔ ታ ሲያይስ፤ ኣይስ ሃይሳ ማላ ኦቲ?²⁴ታ ናይቶ ሊኬ ጊዴኬታ፤ ጎዳ ዴራ ጊዶን ኢንቴ ጊሻስ ላሌቲዳ ዎሬይ ሎኦ ጊዴና።²⁵ኢሳዴይ ሃራ ኣስ ቆሂኮ ጎዳይ ኢስታ ጊዶን ፒርዴስ፤ ጊዶ ኣቲን ኣሲ ጎዳ ቆሂኮ ኦኒ ኢዛስ ጋናታኔ?» ጊ ሃንቄቲዴስ። ጊዲኮካ ጎዳይ ኢስታ ይሳና ኮዪዳ ጊሻስ ኢስቲ ባንታ ኣዋ ሴራ ኤኪቤቴና።²⁶ዬላጋ ና ሳሜሊ ጌሳኒኔ ቴማን ጎዳ ሲንኒኔ ኣሳ ሲንን ዲጪ ዲጪ ቢዴስ።

ኤሌሶ ኣሳ ቦላ ዮቴቲዳ ቲንቢቴ

²⁷ሄ ዎዴ ጾሳፌ ኪቴቲዳ ኢሲ ናቤይ ኤሌኮ ዪዲ፥ «ጎዳይ፥ ‹ኔ ኣዋ ሶ ኣሳይ ካሴ ጊብጼን ፓሮኔ ኩሼን ዲዛ ዎዴ ታና ኢዛስ ቆንጪሳቤኪና?²⁸ኢዚ ታስ ቄሴ ጊዳና ማላ፥ ታስ ያርሾ ያርሺዛሶዛ ቦላ ኢዚ ኬዛና ማላ፥ ኤጻኔ ጩዋሳና ማላ፥ ታ ሲንንካ ኤፉዴ ማይኣና ማላ ኢስራኤሌ ቆሞታ ኡባ ጋርሳፌ ታ ኔ ኣዋ ዶራዲስ። ኢስራኤሌ ኣሳይ ታማን ጹጊ ሺሺዛ ያርሾ ኡባ ኔ ኣዋ ኬ ኣሳስ ኢማዲስ።²⁹ታ ኣቂዛ ኬን ሺቃና ማላ ታ ኣዛዚዳ ያርሾዛኔ ካዛ ኣይስ ካዴቲ? ኔኒኔ ኔ ናይቲ ታ ዴሬ ኢስራኤሌይ ሺሺዳ ያርሾ ኡባፌ ሙሩታ ሙሩታ ዶሪ ሚዲ ኢንቴ ሞላቲዴታ፤ ኔካ ታፔ ኣዳ ኔ ናይታ ኣይስ ቦንቻዲ?› ጌስ።³⁰«ሄሳ ጊሻስ ጎዳ ኢስራኤሌ ጾሳይ፥ ‹ኔ ኬኔ ኔ ኣዋ ኬ ኣሳይ ታ ሲንን ሜርናስ ሃጋዛና ማላ ሂዶታ ቃላ ኢማዲስ፤ ሃኢ ጊዲኮ ጎዳይ ሃኒፌ ጉዬ ታ ሃይሳ ኦኬ፤› ታና ቦንቺዛይታ ታካ ቦንቻና፤ ታና ካዛይቲ ሙሌራካ ካታና።³¹ቤኣ ኔ ዜሬ ጊዶን ጪማይ ቤቶንታ ማላ ኔ ዎልቃኔ ኔ ኣዋ ኬ ኣሳ ዎልቃ ታ ሜንና ዎዴይ ያና።³²ኔኒ ታ ኬን ሜቶ ቤኣና፤ ኢስራኤሌስ ኣይ ሎኦይ ኦሴቲኮካ ኔ ኬን ሙሌካ ጪማይ ቤቴና።³³ታኒ ታስ ያርሾ ያርሺዛሶዛፔ ዲጎንታ ኔ ዜሬቲ፥ ሼምፖራ ፓጻ ኣታናይቲ ኔ ኣይፌታ ኣፉንን ዶልጁሚሳናስ፥ ኔ ዎዚናካ ጬጬን ኩንናስ ጻላ ኣታና። ጊዶ ኣቲን ሃራ ኔ ዜሬቲ ኡባይ ዬላጋቴን ሙልቄቲ ሃይቃና።³⁴«ኔ ናይታ ናምኣታ ኣፊኔ ቦላኔ ፊኒሃሴ ቦላ ጋካናይሲ ኔስ ማላታ ጊዳና፤ ኢስቲ ናምኣይካ ኢሲ ጋላስ ሃይቃና።³⁵ታ ዎዚና ማላኔ ታ ቆፋ ማላ ታስ ሃጋዛና ኣማኔቲዳ ቄሴ ታኒ ታስ ዴንና፤ ኢዛ ኬ ታ ሚን ኤሳና፤ ኢዚካ ታ ቲይዳይሳ ሲንን ሜርናስ ሃጋዛና።³⁶ኔ ዜሬታፔ ኣቲዳ ኣይ ኣሲካ ኢሲ ሳቂሌ ቢራሲኔ ኢሲ ባርሳ ካስ ጊዲ ኢዛ ሲንን ጉፋኒዲ ጎይናና፤ ‹ሃቺስ ባዛዝ ታ ዴማና ማላ ዛይ ታና ቄሴቴ ኦሶታፔ ኣዋይሳንካ ጌልርኪ!› ጊዲ ኔና ዎሳና» ጊዴስ።

1ሳሜላ ማጻፋ 2 / gmv_etw

ሃና ዎሳ

ኤሌ ናይታ ኢታቴ

ሴሎን ሳሜላ ዱስ

ኤሌኔ ኢዛ ና ናምኣታ

ኤሌሶ ኣሳ ቦላ ዮቴቲዳ ቲንቢቴ

1ሳሜላ ማጻፋ2gmv_etw